ஏழ்மை -வறுமை-இல்லாமை

அண்ணே வணக்கம்ணே !
ஏழ்மை -வறுமை-இல்லாமைங்கற பதிவை பார்த்துட்டு மூனும் ஒன்னுதானடா மூதேவின்னு கடுப்பாயிருப்பிங்க. ஆனால் தமிழ் வளமான மொழி. மேற்படி 3 வார்த்தைக்கும் இடையில் உள்ள வித்யாசத்தையே 3 பதிவா எழுதலாம். ஆனால் நம்ம நோக்கம் தமிழ் மொழியின் இலக்கிய வளம் குறித்த ஆராய்ச்சி இல்லை.

கடந்த 12 நாட்களாக எப்படியோ 12 ராசிகளுக்குமான புத்தாண்டுபலனை அடிச்சு முடிச்சுட்டம். என்னதான் சோதிடம் விஞ்ஞான பூர்வமானது -அனுபவத்துல ஒர்க் அவுட் ஆகுது – நாம சைன்டிஃபிக்காதானே சொல்றோம் -பதிவுகளால பல பேர் பயனடைஞ்சதா சொல்றாய்ங்களே அது இதுன்னு அஜீஸ் பண்ணிக்கிட்டாலும் வெறுமனே சோதிடப்பதிவா போட்டுட்டு போறதுக்கும் -வெறுமனே ஆன்லைன் ஜோதிடத்தொழிலை மட்டும் கவனிக்கிறதுக்கும் ஒரு மாதிரியாத்தான் இருக்கு.

ஜன்ம குரு நம்மை இப்படி ஏகத்துக்கும் “நெல்ல” மாதிரி ரோசிக்க வச்சுர்ராரு போல. இந்த வறுமையை ஒழிப்போம்ங்கறது (கரீபி ஹட்டாவ்) காங்கிரஸோட ஸ்லோகன்.ஏழ்மையை ஒழிக்கிறாய்ங்களோ இல்லையோ ஏழைகளை ஒழிச்சுக்கிட்டே வர்ராய்ங்க.வாழ்க.

வறுமைல்லாம் ஒரு பொருட்டே கிடையாது. பணம் என்ன பெரிய பணம் , மனம் இருக்கனும். விரிந்த மனம் உள்ளவனே பணக்காரன் அது இதுன்னு ஜல்லியடிச்சுரலாம். ஆனால் ப்ராக்டிக்காலிட்டின்னு ஒன்னிருக்கே. உலகமெங்கும் முருகேசன்கள் மட்டுமே அ முருகேசன் போல ரோசிக்கிறவுக மட்டுமே இருந்தா இதெல்லாம் சரி. உலகத்துல இன்ன பிற கேரக்டர்ஸும் இருக்காய்ங்களே. அவிகளையும் ஃபேஸ் பண்ணவேண்டியதா இருக்கே.

உலக மக்கள் ஒரு நாய்க்கூட்டம்.இவிகளுக்கு தேவை பணம்ங்கற எலும்பு. ஒனக்காவ இல்லின்னாலும் -இந்த நாய்ங்க மேல விழுந்து பிடுங்காம இருக்கவாச்சும் ஒரு ஏர் பேக்ல சேர்த்து வச்சுக்க லேசா நாறினாலும் பரவால்லைங்கறது எனக்கு நானே செய்துக்கிட்ட உபதேசம்.

கொய்யால வறுமையை ஒழிக்க ரோசனை சொல்ல உனக்கென்ன தகுதி இருக்குன்னு கேப்பிக. மேக்ரோ லெவல்ல நாட்டு வறுமையை ஒழிக்கவே வல்லரசு கனவுகள் தந்த பார்ட்டி நாம. அந்த கனவுகளை நனவாக்கிற முயற்சியே நம்ம வறுமைக்கும் ஒரு காரணமாயிட்டது நல்ல முரண்பாடு.

1991 லருந்து 2007 வரைக்கும் ( இடையில -அடிக்கடி இடைவெளிகளோட – நாலைந்து வருடங்கள் தவிர ) வறுமைய க்ளோசப்ல,லாங் ஷாட்ல ,மிட்ஷாட்ல இப்படி பலப்பல கோணங்கள்ள பார்த்த அனுபவம் நமக்கிருக்கு. இன்னைக்கும் அதோ அந்த கரையிலருந்து “என்ன ராசா..கூப்டாப்ல இருக்கு”ன்னு வறுமை குரல் கொடுக்கத்தான் செய்யுது. நாமதேன் ஏதோ விளம்பரத்துல தனுஷ் போல காது கேட்காம நடிச்சுட்டு இருக்கம்.

நாம ஃபேஸ் பண்ண வறுமையை அதனோட விவித அளவைகளை இப்பம் சொல்றது அதுக்கு காரணமான நம்ம தவறுகளை பட்டியல் போடறதுதேன்.

நாம பண்ண தவறை ஆரும் செய்து வறுமைய வலுக்கட்டாயமா வெல்கம் பண்ணிரக்கூடாது
ங்கறதுக்காவத்தேன்.

வறுமைக்கு பல காரணம் இருக்கு. அது தொடர ஒரே காரணம் வறுமை நம்ம மைண்ட் செட்டையே மாத்திர்ரது தான். ( அதுக்கு நாம அனுமதிக்கப்படாது -அது முடியாதுங்கறது வேற விஷயம்)

வறுமை வந்து ஷேக் ஹேண்ட் கொடுக்கவும் நாம தான் காரணம். வறுமைக்காக நாம கட்டி வைக்கிற பேனர்கள், வைக்கிற ஃப்ளெக்ஸி போர்டுகள் தான் வறுமைய கூட்டிட்டு வருது.

சைக்கலாஜிக்கலா / சப் கான்ஷியஸா நாம வறுமைய வெல்கம் பண்ணாத வரைக்கும் வறுமை வரவே வராது. அப்படி வந்த வறுமைக்கு நாம பழகிப்போற வரைக்கும் வறுமை தொடரவே தொடராது.

நம்முது மொதல்ல லோயர் மிடில் க்ளாஸ் ஃபேமிலி.அப்பாறம் ஹையர் மிடில் க்ளாஸ் ஃபேமிலியா மாறிட்டு வந்தது. அப்பா கெஜட்டட் ஆஃபீசர். அவரு வெளியூர்ல வேலை செய்துக்கிட்டு இருந்த சமயம் ரெண்டு குடித்தனமா போயிர்ரதால செலவு அதிகமா இருந்தது போல.அவரு உள்ளூருக்கே மாத்தலாகி வந்த பிற்காடு இந்த மிடில் க்ளாஸ் பம்மாத்துகள் ,சுய ஏமாற்றுகள், ஹிப்பாக்கிரசி எல்லாம் அதிகமாயிருச்சு.

இதையெல்லாம் பார்த்து பார்த்து செமை கடுப்பு. கொய்யால இதைவிட ஒரு கூலி,சித்தாளுக்கு மகனா பிறந்திருக்கலாமே வறுமையே இருந்தாலும் அது தன் சுயரூபத்தோட வரும். ஒரு கை பார்க்கலாம். இதென்னடா இது .. வறுமையா..ஹ..எங்களுக்கான்னு சொல்லிக்கலாம்போல பில்டப் இருக்கு. அதாவது குல கவுரவம்,குடும்ப கவுரவம், சொந்த வீடு அப்பாவுக்கு ஆஃபீசர் ஹோதா இத்யாதி. ஆனால் பார்ட் டைமா கோணி வியாபாரம் பண்ற க்ளாஸ் மேட் அருஞ்சுனை பாண்டியன் தன் சொந்த சைக்கிளை பூம்பூம் மாடு மாதிரி அலங்கரிச்சு கொண்டுவரான். வீட்ல ரெண்டு சைக்கிள் இருந்தும் நமக்கு வேணம்னா சைக்கிளுக்கு தொங்கனும். டிவி பார்க்கனும்னா பஜார்ல அப்பாவோட ஃப்ரெண்டான செட்டியார் வீட்டுக்கு போய் பார்க்கனும்.

இந்த இரட்டை தன்மை நம்ம சைக்காலஜிக்கு ஒத்துவரலையா.. அப்பமே நம்ம சப் கான்ஷியஸ் மைண்ட் ஏழ்மைய விரும்பி வரவேற்க ஆரம்பிச்சுட்டாப்ல இருக்கு. ஆனாலும் ஜீன்,வம்சாவளி குண நலன் காரணமா “மிடில் க்ளாஸ்”பாதுகாப்பை விட்டுர்ர தகிரியம் வந்ததில்லை. இது வந்தது 1987 லதேன். அதுவும் தகிரியமா பீடி குடிக்க ஆரம்பிச்ச பிற்காடுதேன் இந்த தகிரியம் ஸ்திரமாச்சு.

கொய்யால சிகரட்டு குடிக்க வசதியில்ல. ஓசி வாங்க -எச்சி சிகரட் குடிக்க மனசில்லை -என் காசுல நான் பீடி குடிக்கிறேன் போங்கடா ங்கோத்தா என்ற சைக்காலஜி. இது வறுமைய நான் சப்கான்ஷியஸா வரவேற்ற கதை.

1991 நவம்பர் வரைக்கும் எப்படியோ போச்சு . இதுக்கப்பாறம் தான் காதல் -கலப்பு மணம். உள்ளூர்ல இருந்தவரை கூட பரவால்லை. சத்தியவேடு – அங்கருந்து தமிழ் நாடு கும்மிடிப்பூண்டி போனம்பாருங்க.அங்கன வறுமைய நெல்லா டைட் க்ளோசப்ல பார்த்தேன்.

மொத மாசம் சம்பளம் வர்ர வரைக்கும் தினசரி ஒரு பாண்டு ரூ10க்கும், சட்டை ரூ 5 க்கு வித்துதேன் நாளை ஓட்டனும். 1989 ல மொத சோசியரை சந்திச்சு 1990 மார்ச்ல ஆஃபீஸ் போட்ட சோசியரா இருந்தாலும் கும்மிடி பூண்டியில பப்பு வேகனும்லா?

