ஜெயாவுக்கு மீண்டும் கணிப்புகள்

என் வாழ்வில் மட்டுமா எல்லோர் வாழ்விலும் இப்படியா தெரியவில்லை. சம்பவங்கள் மீண்டும் மீண்டும் நடக்கின்றன.

1997 ல் லட்சத்து இரண்டாயிரம் வந்த போது 2 ரோல் படம் எடுத்தேன். அப்போதும் கேமரா இருந்தது. இப்போதும். ஆனால் அப்போது நான் பிரபல நடிகர்களின் நகலாக படமெடுத்துக் கொண்டேன்.

இப்போது எனக்கென்று இறைவன் அளித்த தகுதிகளை வெளிப்படுத்தும் வண்ணம் எடுத்து கொண்டேன். ஒரு ஜோதிடனாக,ஒரு நிருபனாக அடையாளம் காணும் வண்ணம் எடுத்து கொண்டேன். இது வளர்ச்சிதான் என்பது என் நம்பிக்கை

மேலும் இம்முறை நோ ப்ரிண்ட்ஸ். சி.டி.யில் பெற்றுக்கொண்டேன். அப்போதும் படங்களில் சுமாரானவற்றை பொறுக்கி லே அவுட் செய்ய முயன்றேன். முடியவில்லை. இப்போது கணிணி இருப்பதால் அது ஜுஜுபி.

நிறக நான் சொல்ல வந்தது வேறு.. ஒரிஜினலாக உள்ள பிரச்சினைகளை விட்டு மனைவி,மகளிடம் மாரடிப்பதிலேயே என் நல்ல நேரம் எல்லாம் காலியாவது வழக்கம். இம்முறை அதை தவிர்க்க வேண்டும்.தினத்தந்தியில் இருந்த படியே :

1.ஐ.பி.சி பதிவுக்கு முயற்சி செய்ய வேண்டும்.

2.ஜோதிடனாக பிரபலமாக வேண்டும்.(ஜெயாவுக்கு மீண்டும் கணிப்புகள்)

3.டிஜிட்டல் போர்டு4.டிஜிட்டல் பேனர்5.வெப் சைட்டுக்கு விளம்பரம் (முடிந்தால் என்ன கட்டாய பேனல் விளம்பரம்)6.ஸ்டார்,டேக்ஸி,தனஞ்சயன்,பரசு பிரச்சினைகளை முடிக்க வேண்டும்.
Advertisements

பாலகுமாரனின் *பயணிகள் கவனிக்கவும்

பாலகுமாரனின் *பயணிகள் கவனிக்கவும் பற்றிய பதிவுக்கு எதிர்வினை இந்த பதிவு என்று சொல்ல முடியா விட்டாலும் இதற்கான உந்துதல் *பயணிகள் கவனிக்கவும் பற்றிய பதிவு தான் என்று சொல்லித்தான் ஆக வேண்டும்.

அரசியல்,சமூகம், வாழ்க்கை,மனிதர்கள் குறித்த மாறுபட்ட பார்வை,விமரிசனம்,கருத்து , கனவு கொண்டவர்களுக்குத் தான் எழுத வேண்டும் என்ற உந்துதல் ஏற்படும்.

பாலகுமாரன் போன்றவர்கள் பத்திர எழுத்தர்கள் மாதிரி எழுத கற்றுக் கொண்டிருக்கலாம். என் போன்றவர்கள் எழுதும் நேக் தெரியாதவர்களாக இருக்கலாம். ஆனால் பாலா போன்ற போலிகளுக்கு அரசியல் குறித்த விமரிசனமே கிடையாது.

கலைஞர் சிக்னலில் இவருக்கு கையசைத்தது தான் செய்தி. ஜெயலலிதா காவிரி தண்ணீர் கேட்டு காலை 10 முதல் மாலை 5 வரை உண்ணாவிரதமிருந்தால் இவர் தில்லானா மோகனாம்பாள் வைத்தி மாதிரி பழம் எடுத்துக் கொண்டு போய் பார்த்து வருவார்.(பாலாவுக்கு ரொம்ப பிடித்த கேரக்டர் வைத்தி தான்).

திராவிட பராம்பரியத்தை அவர் எழுத்துக்கள் தொட்டும் தொடாமலும் தான் சைடு வாங்கிக் கொண்டு பயணிக்கும். திராவிடம் தமிழுக்கு தலை வாழையிலை போட்டு இதர பார்ப்பனர்களை போன்ற ஆங்கில புலமை இல்லாத பாலாவின் பிழைப்புக்கு வழி செய்ததாலோ என்னவோ கடவுள் மறுப்புக்கு கூட வெளிப்படையாக மறுப்பு தெரிவிக்க தயங்குவார்.

இனி பொருளாதாரம் என் கிறீர்களா? பாலாவுக்கு தெரிந்த பொருளாதாரத்தில் அவர் மனைவி மார்களுக்கான அட்டிகைகள்,புடவைகள் வீட்டு சமாச்சாரங்களை தவிர வேறு எதற்கும் இடம் கிடையாது.