மொத மாசம் செக்யூரிட்டியா – அடுத்த மாசம் அட்டென்டரா வேலை பார்த்துட்டு கர்பமாயிருக்கிற பொஞ்சாதிக்கு தடுப்பூசி போட போனா ரேசன் கார்டு கேட்டானுவ .. தபார்ரா அப்பம் பிரசவத்துக்கு இன்னம் என்னெல்லாம் கேட்பானுவளோன்னு பயந்து சித்தூர் வந்தாச்சு.

தெய்வாதீனமா அந்த நேரம் பார்த்து நம்ம மாமன் ஒரு ஆளு ஆஸ்பத்திரியில கிடக்க நாம மொத மொதலா ரத்த தானம் கொடுக்க – பத்து பதினைஞ்சு நாள்ள அந்தாளு டிக்கெட் போட்டுர -சாவுக்கு அப்பா போயிருக்காரு.

அங்கன சாதி சனம் நம்ம ரத்த தானம் பத்தி சொல்ல அப்பாவுக்கு “அடடே நம்ம பையனுக்கு இம்மாம் பேரா”ன்னு ஒரு குஜிலி ஆகி உறவுக்கு கை கொடுக்க வந்துட்டாரு.

அவனவன் எக்கனாமிக்கலா கொஞ்சம் லிஃப்ட் கிடைச்சா போதும் ரிலாக்ஸ் ஆயிருவான். அடுத்து லக்சரிக்கு ப்ளான் பண்ண ஆரம்பிச்சுருவான்.

ஆனால் நமக்கு ? கொய்ட் டிஃப்ரண்ட். தாளி .. சோத்து பிரச்சினை இல்லை.பெருசா ஏதாச்சும் செய்து நம்மை நாம ப்ரூஃப் பண்ணியாகனுங்கற எண்ணம் வந்துரும். அதுக்காவ நம்மை நாம வதைச்சுக்கறது ஆரம்பிச்சுரும்.

வறுமையின் போது வறுமை பிரச்சினை.வறுமைக்கு கொஞ்சம் போல வெட்டு விழுந்து அது தடுமாற ஆரம்பிச்சதும் ஒரே போடா போட்டு முடிச்சுரவேண்டியதுதாங்கற வெறி-அதனால வதை.

எல்லாத்துக்கும் அடிப்படை நம்ம சோசியம் . ஆரம்பத்துல நம்ம டார்கெட் நம்ம படைப்புகளை பத்திரிக்கைகளுக்கு அனுப்பி “லச்சம் லச்சமா ” சம்பாதிக்கிறதுதேன்.

காமெடி ட்ராக்ல கவனிச்சுருப்பிங்க. ( மொத்தமா 25 ரூபா வரும்.அதுல போஸ்ட் மேனுக்கு அஞ்சு ரூபா தரனும் – பத்து வட்டிக்கு வாங்கி செலவழிச்சுக்கிட்டிருக்கேன் எட்செட் ரா)

இந்த பத்திரிக்கைகள் – இலக்கியம் -இடியாப்பம் பற்றிய பிரமைகள் விலக ரெம்ப நாளாச்சு ( அப் டு 1997) அதுக்கப்பாறம் ஆப்பரேஷன் இந்தியா 2000 . இது காரணமா ஒரு 7 வருசம் செமை அல்லாட்டம். சத்திய சோதனையில காந்தி போவாரே ஒவ்வொரு பத்திரிக்கை ஆஃபீஸுக்கா .. அதைப்போல ஃபைல் ஒன்னை தூக்கிக்கிட்டு போகவேண்டியது .பாதிரியார் பரலோக ராஜ்ஜியம் பத்தி சொல்றாப்ல ஆப்பரேசன் இந்தியாவை பத்தி சொல்லவேண்டியது.

அதுக்காவ காசு பணம் வேணாம்னு மடியா இருந்ததில்லை. காசு பணம் வந்ததுமே அத்யாவசிய தேவைகளுக்கு கிள்ளி கொடுத்துட்டு லட்சியபயணத்தை ஆரம்பிச்சுர்ரது. இப்படி மேற்படி ரெண்டு விசயங்கள் ரெம்பவே டிஸ்டர்ப் செய்துக்கிட்டிருந்தது.

நல்லதுக்கோ கெட்டதுக்கோ ஒய்.எஸ்.ஆர் ஜலயக்னம் மேற்கொள்ள நம்ம மனசு அவர் பக்கமா சாய லட்சியம் லங்கோடுல்லாம் கொஞ்சம் பின்னணிக்கு போயிருச்சு.

1991 டு 2004 நாம நாசமா போனதுக்கு காரணம் மேற்படி இலக்கிய வேட்கை ,லட்சிய வெறின்னு சொல்லி முடிச்சுரலாம்.ஆனால் வறுமை நிலை தொடர அது ரெண்டுக்கும் இடையில நம்ம சைட்லருந்தும் பல காரணங்கள் இருக்கு…

அந்த காரணங்கள் மட்டும் தெரிஞ்சா உங்கள்ள பலரும் உசாராயிரலாம்.வறுமைக்கு சிரச்சேதம் பண்ணிரலாம் – கழுவிலேற்றிரலாம். அந்த காரணங்களை அடுத்தடுத்த பதிவுகள்ள பார்ப்போம்.

Advertisements

புத்தாண்டு பலன் : மேஷம் To மீனம் (2012-13)

சில பதிவுகளுக்கு தலைப்பு வேறயா இருக்கேன்னு டர்ராயிராதிங்க. எல்லாமே ராசிகளுக்கான புத்தாண்டு பலன் தான். சென்சேஷனுக்காவ வேற விஷயத்தை டாப்ல கொடுத்து உள்ளே அடுத்தடுத்த ராசிகளுக்கு பலனை கொடுத்திருப்பம்

http://anubavajothidam.blogspot.in/2012/04/blog-post_3393.html
2012-13 தமிழ் புத்தாண்டு பலன் : மேஷம்

http://anubavajothidam.blogspot.in/2012/04/2012-13.html
2012-13 தமிழ் புத்தாண்டு பலன் : ரிஷபம்

http://anubavajothidam.blogspot.in/2012/04/2012-13_17.html
2012-13 தமிழ் புத்தாண்டு பலன் : மிதுனம்

http://anubavajothidam.blogspot.in/2012/04/2012-13_18.html
2012-13 தமிழ் புத்தாண்டு பலன் : கடகம்

http://anubavajothidam.blogspot.in/2012/04/blog-post_19.html
சினிமா வினியோகஸ்தராகிறார் ஜெ ! ( சிம்மம்)

http://anubavajothidam.blogspot.in/2012/04/2_20.html
உணவும் -உடலுறவும்: பகுதி 2 (கன்னி)

http://anubavajothidam.blogspot.in/2012/04/blog-post_21.html
கொலைகாரனுக்கு கொடி பிடிக்கும் மீடியா ( துலா)

http://anubavajothidam.blogspot.in/2012/04/blog-post_22.html
காங்கிரஸ் எம்பியின் கில்மா வீடியோ (விருச்சிகம்)

http://anubavajothidam.blogspot.in/2012/04/blog-post_24.html
பா.ஜ.க காங்கிரஸ் கூட்டு சதி? (தனுசு)

http://anubavajothidam.blogspot.in/2012/04/vs_25.html
அம்மா” உசுருக்கு ஆபத்து Vs ஸ்டாலின்-அழகிரி அலப்பறை (மகரம்)

http://anubavajothidam.blogspot.in/2012/04/blog-post_27.html
சிறு நீர் தெளித்து பிரபல ஹீரோவுக்கு மொட்டை (கும்பம்)

http://anubavajothidam.blogspot.in/2012/04/blog-post_28.html
தமிழ் புத்தாண்டு பலன்: மீனம்

தமிழ் புத்தாண்டு பலன்: மீனம்

இன்னைக்கு சென்சேஷன் முன்னாள் பா.ஜ.க தலைவர் பங்காரு லட்சுமணுக்கு 4 ஆண்டு சிறை.
( எங்களை மட்டும் ஈசியா உள்ளே தூக்கி போட்டுர்ராங்கய்யா -வாய்ஸ் ஆஃப் தலித்/தென் இந்தியர்கள் )

..புத்தாண்டு பலனை தொடரலாமா? இன்னைக்கு மீனராசி. மொதல்ல இவிக கேரக்டரை பார்த்துருவம்

இது இவரோட கடைசி பிறவி. இவருக்கும் பிறருக்கும் அடிப்படையிலயே வித்யாசம் உண்டு. நாமெல்லாம் பொருளீட்டி ,கருமங்களை கூட்டி, மேற்படி கருமங்களை ஒழிக்க பிறவிகளின் எண்ணிக்கையை அதிகரித்துக்கொள்வதில் குறியாய் இருப்போம்.ஆனால் இவர் ரிவர்ஸ் எஃபெக்ட் காரணமாக ஆரம்பகாலத்தில் நம்மை போலவே பொருளீட்டினாலும் உள் உணர்வு உந்த ஈட்டிய பொருளை விரயம் செய்து கருமம் தொலைத்து, பிறவியை தவிர்ப்பதிலேயே குறியாய் இருப்பார். பிரயாணங்கள்ள ஆர்வமிருக்கும் (அதுவும் டெஸ்டினேஷன் இல்லாத பயணம், நோக்கமில்லாத பயணம், ரிட்டர்ன் ஃபேருக்கு பணமில்லாத பிரயாணமாவும் இருக்கலாம்).இவிக பாதம் / நடை கொஞ்சம் விசித்திரமா இருக்கும். பிடி கொடுத்து பேச மாட்டாய்ங்க. எதுலயும் பட்டும் படாமயே இருப்பாய்ங்க(குடும்ப விஷயத்துல கூட)

சனி:

உங்களுக்கு லாப,விரயாதிபதியான இவர் இவர் 2012,மே 15 முதல் ஆகஸ்ட் 4 வரை உங்க ராசிக்கு 7 ஆமிடமான கன்னியில சஞ்சரிக்கிறாரு. பொதுவிதிப்படி மட்டுமில்லை சிறப்பு விதிப்பதியும் இது ரெம்ப ரெம்ப நல்லதில்லை.

விரயாதிபதியாக சனி 7 ல நின்னா காதல்,கல்யாணம்,திருமண வாழ்வுக்கெல்லாம் ஆப்பு. உங்களுக்கோ உங்க காதலி/மனைவிக்கோ கால்,ஆசனம்,நரம்பு தொடர்பான பிரச்சினை வரலாம்.ஏன் பிரிவு கூட ஏற்படலாம்.அவிகளால நஷ்டமும் ஏற்படலாம்.

அதே சமயம் லாபாதிபதியாக சனி 7 ல நிக்கிறதால தகுதியில்லாத பெண்/ஆணிடம் புதுசா காதல் ஏற்படறது -கண்ணாலமானவுகளுக்கு இரண்டாவது கல்யாணத்துக்கு வாய்ப்பு ஏற்படறது கூட நடக்கலாம். டேக் கேர் !

ஃப்ரெண்ட்,லவர்,பார்ட்னர்,வைஃப் வகையறாவில் கஷ்டம்,நஷ்டம்,மனக்கஷ்டம் வர்ரதுக்கு வாய்ப்பிருக்கு. பரிகாரம்: எதை செய்தாலும் சொந்த யோசனையில் தனியா செய்ங்க.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 8 ஆவது ராசியான துலாம்லயே சஞ்சரிக்கிறாரு. அஷ்டம சனின்னாலே இம்சை தான். அடிபடறது, வீண்பழி சுமக்கறது, அபராதம் கட்டறது,செயிலுக்கு போறது இப்படி பலப்பல எதிர்கொள்ளனும். இதுல இவர் லாபாதிபதியாவும் இருக்கிறதால அண்ணன்/அக்கா போன்றவர்களுக்கு /போன்றவர்களால் இம்சை ஏற்பட வாய்ப்பிருக்கு.

ஆனால் சனியே உங்களுக்கு விரயாதிபதிங்கறதால மைனஸ் ப்ளஸ் மைனஸ் பிகம்ஸ் ப்ளஸ் அதாங்க கெட்டவன் கெட்டால் கிட்டிடும் ராஜயோகம். டீட்டெய்லா சொன்னா செலவு படிப்படியா குறையும். பொருளாதாரம் சீர்ப்படும்.

இவரோட ராகு வந்து சேர்ந்தபிறவு உங்களுக்கு நாள்பட்ட/ எக்ஸ்பயர் ஆன ஃபுட் ஐட்டத்தாலயோ -தூக்கமின்மையாலயோ ஒரு தாட்டி வாந்தி வயிற்று போக்கு நடக்கலாம். அல்லது ஈசி மணி மேல கவர்ச்சியாலயோ -ஷேர் மார்க்கெட் இத்யாதியாலயோ பணம் பறிபோகலாம். பூச்சி பொட்டுகடிச்சு வைக்கலாம்.

குரு:
2012, மே 17வரை மேசத்துல சஞ்சரிக்கிறாரு. இவர் உங்களுக்கு லக்னாதிபதி மற்றும் ஜீவனாதிபதி. மேஷம் உங்களுக்கு 2 ஆமிடம். பொதுவிதிப்படி நல்லதே . இதனால் வருமான உயர்வு, பேச்சுக்கு மதிப்பு,வாக்கு வன்மை ,குடும்ப ஒற்றுமை போன்ற நற்பலனை எதிர்ப்பார்க்கலாம். பேச்சுக்கு முக்கியத்துவமுள்ள தொழில் அமையலாம். ஏற்கெனவே உள்ள தொழிலில் உங்கள் வாக்குவன்மையால் நல்ல முன்னேற்றம் காண்பீர்கள்.

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 3 ஆமிடம். பொதுவிதிப்படி நல்லதில்லை. இதனால் மனசுல இனம் புரியாத பீதி பயம் எற்படலாம். பயணங்களால் அலைச்சல் ஏற்படலாம். உ.பி/ர.ர க்களால் பிரச்சினை வரலாம்.

குரு 1-11 க்கு அதிபதியா இருக்கிறதால உங்களுக்கு மட்டுமில்லை அண்ணன்,அக்கா (ஆருனா இருந்தா ) ஆகியோருக்கும் அல்லல் அலைச்சல் ஏற்படலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம். உங்கள்+ அண்ணன்,அக்கா ஆகியோரின் போக்கு அதிர்ச்சி தருவதா இருக்கும். தோள் பகுதியில் அடிபடுத்தல் ,சுளுக்கு மாதிரியும் நடக்கலாம்.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இவை உங்களுக்கு 2- 8 ஆம் இடங்கள் என்பதால்

ரெண்டுங்கறது நீங்க சாப்பிடற சாப்பாட்டை காட்டுது. கேது,ராகுன்னா தெரியுமில்லே .விஷம். ஒன்னு நீங்க பட்டினி துயர் தாங்காம விஷம் சாப்பிட்டுரனும் அ நீங்க சாப்பிடற சாப்பாடு விஷமா இறங்கனும். அதான் தலையெழுத்து.
பெண் ஜாதகத்தில் இது மாங்கல்ய தோஷம் எனப்படுகிறது. கணவன் ஜாதகத்தில் ஆயுள் பங்கமிருந்தால் அவர் உயிரே கூட போகலாம் என்பது இதன் பொருள். ஆயுள் பலம் உள்ள கணவர் அமைந்தால் மரணத்துக்கு ஒப்பான வறுமை வாட்டுவதை அனுபவத்தில் பார்க்க முடிகிறது.
இவருக்கு பேச்சு,வாய், கண்கள் வகையில் சில பிரச்சினைகள் வரலாம்.ஒவ்வொரு விஷயத்துக்கும் எதிர்த்து பேசுதல் அ பதில் பேச்சே இல்லாது மனதில் வைத்து குமைதல் ஆகிய குணமிருக்கலாம். குடும்பத்திற்கு பண நஷ்டம், கடன் ஏற்படலாம். பிக் பாக்கெட் போகலாம், கொள்ளை போகலாம், எவருக்கேனும் கொடுத்து ஏமாறலாம் குடும்பத்தில் கலகம் ஏற்படலாம்.
பரிகாரம்:
இதர மதத்தவர், இதர மொழியினர்,புதிதாக அறிமுகமாவோரிடம் எச்சரிக்கை தேவை. லாட்டரி, சினிமா , சாராய தொழில்கள் கூடாது. ஏற்றுமதி இறக்குமதி தொழில் கூடாது. இருட்டில், இரவில் செய்யும் தொழில்/வேலை கூடாது.விஷ பூச்சிகள் உள்ள இடங்களில் தங்குதல் கூடாது. மெடிசின் எடுத்துக்கொள்ளும்போது ரொம்ப எச்சரிக்கை தேவை. ரியாக்ஷன் நடக்கலாம். ஃபுட் பாய்சன் நடக்கலாம். அன் வாரண்டட் மோஷன் , வாமிட்டிங்க் சென்ஸேஷன் கூட ஏற்படலாம். உடலில் இனம் புரியாத பலவீனம், வைத்தியர்களால் அறுதியிடமுடியாத பிரச்சினைகள் இருக்கலாம். கொடுக்கல் வாங்கலை தவிர்க்கவும். (வட்டிக்கு ஆசைப்பட்டு) கழுத்தில் ஒரு புறம் துர்கை மறுபுறம் கணபதி உள்ள டாலரை அணிந்து இவர்களை வழிபடவும்.பாம்பு வடிவ மோதிரம் அணியவும். வேப்பந்துளிர் சாப்பிடவும், அருகம்புல் ஜூஸ் குடிக்கவும்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 2+9 பாவங்களுக்கு அதிபதியா இருக்காரு பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது பணம் /உபி க்கள்/ர.ர க்கள் காரணமா அல்லல் அலைச்சல் ஏற்படும்.

இவர் 6 ல் வரும்போது உ.பி/ரரக்களுடன் முட்டல் மோதல் ஏற்படும்.அவிகளால கடன் ஏற்படலாம். உங்களுக்கும் மெடிக்கல் பில்/லாயர் பில் வரலாம். 10,11 ல வரும்போது மாச/வருட வருமானமும் உசரும் -சொத்து,சேமிப்பு,முதலீடு வகையறாவிலும் நன்மையே கிடைக்கும்.

இப்போ செவ் எந்தெந்த தேதியில எந்த ராசிக்கு வருவாரு.அது உங்க மீன ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 7 ஆமிடம் )

ஆகஸ்ட் 14 முதல் துலா: இது உங்களுக்கு 8 ஆமிடம்

செப் 28 முதல் விருச்சிகம்: இது உங்களுக்கு 9 ஆமிடம்

நவம்பர் 9 முதல் தனுசு:இது உங்களுக்கு 10 ஆமிடம்

டிசம்பர் 17 முதல் மகரம். இது உங்களுக்கு 11 ஆமிடம்

2013 , ஜனவரி 25 முதல் கும்பம்: இது உங்களுக்கு 12 ஆமிடம்

2013 , மார்ச் 4 முதல் மீனம் :இது உங்களுக்கு ஜன்ம ராசி

உஸ் ..அப்பாடா .. மேஷம் முதல் மீனம் வரையிலான 12 ராசியினருக்குமான புத்தாண்டு பலன் முற்றியது.

பிரபல ஹீரோவுக்கு சிறு நீர் தெளித்து மொட்டை

அண்ணே வணக்கம்ணே !

அண்ணன் பெரிய்ய ஹீரோ. நம்மாளும் ஃபீல்டுல என்ட்ரி கொடுத்து ” நாங்களும் ஹீரோதான்”னு அலப்பறை பண்ணிக்கிட்டிருந்தாரு. நகரத்துல ஒரு சைட்டை வாங்கினாரு. சைட் டைட்டில்ல ஒன்னும் குழப்படி இல்லை.ஆனால் அந்த சைட்டை வாங்கின முகூர்த்தம் ஒரு மாவட்டத்தையே கைக்குள்ள வச்சிருந்த டான் கும்பல் சிறு நீர் தெளிச்சு மொட்டை போட்டுவிட்டாய்ங்க.

குறிப்பிட்ட டான் தன் வீட்டுக்கு முன்னே பின்னே ரைட்ல லெஃப்ட்ல ஆரையும் வீட்டை கட்ட உடமாட்டாரு.செக்யூரிட்டி ப்ராப்ளமாம். நம்மாளு அந்த டான் வீட்டுக்கு அக்கமோ பக்கமோ இருக்கிற சைட்டை வாங்கி தொலைச்சாரு.

ஒடனே சைட்டை தங்களுக்கே வித்துரச்சொல்லி டான் கும்பல் ப்ரஷர் பண்ணியிருக்காய்ங்க. ஒரு அம்பது லட்சம் வரை ரேட் பேசியிருக்காய்ங்க. நம்மாளுக்கு சினிமாவுக்கு -ரியல் லைஃபுக்கும் வித்யாசம் தெரியாது. ஒரு கட்டத்துல கடுப்பாயி டான் இல்லாத சமயம் அவரு வீட்டுக்கு போயி கைத்துப்பாக்கிய எடுத்து சில்லறை சாமானுகளை சிதறடிச்சுட்டு வார்ன் பண்ணிட்டு வந்துட்டாரு.

மேட்டர் தெரிஞ்ச ஒடனே டான் கும்பல் நம்ம ஹீரோவை புக் பண்ணிக்கிட்டு வந்து சிறு நீர் தெளிச்சு மொட்டை போட்டு விட்டுட்டாய்ங்க.

இந்த மேட்டரை தம்பி அண்ணங்காரனுக்கு சொல்ல அவரு அப்பம் ஸ்டேட்ல பவர் ஃபுல் பொசிஷன்ல இருந்த பார்ட்டிக்கிட்ட தம்பியை கூட்டி போயி முறையிட பஞ்சாயத்துக்கு நாள் குறிச்சாய்ங்க. டான் வந்தாரு. பவர் ஃபுல் பார்ட்டிக்கிட்டே ” நீங்க ஒன்னும் கவலை படாதிங்க .. நான் முடிச்சுர்ரன்” னுட்டு ப்ரதர்ஸை கூட்டிக்கிட்டு லிஃப்டுக்கு வந்தாரு.

லிஃப்ட்ல வச்சு “கொய்யால.. நான் அம்பது லட்சம் தரேன்னேன். நீ பஞ்சாயத்துக்கு வந்ததால 25 தான்.”னு சொல்ட்டு போய்க்கினே இருந்துட்டாரு டான்.

எச்சரிக்கை: 1
இதுல வர்ர ஹீரோ ஆரு? பஞ்சாயத்து பண்ண பவர் .ஃபுல் பார்ட்டி யாரு? டான் யாருன்னு தெரிஞ்சுக்கனும்னா நமக்கு ஒரு ஃபோனை போடுங்ணா. ப்ளாக்ல எழுதி கோர்ட்டு கேசுன்னு அலைய முடியாதுல்ல ( நம்ம நெம்பர்: 9397036815 )

எச்சரிக்கை:2

ஜோதிடம் 360 புஸ்தவம் பெங்களூர்லயும் கிடைக்கும். தொடர்பு கொள்ளவும் திரு .B.R.யாதவ் செல் 08088336838
உஸ் அப்பாடா சென்சேஷன் போதும் ..புத்தாண்டு பலனை தொடரலாமா? இன்னைக்கு கும்பராசி. மொதல்ல இவிக கேரக்டரை பார்த்துருவம்

என்னைக்கும் எதுவும் சுத்தமா தீர்ந்து போகாது (செல்வம்,செல்வாக்கு முதலியவை) எவ்ள கஷ்ட காலம் வந்தாலும் கொஞ்சமாச்சும் மிஞ்சும். ரகசியங்கள் இருக்கும். எதை செய்தாலும் நமக்கென்ன லாபம்னு பார்த்து செய்யற நேச்சர் இருக்கும். (இளமைல இதுக்கு மாறா இருந்திருக்கலாம்) கொஞ்சம் போல சோம்பல் இருக்கலாம். வெட்டி பந்தா, நாவல்ட்டீஸ்,ஃபேன்சி, காஸ்மெடிக்ஸ்ல விருப்பம் இருக்காது. பர்ப்பஸ் சர்வ் ஆகுதானு மட்டும் பார்க்கிற குணம் இருக்கும். வாழ் நாள் முழுக்க இரும்பு,ஆயில், எண்ணெய் கறை உங்களை விடாது. அல்லது யூனிஃபார்ம் போடற வேலை . நீங்க என்னதான் லாபம் பார்த்து இறங்கினாலும் நேரம் கெட்டதா இருந்தா நஷ்டம் வரத்தானே செய்யும். உங்க லைஃப்ல உங்க மூத்த சகோதரன்,சகோதிரியோட ரோலுக்கு ரெம்ப முக்கியத்துவம் இருக்கும். எவன் எக்கேடுகெட்டுப்போனா என்ன என் கூலி எனக்கு கிடைச்சதாங்கற மென்டாலிட்டி இருக்கும். இருந்தாலும் படக்குனு அதிகாரி, சூப்பர் வைசர்கிட்ட முட்டிக்குவிங்க.

சனி:

உங்களுக்கு ராசியாதிபதியான இவர் 2012,மே 15 முதல் ஆகஸ்ட் 4 வரை உங்க ராசிக்கு 8 ஆமிடமான கன்னியில சஞ்சரிக்கிறாரு. பொதுவிதிப்படி மட்டுமில்லை சிறப்பு விதிப்பதியும் இது ரெம்ப ரெம்ப நல்லதில்லை.

வெறுமனே அஷ்டம சனின்னாலே இம்சை தான். அடிபடறது, வீண்பழி சுமக்கறது, அபராதம் கட்டறது,செயிலுக்கு போறது இப்படி பலப்பல எதிர்கொள்ளனும்.

இதுல இவரு லக்னாதிபதியா 8 ல நிக்கிறது அசலுக்கு மோசத்தை கொடுத்துரும். சிலருக்கு தற்கொலை நினைவே வரலாம்னா பார்த்துக்கங்களேன். சொந்த செலவுல சூனியம் வச்சுக்கறதெல்லாம் உங்க லைஃப்ல ப்ராக்டிக்கலா நடக்கும்.

இரும்பு,ஆயில்,தலித் இப்படி சனி காரகம் கொண்ட எல்லா விஷயத்துலயும் கஷ்டம்,நஷ்டம்,மனக்கஷ்டம் வர்ரதுக்கு வாய்ப்பிருக்கு. பரிகாரம்: நான் வெஜ் விட்டுருங்க. தினசரி ஆஞ்சனேயர் கோவிலுக்கு போங்க. 24 மணி நேரமும் ராம நாமம் ஜெபிச்சுக்கிட்டிருங்க.

இதுல சனி விரயாதிபதியாவும் இருக்கிறதால சுய திருப்திக்கு பத்து காசு செலவழிக்கவும் மனசு வராது. சில்லறை சில்லறையா மிச்சம் பண்ணி மொத்தமா ஏமாந்துரவும் வாய்ப்பிருக்கு. டேக் கேர்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 9 ஆவது ராசியான துலாம்லயே சஞ்சரிக்கிறாரு. பொதுவிதிப்படி இது நல்லதுதான். ஆனால் சனி தாமச கிரகம்ங்கறதால
அப்பா,அப்பாவழி சொந்தக்காரவுக, சொத்து,முதலீடு ,சேமிப்பு தூர தேச தொடர்புகளில் தாமதம் ஏற்படலாம்.

இவரோட ராகு வந்து சேர்ந்தபிறவு அப்பாவுக்கு/உங்களுக்கு நாள்பட்ட/ எக்ஸ்பயர் ஆன ஃபுட் ஐட்டத்தாலயோ -தூக்கமின்மையாலயோ ஒரு தாட்டி வாந்தி வயிற்று போக்கு நடக்கலாம். அல்லது ஈசி மணி மேல கவர்ச்சியாலயோ -ஷேர் மார்க்கெட் இத்யாதியாலயோ பணம் பறிபோகலாம். பூச்சி பொட்டுகடிச்சு வைக்கலாம். மேற்கு நோக்கிய பயணத்தில் உங்க காசு பணம் ( சேர்த்துவச்ச) களவு போகலாம்.சாக்கிரதை.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 3 ஆமிடம். பொதுவிதிப்படி இது நல்லதில்லை. மனசுல இனம் புரியாத பீதி பயம் எற்படலாம். பயணங்களால் அலைச்சல் ஏற்படலாம். உ.பி/ர.ர க்களால் பிரச்சினை வரலாம்.

சிறப்பு விதிகளின் படி இவர் 2 , 11 க்கு அதிபதிங்கறதால வாயை விட்டு ( பஞ்ச் டயலாக்/சேலஞ்சிங் டயலாக் விட்டு) இம்சை படலாம். என்னமோ கிடைக்கும்னு வெத்தா அலைஞ்சு திரிய வேண்டி வரலாம்.

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 4 ஆமிடம். பொதுவிதிப்படி நல்லதில்லை. சேஞ்ச் ஆஃப் ப்ளேஸ் நடக்கலாம். தாய்,வீடு,வாகனம் வகையறாவிலும் இம்சைதான்.

குரு 2-11 க்கு அதிபதியா இருக்கிறதால சிலர் வீடு,வாகன வகையில பெரிய மாற்றத்துக்கு ப்ளான் பண்ணி நஷ்டத்துக்குள்ளாகலாம். அம்மா கிட்டயே கொடுக்கல் வாங்கல் செய்யவேண்டி வரலாம்.

அம்மா உறவு வரும் பெண்களோ – அம்மா வயசு பெண்களோ -அம்மா சாயல் கொண்ட பெண்களோ உங்க மேல அன்பு காட்டலாம். அவிக கிட்டே கூட கொடுக்கல் வாங்கல் செய்யவேண்டி வரலாம்

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம். தாய்/தாய் வழி உறவினரின் போக்கு அதிர்ச்சி தருவதா இருக்கும். உங்க சீட்டு/வீடு/அறைய பார்த்தா உங்களுது போலவே தோனாது.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இவை உங்களுக்கு 3- 9 ஆம் இடங்கள் என்பதால் விலகிப்போன உ.பி/ரரக்கள் நெருங்கி வருவர் திடீர் .பயணங்கள் லாபம் தரும். சில சமயம் ஞானமும் தரும்.

அப்பா,அப்பா வழி உறவினர்,சொத்து,முதலீடு,சேமிப்புகள் விஷயத்தில் சதி ஏதாவது அரங்கேறலாம். சாக்கிரதை. சிலர் தம் இயல்புக்கு மாறாக வெளி நாடு போகவும் துணிஞ்சிருவிக.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 3+10 பாவங்களுக்கு அதிபதியா இருக்காரு பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது தூளா இருக்கும். இவர் 6 ல் வரும்போது உ.பி/ரரக்களுடன் முட்டல் மோதல் ஏற்படும். 10,11 ல வரும்போது மட்டும் நன்மையே கிடைக்கும்.

இப்போ செவ் எந்தெந்த தேதியில எந்த ராசிக்கு வருவாரு.அது உங்க கும்ப ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 8 ஆமிடம் ( அதுவரை ஏழுல சஞ்சரிப்பாரு – ஃப்ரண்ட்,லவர்,பார்ட்னர் ,வைஃப் இத்யாதி மேட்டர்ல ரெம்ப உசாரா இருங்க. இல்லாட்டி ஆப்புதேன்)

ஆகஸ்ட் 14 முதல் துலா: இது உங்களுக்கு 9 ஆமிடம்

செப் 28 முதல் விருச்சிகம்: இது உங்களுக்கு 10 ஆமிடம்

நவம்பர் 9 முதல் தனுசு:இது உங்களுக்கு 11 ஆமிடம்

டிசம்பர் 17 முதல் மகரம். இது உங்களுக்கு 12 ஆமிடம்

2013 , ஜனவரி 25 முதல் கும்பம்: இது உங்களுக்கு ஜன்ம ராசி

2013 , மார்ச் 4 முதல் மீனம் :இது உங்களுக்கு 2 ஆமிடம்

“அம்மா” உசுருக்கு ஆபத்து Vs ஸ்டாலின்-அழகிரி அலப்பறை

அண்ணே வணக்கம்ணே !
அம்மா உசுருக்கு ஆபத்துன்னு ஏற்கெனவே ஒரு பதிவை போட்டம்.அந்த காலகட்டத்துல தான் மோடி சொல்லி கார்டன் வந்த நர்ஸ் கார்டன் நிலவரத்தை பார்த்துட்டு அங்கன உள்ளவுக அம்மாவுக்கு ஆகாத ஐட்டத்தை எல்லாம் கொடுத்து “கொல்லப்பார்க்கிறாய்ங்க”ன்னு மோடிக்கு புகார் சொன்னதா சில பத்திரிக்கைகள்ள செய்தி வந்தது.

சசிகலா அண்ட் கோ மேற்படி நர்ஸையே வெளியேற்ற பார்த்ததாவும்-மோடி மூலமா நர்ஸோட பாடு அம்மா காதுக்கு போனதாவும் சசி அண்ட் கோ வெளியேற்றப்பட இதுவும் ஒரு காரணம்னும் அதே பத்திரிக்கைகள்ள செய்தி வந்தது.

இப்பம் மறுபடி நாம அம்மா உசுருக்கு ஆபத்துன்னு சொல்றோம். அம்மாவோட ராசி சிம்மம். சிம்மத்துலயே செவ் இருக்காரு.4 ,7 ,8 ஆம் பாவங்களை பார்ப்பாரு. ராசிக்கு நாலாவது இடத்துல ஏற்கெனவே அங்கன ராகு இருக்காரு. ராகு மட்டும்னா செரி ( 4 ஆம் பாவம் =வீடு ,தன்னவர்கள் ; ராகு =திருடர்கள்) . அந்த ராகுவை செவ்வாயும் பார்த்தா எப்டி? செவ் =எதிரிகளாச்சே .

ஜன்ம லக்னம் மிதுனம். ஜாதகத்துல லக்னத்துக்கு ரெண்டுல செவ்வாய். அவரு 7 ஆம் பார்வையா எட்டை பார்க்கிறாரு. தற்சமயம் செவ் புக்தியே நடந்துக்கிட்டிருக்கு. கூட்டிக்க்ழிச்சு பார்த்தா மழை விட்டும் தூவானம் விடலைங்கற கதையா ரெண்டுலருந்து எட்டை பார்க்கிற செவ் தன் புக்தி காலத்துல ஏடா கூடமா எதையாவது செய்துருவாரோன்னு ஒரு ஹன்ச்.

தினகரன் நாளிதழ் சமீபத்துல வெளியிட்ட பொதுவான ஆண்டு பலன்ல ஏதோ ஸ்லோகம்லாம் சொல்லி ராஜாவுக்கு கெண்டம்னு போட்டிருந்ததாம். நாம பார்க்கலை.

இன்னைக்கு ஸ்டாலினும் -அழகிரியும் பண்ற அலப்பறைய பார்த்தா ஆஃப்டர் ஆல் எதிர்கட்சியா கூட இல்லாத கட்சியை கைக்குள்ள வச்சுக்க பண்றதா காணோம். என்னமோ நாளைக்கே மறுபடி ஆட்சி கைக்கு வருங்கறதை போன்ற எண்ணத்தோட இருக்காப்லதான் இருக்கு.

சசியம்மா திமுகவோட பேர சாரங்களையெல்லாம் பேசி முடிச்சுட்டு – ஆகவேண்டியதை பாருங்க சமயம் பார்த்து ஜாய்ன் பண்ணிக்கிறேன்னு சொல்லிட்டு ஒன்னும் தெரியாத பப்பா மாதிரி கார்டனுக்குள்ள வந்து
பதுங்கிட்டாப்லதான் தோனுது. (செவ்= சகோதர காரகன் ; சசி =உடன்பிறவா சகோதிரி )

பெங்களூர் சொத்துக்குவிப்பு வழக்கின் முடிவை எதிர்ப்பார்த்து இப்படி ஸ்டாலின்-அழகிரி அலப்பறை – சசியம்மா சரண்டர் நடந்திருந்தா ஓகே. அல்லது இனி எப்படியும் “எதையும்” கண்ல கூட பார்க்க முடியாது -சம்பாரிச்சதையாவது காப்பாத்திக்கிட்டா போதுங்கற எண்ணத்துல சசியம்மா இருந்து எதிரிகளோட கை கோர்த்திருந்தா? ( செவ்=எதிரிகள்)

செவ்வாய் என்றால் என்னென்னமோ வருது . ஆயுதங்கள் ,வெடிகுண்டு ,மின்சாரம் . புத்தி பேதலிச்சு போயி இப்படி ஏதாவது ஒரு “அபத்தமான” திட்டத்துல ஆருனா இறங்கிருவாய்ங்களோன்னும் பட்சி சொல்லுது.

எது எப்படியோ .. நம்ம கணிப்பெல்லாம் பொய்யா போயி அம்மா நீடூழி வாழ்ந்து இனியாச்சும் ஏட்டிக்கு போட்டி முறையை விட்டு நல்லாட்சி தந்தா நமக்கு சந்தோசம் தேன். இருந்தாலும் ஊதுற சங்கை ஊதி வைக்கிறோம்.

இப்பம் செவ்வாய்க்குரிய நட்சத்திரமே நாம போட்டிருக்கிற பதிவும் அவரை பற்றியதே. மூக்கு வேற ஞம ஞமங்குதா.. போடறதை சீக்கிரமே போட்டுரலாம்னு ஒரு பதைப்பு .சரிங்ணா நேத்தே மகர ராசிக்காரவுக ஏமாந்திருப்பாய்ங்க. இன்னிக்காச்சும் அவிகளுக்கான புத்தாண்டு பலனை தரலின்னா மருவாதியா இருக்காது.

புத்தாண்டு பலன் : மகரம்
மொதல்ல இவிக கேரக்டரை பார்ப்போம்.
கருமமே கண்ணாயினார் என்று கேள்விப்பட்டிருப்பீர்கள். தங்கள் விஷயத்தில் இது 100 சதம் உண்மை. என்ன வேலை செய்கிறோம். இதனால் யாருக்கு பலன் கிடைக்கும், இதனால் தனக்கென்ன லாபம் என்பதெல்லாம் உங்கள் மைண்டில் இருக்காது. சற்றே தாமசம், மந்தத்தனம் இருக்கலாமே தவிர உழைப்புக்கு அஞ்சும் கேள்வியே இல்லை. இது எந்த அளவுக்கு இருக்கும் என்றால் குளியல்,சாப்பாடு,சுத்தம் பற்றி கூட கண்டு கொள்ள மாட்டீர்கள்.அதே சமயம் ஏதோ ஒரு கலையில் ஆர்வம், திறமை இருக்கும். பேச்சு குறைவாகவே இருக்கும். கணவருடனான இவரது நெருக்கம் ஏற்ற இறக்கங்களுடன் இருக்கும். ஒற்றைத்தலைவலி,பல்,எலும்பு,முதுகெலும்பு தொடர்பான பிரச்சினைகள் இருக்கலாம். சாஸ்திர சம்பிரதாயங்களை தன்னிச்சையாக (பிரத்யேக ஆர்வமோ, பிடிப்போ இல்லாமலே) கன்டின்யூ பண்ணுவாய்ங்க.
சனி:

உங்களுக்கு ராசியாதிபதியான இவர் 2012,மே 15 முதல் ஆகஸ்ட் 4 வரை உங்க ராசிக்கு 9 ஆமிடமான கன்னியில சஞ்சரிக்கிறாரு. பொதுவிதிப்படி இது நல்லது தான்.ஆனால் ஏற்கெனவே கர்ம வீரரான நீங்க அதீதமான தொலை நோக்கோடு சேமிப்பு -முதலீடு -சொத்துன்னே இருந்துராதிங்க ரெம்ப நாளா போஸ்ட் போன் பண்ணிக்கிட்டிருந்த .தூர பிரயாணத்தை இன்னம் ஒன்னு ரெண்டு தாட்டி தள்ளிப்போட்டு கடேசியில புறப்பட்டு போய் கொஞ்சம் போல அவதிப்பட்டு வருவிக. எதிர்காலம் எவ்ள முக்கியமோ நிகழ் கால தேவைகளும் முக்கியம் தான் இதை மறந்துராதிங்க.

ஆனால் சனி தாமச கிரகம்ங்கறதால செய்தொழில்,வியாபாரத்துல பணம் கொஞ்சம் போல முடங்கும். உத்யோகத்துலயும் மந்தத்தன்மை இருக்கும்,மேலதிகாரிங்க தங்கள் பாராட்டை கூட தாமதமாத்தான் தெரிவிப்பாய்ங்க.
,
சனி உங்களுக்கு 2 க்கு அதிபதியா இருக்கிறதால உங்கள் வெகண்டை பேச்சு,அல்லது கல்லுளிமங்கத்தனம்,மவுன சாமியார் வேசம் கஞ்சத்தனம் உங்க அப்பா,அப்பாவழி சொத்து, உங்க முதலீடு சேமிப்பு ஆகிய விஷயங்களில் பிரதிகூலமான பலனுக்கு காரணமாயிரலாம். டேக் கேர்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 10 ஆவது ராசியான துலாம்லயே சஞ்சரிக்கிறாரு. பொதுவிதிப்படி இது நல்லதுதான். தொழிலாளிகள் ஒத்துழைப்பாய்ங்க. இரும்பு பொருள் வந்து சேரும். நீங்க டெக்னிக்கல் லைன்ல/ லாயர்/ ஐரன் ஸ்டீல் மாதிரி ஃபீல்டுல இருந்தா ஓகே .ஒரு வேளை நீங்க வெள்ளையும் சொள்ளையுமா ஏசில வேலை பார்க்கிற பார்ட்டியா இருந்தா இது அந்த அளவ்க்கு ஒர்க் அவுட் ஆகாதுங்கோ. சட்டை நசுங்கறதோ -அழுக்கு படியறதோ -ஏசி ரிப்பேர் ஆறதோ நடந்தா அன்னைக்கு ஒரு டர்னிங் பாய்ண்டை எதிர்பார்க்கலாம்.

சனி உங்களுக்கு தன,வாக்கு குடும்ப பாவாதிபதியாவும் இருக்கிறதால செய் தொழில்ல உங்க பேச்சு, கஞ்சத்தனம், குடும்பத்தாரின் சோம்பல் இத்யாதி கூட முன்னேற்றத்துக்கு காரணமாகலாம்.

இவரோட ராகு வந்து சேர்ந்தபிறவு ஒரு தாட்டி வாந்தி வயிற்று போக்கு நடக்கலாம். அல்லது ஈசி மணி மேல கவர்ச்சியாலயோ -ஷேர் மார்க்கெட் இத்யாதியாலயோ பணம் பறிபோகலாம்.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 4 ஆமிடம். பொதுவிதிப்படி இது நல்லதில்லை. தாய்,வீடு,வாகனம்,கல்வி வகையறாவில் இம்சை ஏற்படலாம். சிறப்பு விதிகளின் படி இவர் 3 , 12 க்கு அதிபதிங்கறதால மேற்சொன்ன விஷயங்களில் வீண் விரயம் ஏற்படும். பிரிவு ஏற்படலாம். அபராதம் இத்யாதி கூட கட்டவேண்டி வரலாம். அல்லல் அலைச்சலும் ஏற்படும்.

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 5 ஆமிடம். பொதுவிதிப்படி ஓகே தான். இதனால மன அமைதி,நற்பெயர், வாரிசுகள் மேன்மையடைதல் இத்யாதி பலன் கிடைக்கனும்.

ஆனால் குரு 3-12 க்கு அதிபதியா இருக்கிறதால வேவரிங், ஓவர் திங்கிங், ரிஸ்க் எடுக்கிறதுல ஒரு த்ரில் ஏற்படும். நீங்க போடற ஸ்கெட்ச் எல்லாம் அடுத்தவுகளுக்கு லாபமா முடியும். குழந்தைகள் விஷயத்துல வீண் விரயம் ஏற்படலாம். நல்லதை செய்யப்போயி கெட்ட பேரும் வாங்குவிங்க.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம். சகோதரர்களின் போக்கு அதிர்ச்சி தருவதா இருக்கும். போகாத இடத்துக்கெல்லாம் போயி நிப்பிங்க.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 10-4 ஆம் இடங்கள் என்பதால் ராகு கேதுக்களால் பிரச்சினை இல்லை. உங்கள் இயல்புக்கு மாறாக செய்தொழில் உத்யோகம் வியாபாரத்துல கஷ்டப்பட்டு வேலை செய்யாம கதை செய்றது -புதுமைய புகுத்துறது நடக்கலாம். வீட்டில் -வீட்டினருடன் கழிக்கும் நேரம் குறையும். அந்த அளவுக்கு புதிய நண்பர்கள் கிடைப்பாய்ங்க. பிறமொழி பேசுவோர்,அன்னிய மதத்தினருடன் ஒட்டுறவு ஏற்படும். இதனாலும் நன்மையே கிடைக்கும்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 4+11 பாவங்களுக்கு அதிபதியா இருக்காரு பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது அல்லல் அலைச்சல் ,ட்ரான்ஸ்ஃபர் ,தாய்க்கு சுகவீனம் அ அவிகளோட முட்டல் மோதல் ஏற்படும் ,ஆறுக்கு வரும்போது இது இன்னம் கொஞ்சம் அதிகமாகலாம்.10,11 ல வரும்போது மட்டும் நன்மையே கிடைக்கும்.

இப்போ செவ் எந்தெந்த தேதியில எந்த ராசிக்கு வருவாரு.அது துலா ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 9 ஆமிடம் ( அதுவரை எட்டுல சஞ்சரிப்பாரு – ரியல் எஸ்டேட் ,மின்சாரம்,ஆயுதங்கள்,போலீஸ் இத்யாதி மேட்டர்ல ரெம்ப உசாரா இருங்க. இல்லாட்டி ஆப்புதேன்)

ஆகஸ்ட் 14 முதல் துலா: இது உங்களுக்கு 10 ஆமிடம்

செப் 28 முதல் விருச்சிகம்: இது உங்களுக்கு 11 ஆமிடம்

நவம்பர் 9 முதல் தனுசு:இது உங்களுக்கு 12 ஆமிடம்

டிசம்பர் 17 முதல் மகரம். இது உங்களுக்கு ஜன்ம ராசி

2013 , ஜனவரி 25 முதல் கும்பம்: இது உங்களுக்கு 2 ஆமிடம்.

2013 , மார்ச் 4 முதல் மீனம் :இது உங்களுக்கு 3 ஆமிடம்

பா.ஜ.க – காங்கிரஸ் கூட்டு சதி ?

தம் சுய நலத்துக்காக ஜனாதிபதி ஜன நாயகத்தை கொண்டுவர பா.ஜ.க – காங்கிரஸ் கட்சிகள் கூட்டு சதி செய்ய எந்த அளவுக்கு வாய்ப்பிருக்குங்கறதை இந்த பதிவுல பார்ப்போம். ஜனாதிபதி தேர்தல் நெருங்கி வர்ர இந்த சமயத்துல மறுபடி அப்துல் கலாம் பேரு அடிபடுது. கலாம் எப்படியா கொத்த கிராக்கிங்கறதை ஏற்கெனவே பல தடவை எழுதியிருக்கேன். மறுபடி எழுதனும்னா எனக்கே போரட்டிக்குது. அதனால அந்த பதிவுக்கான தொடுப்பை தர்ரேன். இங்கே அழுத்தி அதையும் ஒரு பாட்டம் படிச்சுருங்க.
சுதேசி இதழ் இந்தியாவில் ஜனாதிபதி முறை ஜன நாயகத்தை கொண்டு வரப்போறாய்ங்கன்னு ஒரு ஹஞ்சை வெளியிட்டிருக்கு. இதுக்கு அவிக கிட்ட இருக்கிற ஆதாரங்கள் என்னன்னு நமக்கு தெரியாது. ஆனால் இந்த ஜனாதிபதி ஜன நாயக பிரஸ்தாவனை வர்ரது இது ஒன்னும் மொதல் முறை கிடையாது.

ஜ.ஜ.நாயகம்னா என்னன்னு தெரியாதவுகளுக்கு ஒரு வரியில சொல்லிர்ரன். இப்பம் நாம எம்பிக்களை ஓட்டு போட்டு தேர்ந்தெடுக்கறோம். அவிக ஓட்டுப்போட்டு (?) பிரதமரை தேர்ந்தெடுக்கறாய்ங்க. மெஜாரிட்டி எம்பிக்களோட ஆதரவு இருக்கிறவரை தான் பிரதமரா தொடர முடியும்.

இதுவே நாமளே நேரடியா ஓட்டுப்போட்டு ஜனாதிபதியை தேர்ந்தெடுக்கறம்னு வைங்க. அதான் ஜ.ஜ.நாயகம். இந்த முறையில எம்பிக்கள் உப்புக்கு சப்பா. பார்லிமென்ட் கொண்டுவர்ர எந்த மசோதாவையும் ஜனாதிபதி ரத்துபண்ணிர முடியும். ( வீட்டோ பவர்)

மாஸ் லீடரா இருக்கிறவுக – எம்.பிக்களோட ஆதரவில்லாமல் – அல்லது அவிகளை கட்டி மேய்க்கிற பொறுமை தீர்ந்து போற சமயத்துலல்லாம் ஜ.ஜ. நாயகத்தை பரிசீலிக்கிறது சகஜம். ஒரு கட்டத்துல காலஞ்சென்ற இந்திரா அம்மையார் கூட ரோசிச்சதா தகவல் உண்டு.

ஆனால் ஜ.ஜ. நாயகத்தை கொண்டுவரனும்னா அரசியல் சாசனத்தை திருத்தனுமே. பார்லிமென்ட்ல மெஜாரிட்டி இல்லாம எப்படி திருத்தறதாம்?

ஒரு வேளை நாடு முழுக்க அறிமுகம் உள்ளதால வெந்தா சோனியா, ராகுல் மாதிரி காங்கிரஸ் தலை – வரட்டும் . வேகலைன்னா அத்வானி , மோடி மாதிரி பா.ஜ.க தலை வரட்டும். – ஆருவந்தாலும் சரி- தேர்ட் பார்ட்டிக்கோ – தேர்ட் ஃப்ரண்டுக்கோ இடம் இருக்காது – இடம் கொடுக்கக்கூடாதுன்னுட்டு ரெண்டு கட்சியும் ஒத்து ஊதுமோன்னு ஒரு டவுட்டு நமக்கிருக்கு.

காங்கிரசுக்கும் பா.ஜ.கவுக்கு ஒரே ஒரு மேட்டர்லதான் வித்யாசம் வருது. அது இன்னாடான்னா காங்கிரஸ் அயோத்தியில ராமர் கோவிலை கட்ட விடமாட்டோம்னு சொல்லும். பா.ஜ.க கட்டியே தீருவம்னு கூவும். ஆனா கட்டவே கட்டாது. மத்த மேட்டர்ல எல்லாம் சங்கி மங்கி -மங்கி சங்கி கதைதேன்.

லேசு பாசா வித்யாசம்னு இருந்தா அது கம்யூனிஸ்டுகளோட கொள்கையிலதான் இருக்கு. (அதுவும் இப்பம் ரெம்ப சோனியாயிருச்சுங்கறது வேற கதை) . சாஃப்ட்வேர் ஆசாமிங்க கம்யூனிசத்தை அவுட் டேட்டட்னு விமர்சிச்சாலும் நாளைக்கு 12 மணி நேர வேலை 14 மணி நேர வேலையாயிருச்சுன்னா தொழிற்சங்கம் -கம்யூனிசத்தோட அவசியத்தை தெரிஞ்சுக்கிருவாய்ங்க. சாஃப்ட்வேர் ஆசாமிங்க கதியே இதுன்னா சாமானிய மக்களை பத்தி சொல்லவே தேவையில்லை. இன்னம் இந்த நாட்ல கம்யூனிஸத்துக்கான தேவை இருக்கத்தான் செய்யுது.

ஆனால் கம்யூனிஸ்ட் தலைவர்களுக்கு சோனியா-ராகுல்-அத்வானி-மோடி ரேஞ்சுக்கு பாப்புலாரிட்டி இருக்கான்னா இல்லைன்னு தான் சொல்லனும். அதனால சுதேசியோட கணிப்பு முழுக்க முழுக்க அசாத்தியம் -அசம்பவம்னு சொல்ல முடியாது.

தாளி. . இந்த பாராளுமன்ற முறையிலயே -மெஜாரிட்டி இல்லாத நிலையிலயே – இந்த ஆட்டம் போடறானுவளே இன்னம் ஜனாதிபதி ஜன நாயகம் வந்தா என்னாவுமோ? பார்ப்போம்.

போனஸ்: டீசல் விலை மேல இருந்த கட்டுப்பாட்டையும் விலக்கிக்கொள்ள “கொள்கை அளவுல” ஒப்புதல் தந்திருக்காய்ங்களாம். பஸ் சார்ஜையும் -விமான கட்டணத்தையும் கிட்டக்க கொண்டுவந்து ஏழை பணக்காரன் வித்யாசத்தை குறைக்கப்போறோம்ல.

இப்பமே நேரம் 11.45 .. ஒரு மணிக்கு பவர் கட். அதனால மகர ராசிக்கான புத்தாண்டு பலனை நாளைக்கு தந்துர்ரனே.

மகரத்துக்கும் -கும்பத்துக்கும் அதிபதி சனி. சனின்னாலே தாமதம்தான். அந்த தாமதம் பலன் தர்ர விஷயத்துல கூட ஒர்க் அவுட் ஆகுது பாருங்க..

7 X 23 = ஸூப்பர் கில்மா

அண்ணே வணக்கம்ணே !
நம்மளோட பன்முகத்திறமைகளை பாராட்டற சனம் மத்தியில கில்மா எதுக்குங்கறாய்ங்க. ஒரு தாட்டி ரஜினியை கிழிச்சு தொங்க போட்டிருந்தோம் அப்பம் ஒரு பார்ட்டி “ஆளில்லாத கடையில ஆருக்கு டீ ஆத்தறே”ன்னு கேட்டாச்சு. இத்தனைக்கும் அப்பமே நம்ம ஆவரேஜ் ஹிட்ஸ் நானூற்று சில்லறை (இப்பம் இது ஆயிரத்தை எட்டிருச்சு)

அன்னைலருந்து நம்ம மூளைக்குள்ள புதுசா ஒரு சுரப்பி உருவாயிருச்சு. ஹிட்ஸை பார்த்தியா ஹிட்ஸை பார்த்தியான்னு உசார் பண்ணுது.

ஒரு பொது அறிவு கேள்வி. நம்ம வலைப்பூ வலைதளத்துல அடிக்கடி 7 -23ன்னுட்டு ஒரு மேட்டரை சொல்லிட்டே வருவம்.அது என்னான்னு இங்கே க்ளிக் பண்ணி படிச்சுருங்க ருங்க ராசா. படு கில்மா மேட்டரு..

கொஞ்சம் ஏமாந்தா சோடா புட்டி கேசா டிசைட் பண்ணிர்ர அளவுக்கு விஞ்ஞானி நாம. அதே நேரம் “டா ஆ ய்” னு குரல் கொடுத்தா பேண்டை நனைச்சுக்கிற பார்ட்டி கடியாது. முடிஞ்சா அடி -முடியலின்னா ஓடு – தூரமா ஓடி நின்னு “கொய்யால கை வச்சுட்டல்ல 24 மணி நேரம்.. உனக்கு வைக்கிறேன்டா ஆப்புன்னுட்டு தான் ஓடனும். கு.ப 48 மணி நேரத்துல பேசி முடிக்கிறதோ – கீசி முடிக்கிறதோ செய்தே ஆகனும்.அது நம்ம கேரக்டரு.

சோடா புட்டி இமேஜ் வந்துரவே கூடாதுங்கறது நம்ம மொத அஜெண்டா.அதுக்காவத்தேன் புத்தாண்டு பலனை கூட படு ஜிகாவான டைட்டில் கொடுத்து ,கில்மா சரக்கை சேர்த்து -ஜோவியலா மொக்கை போட்டு தந்துக்கிட்டிருக்கம்.

நமக்குள்ள பெரிய்ய பெரிய்ய நினைப்பெல்லாம் உண்டு ( ஜனாதிபதி ஜன நாயகத்துல ஜனாதிபதி ) அதே நேரம் கொய்யால அல்பாயுசுல பூட்டாங்கற முன்னெச்சரிக்கையும் உண்டு. ஆத்தா புண்ணியத்துல பெண்ணோட கண்ணாலம் நல்லபடியா முடிஞ்சு விருந்து உபசாரத்துக்கப்பாறம் சின்ன வீடா பார்த்துக்கிட்டு (சைஸை சொன்னேங்ணா) செலவை எல்லாம் பாதியா குறைச்சு (உ.ம் சோலார் லாம்ப்ஸ்) வருமானத்தை கூட்டி ( இங்கிலீஷ்ல நம்ம ப்ளாக் கன்டென்ட்ஸ் – கூகுல் ஆட்சென்ஸ்) ஏதோ ஒரு தகிடுதத்தம் பண்ணி நம்ம செயல்பாடுகளை நிறுவனமயமாக்கிரனும்.

நிறைய வேலை இருக்கு. நம்ம சித்தாந்தம் மரணம் நிச்சயம் தெரிஞ்சுட்டா அசால்ட்டா தம் போட்டுக்கிட்டே ஃப்ரீசர் பாக்ஸுக்கு ஃபோன் பண்ணிரனுமே தவிர “அய்யய்யோ போறேனே அய்யய்யோ போறேனே” ன்னு புலம்பக்கூடாது. இந்த ரெண்டுல எதை செய்யறோம்ங்கறது நாம வாழ்ந்த வாழ்க்கைய பொருத்த மேட்டரு.

இந்த நிமிசத்துக்கு கடவுள் புண்ணியத்துல கடவுள் நமக்கு கொடுத்த எந்த வாய்ப்பையும் தவ்ற விட்டதில்லை அவரு கொடுத்த எல்லா சோர்ஸையும் ஓவர் எக்ஸ்ப்ளாய்ட்டேஷன் பண்ணியிருப்பமே தவிர டீல்ல விட்டது கடியாது.

நம்ம வேலை திட்டம் அரைகுறையா நிக்க காரணம் நம்முது தீர்காயுசு ஜாதகம்ங்கறதுதேன். நினைச்சாலே பயம்மா இருக்கு. இப்பமே ஊருக்குள்ள ஒரு ரவுண்டு போய் வந்தா தலைமயிர் எல்லாம் டீசல் புகை.கண்ணெல்லாம் எரியுது. ராத்திரி நேரம் குளிச்சுட்டு மொட்டை மாடியில போய் படுத்தா அரைமணி நேரத்துல பாடியில கைபட்டா பச்சக் பச்சக்குன்னு ஒட்டுது . இந்த இழவுல 60 ..70 வயசெல்லாம் வாழனும்னு நினைச்சாலே கடுப்பாகுது.

வேலை வேலைன்னு புலம்பிக்கிட்டிருக்கேன்ல.. என்ன வேலைங்கறிங்க.. நம்ம ரைட்டிங்ஸை இணையத்துல ஏத்தறது. கு.ப தெலுங்கு மற்றும் ஆங்கிலத்துல மொ.பெயர்க்க செய்யறது. இன்னம் எழுத்துல வடிக்காத ரோசனைகளை வடிக்கிறது. பார்ப்போம்.. வறுமையோ -செல்வமோ – மரணமோ எதுவந்தாலும் ப்ராப்ளம் சால்வ்டு.

வறுமை வந்துட்டா இதையெல்லாம் ரோசிக்கவே முடியாது. செல்வ்ம் வந்துட்டா ரோசிக்க நேரமிருக்காது.ஒன்லி ஆக்சன் தான். மரணம் வந்துட்டா பஞ்சாயத்தே தீர்ந்துரும். சரிங்ணா இன்னைக்கு தனுசு ராசிக்கான புத்தாண்டு பலனை பார்த்துருவம். இன்னம் 3 நாள்ள இதை ஊத்தி மூடிட்டா அப்பாறம் ஃப்ரீ தான். இருக்கவே இருக்கு உணவும் -உடலுறவும் . மெகாதொடர் கணக்கா இழுத்துரமாட்டோமா.?

மொதல்ல இவிக கேரக்டரை பார்ப்போம்.
ஓரளவு ஃபோர் சைட்டட் நெஸ், சேமிப்பு, எதிர்கால சிந்தனை உள்ளவர்தான். ஆனால் பணம் கொடுத்து வைத்து ஏமாந்தவர்கள், போட்டு வைத்து ஏமாந்தவர்கள், சொத்து வாங்கி வில்லங்கத்தில் மாட்டுபவர்களில் அதிகம் பேர் தனுசு ராசி காரர்கள் தான். திரைக்கடலோடியும் திரவியம் தேடு என்ற கொள்கை கொண்டவர்கள் இவர்கள். அதே போல் தீர்த்த யாத்திரைகள் புண்ணிய ஷேத்திரங்களுக்கு செல்லுதலிலும் ஆர்வம் உள்ளவர்கள். நீங்க எதிர்காலத்துல குரு ஸ்தானத்துல இருந்து நாலு பேருக்கு நல்லது சொல்லவேண்டிய பார்ட்டி. அதனால இளமைல கெட்ட ஆட்டம் போடவும் வாய்ப்புண்டு. சிலர் மத்திம வயசுல கூட டபுள் ஆக்டு கொடுப்பாய்ங்க. ஒரு பஞ்சாயத்து கெட்டுப்போகனும்னா இவிகளை விட்டா போதும் வெகண்டையா பேசி விவகாரத்தை முதலுக்கு கொண்டு வந்துருவாய்ங்க. இவிக லைஃப்ல தந்தை,தந்தை வழி சொத்து ,இவர் சேமிப்பு, இவர் வாங்கின சொத்து,தீர்த்த யாத்திரைகள்,தூரபிரயாணங்கள், தூர தேசத்தில் உள்ளவர்களோடு தொடர்பு இதுக்கெல்லாம் முக்கியத்துவம் இருக்கும். இவிகளுக்கு ரெண்டாமிடத்ததிபதி சனிங்கோ. அதனால இந்த வருசம் வந்த லாபத்தை இந்த வருசம் சாப்பிடற யோகம் கிடையாது. எட்டுவருசம் கழிச்சு அழுது புரண்டு ரிட்டர்ன் வாங்கி சாப்பிடுவாய்ங்க.

சனி:

இவர் 2012,மே 15 முதல் ஆகஸ்ட் 4 வரை உங்க ராசிக்கு 10 ஆமிடமான கன்னியில சஞ்சரிக்கிறாரு.
பொதுவிதிப்படி இது நல்லது தான். ஆனால் சனி தாமச கிரகம்ங்கறதால செய்தொழில்,வியாபாரம்,உத்யோகத்துல மந்தத்தன்மை இருக்கும், தள்ளிப்போடறது அதிகமாகும். உத்யோகஸ்தர்கள் முக்கியமா க்ளாஸ் ஃபோர் எம்ப்ளாயிஸ் கோ ஆப்பரேட் பண்ண மாட்டாய்ங்க.
,
இந்த சனி உங்களுக்கு 2- 3 க்கு அதிபதியா இருக்கிறதால உங்கள் வெகண்டை பேச்சு, கஞ்சத்தனம்/ஊதாரித்தனம் தொழில் முன்னேற்றத்துக்கு தடையா இருக்கும். உ.பி/ர.ர க்களால் தொழில்ல நஷ்டம் வரதுக்கும் வாய்ப்பிருக்கு. கொஞ்சம் தள்ளியே வைங்க. பயணங்களால் அனுகூலமும் உண்டு. குறிப்பா மேற்கு திசையிலான பயணங்கள் லாபம் தரும்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 11 ஆவது ராசியான துலாம்லயே சஞ்சரிக்கிறாரு. பொதுவிதிப்படி இது நல்லதுதான். தொழிலாளிகள் ஒத்துழைப்பாய்ங்க. இரும்பு பொருள் வந்து சேரும்.

ஆனால் சனி உங்களுக்கு சோதராதிபதிங்கறதால சகோதரவர்கத்தாலயும், பயணங்களாலயும் லாபம் டபுளாகும்.

ராகு வந்து சேர்ந்தபிறவு ப்ரதர்ஸ்/சிஸ்டர்ஸுக்கு பிரச்சினை வந்து அந்த பிரச்சினையால உங்க லாபம் இரட்டிப்பாகும்.உங்களுக்கு காது நோய் வரலாம்.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 5 ஆமிடம். பொதுவிதிப்படியும் நல்லதுதான். சிறப்பு விதிகளின் படியும் நல்லதுதான்.

பொன் . பொருள் வந்து சேரும்.பெரிய தொகையா கூட வரலாம். பெரியமன்சங்களோட ஆதரவு கிடைக்கும்.
ஆனால் இந்த காலகட்டத்துல ஆண்குழந்தை தரிக்கிறது கஷ்டம். இவர் ராசியாதிபதிங்கறதால உடல்,உள்ள நலம் பெருகும். முடிவெடுக்கும் திறன் கூடும்.மனைவி மக்களால் மகிழ்ச்சி கூடும். தாய்,வீடு,வாகன வகையறாவிலயும் நன்மையே !

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 6 ஆமிடம். . வயிறு இதயம் தொடர்பான பிரச்சினை வரலாம். பொன் பொருள் நாசம். கடன் வாங்க வேண்டி வரலாம்.பெரிய மன்சங்களால, பூணூல் அணியும் சாதியினரால பிரச்சினை வரலாம்.

சிறப்பு விதிப்படி 1- 4 பாவங்களுக்கான ஆதிபத்யம் குருவுக்கு கிடைக்கிறதால நீங்களும் ,அம்மாவும் ஒரே தாட்டி ஆஸ்பத்திரியில அட்மிட் ஆகவேண்டி வரலாம். வீடு,வாகன வகையறாவுல கடன் வாங்க் வேண்டி வரலாம். சிலருக்கு வம்பு வழக்கு கூட எதிர்படலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 11-5 ஆம் இடங்கள் என்பதால் ராகு கேதுக்களால் பிரச்சினை உண்டு. ஐந்தில் உள்ள கேது புத்தி குழப்பம்,மறதி,விரக்தி,அவமானம் ஆகியவற்றை தரலாம்.குழ்ந்தைகள் விஷயத்திலும் டென்ஷன் ஏற்படலாம்.

11ல் உள்ள ராகு எதிர்பாராத லாபங்களை கொடுப்பார். அடடே ராகு சூப்பரா இருக்காரா அப்ப லாட்டரி டிக்கெட் வாங்கலாம்,ஷேர் மார்க்கெட்ல விளையாடலாம்னு டிசைட் பண்ணிராதிங்க. தப்பித்தவறி மேற்படி ராகு காரகத்துல எதுனா லாபம் பார்த்திங்கனா உடனடியா ஒரு அவமானம் அ பெரு நஷ்டம் அ குழந்தைகளுக்கு பிரச்சினை இத்யாதி வந்துரும்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 5+12 பாவங்களுக்கு அதிபதியா இருக்காரு .புத்திமான் பலவான். செவ் அனுகூலமா இருக்கிற காலத்துல புத்தி ப்ருஹஸ்பதி கணக்கா வேலை செய்யும். இவர் அனுகூலமா இல்லின்னா கூளம்தேன்.

அதனால இவரோட சஞ்சாரம் ரெம்ப முக்கியம்.பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது ஓவர் திங்கிங்,வேவரிங் இருக்கும். குழந்தைகளுக்கும் நல்லதில்லை.

6 ல் வரும் போது எவங்கூட சண்டைபோடலாம்னு அலைவிங்க. 10 ,11 ஓகே தான்.

உங்க ராசியிலயே வரும்போது உஷ்ண ரோகங்களை கொடுத்தாலும் பூமி சகோதர வகையில் லாபத்தை எதிர்பார்க்கலாம்.

இப்போ செவ் எந்தெந்த தேதியில எந்த ராசிக்கு வருவாரு.அது துலா ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 10 ஆமிடம்

ஆகஸ்ட் 14 முதல் துலா: இது உங்களுக்கு 11 ஆமிடம்

செப் 28 முதல் விருச்சிகம்: இது உங்களுக்கு 12 ஆமிடம்

நவம்பர் 9 முதல் தனுசு:இது உங்களுக்கு ஜன்ம ராசி

டிசம்பர் 17 முதல் மகரம். இது உங்களுக்கு 2 ஆமிடம்

2013 , ஜனவரி 25 முதல் கும்பம்: இது உங்களுக்கு 3 ஆமிடம்.

2013 , மார்ச் 4 முதல் மீனம் :இது உங்களுக்கு 4 ஆமிடம்