உலக மயமாக்கம், தனியார் மயமாக்கம், சிறப்பு பொருளாதார மண்டலங்கள்,கன்ஸ்யூமரிசம்,மேற்கத்திய கலாச்சார படையெடுப்பு, புற்றீசலாய் பெருகி வரும் பன்னாட்டு கம்பெனிகள், தகவல் தொழில் நுட்ப புரட்சி,கல்வி,மருத்துவ வணிக மயமாக்கம் இவற்றின் காரணமாக சிறு தொழிலதிபர்கள்,குடிசைத் தொழில்கள், அரசு ,தனியார் ஊழியர்கள், தொழிலாளிகள் முக்கியமாய் பெண்கள் எதிர்கொள்ள வேண்டி வந்திருக்கும் சுரண்டல்,இழி நிலைகள் பற்றி அவர் எழுத்துக்களில் எவ்வித பதிவும் இருக்காது.

பாலா என்பவர் அந்த காலத்து ஜோதிலட்சுமி மாதிரி ஒரு கவர்ச்சி பிம்பம். அந்த காலத்தில் ஜோதிலட்சுமியை பார்த்து மயங்காத இளைஞனே கிடையாது. அதற்காக வெட்கப்படவேண்டிய அவசியமும் கிடையாது.

பாலா போன்ற‌ புல்லுருவிக‌ளை அடையாள‌ம் க‌ண்டு த‌விர்க்கும‌த்த‌னை ஞான‌ம் தமிழ் படைப்புகளில் கொட்டிக் கிட‌ந்தாலும் அவை தேடிப் போக‌ வேண்டிய‌ புதைய‌ல்க‌ளாக‌வே உள்ள‌ன‌. பார்ப்போம் !

இதைப்ப‌டித்து சிரிக்க‌வும் ஒரு வெட்க‌ம் கெட்ட வழி தவறச் செய்யப்பட்ட கூட்ட‌ம் இருக்கிற‌து

அங்கே சிரிப்ப‌வ‌ர்க‌ள் சிரிக்க‌ட்டும் அது ஆண‌வ‌ச் சிரிப்பு

ந‌ல்ல‌ தீர்ப்பை உல‌க‌ம் கூறும் நாள் வ‌ரும்போது அன்று சிரிப்ப‌து யார் அழுவ‌து யார் தெரியும‌ப்போது

முன் கூட்டி பலன் தரும் கிரகங்கள்

2007 ஆகஸ்ட் 5ஆம் தேதி கடகத்திலிருந்து சிம்மத்திற்கு சனி மாறினார். அதற்கு 6 மாதங்கள் முன்பே சிம்ம சனி பலன் கள் ஆரம்பமாகிவிட்டிருக்கும். உ.ம் மகரத்துக்கு கடகம் 7 ஆமிடம் தான். ஆனால் 8 ஆமிடத்தில் என்ன பலன் கள் தரவேண்டுமோ அது ஃபிப்ரவரி மாதம் 5 ஆம் தேதியே துவங்கி விட்டிருக்கும்.

2007,அக்டோபர் 28 ஆம் தேதி(தெலுங்கு ஆந்திர பூமி பஞ்சாங்கப்படி) குரு விருச்சிகத்திலிருந்து தனுசுக்கு ராசி மாறுகிறார். ஆனால் 2 மாதங்கள் முன்பாகவே அதாவது ஆகஸ்ட் 28 முதலே தனுசு ராசியில் தான் இருந்தால் தர வேண்டிய பலன் களை கொடுக்க ஆரம்பித்துவிடுகிறார்.

உம் சிம்மத்துக்கு விருச்சிகம் 4 ஆமிடம். இதனால் அக்டோபர் 28 வரை தாய்,வீடு,வாகனம்,கல்வி தொடர்பான தொல்லைகளை அனுபவிக்க வேண்டும்.ஆனால் இவர்களுக்கு ஆகஸ்ட் 28 முதலே ஓரளவு ரிலீஃப் கிடைக்க ஆரம்பித்துவிட்டிருக்கும். குரு 5 க்கு வந்தால் தரவேண்டிய பெயர்,புகழ்,பிள்ளைகளால் நன்மை போன்ற பலன் கள் ஆரம்பித்து விட்டிருக்கும்.

குரு பலம்:

குரு ப‌ல‌ம் வ‌ந்துவிட்ட‌தா என்று கேட்காத‌ ந‌ப‌ர்க‌ள் இல்லை. குரு ப‌ல‌ம் என்றால் என்ன‌? குரு உங்க‌ள் ராசிக்கு 2,5,7,9,11 ராசிக‌ளில் வ‌ருவ‌தையே குரு ப‌ல‌ம் வ‌ந்து விட்ட‌து என்று சொல்கிறோம்.

குரு ப‌ல‌த்தால் என்ன‌ ந‌ன்மை:

குரு வ‌யிறு,இத‌ய‌த்துக்கு அதிப‌தி. குரு அனுகூல‌ நிலையில் இருந்தால் ஜீர‌ண‌ ச‌க்தி அதிக‌ரிக்கும். இத‌ய‌ம் ந‌ன்றாக‌ வேலை செய்யும். இத‌னால் உட‌லின் எல்லா பாக‌த்துக்கும் ந‌ல்ல‌ ர‌த்த‌ம் கிடைக்கும்.(ஆக்ஸிஜ‌ன்). இத‌னால் உட‌ல் ந‌ல‌ம் ,ம‌ன‌ ந‌ல‌ம் பெருகும். நின‌வாற்ற‌ல் பெருகும். பாஸிடிவ் திங்கிங் வ‌ரும். தெய்வ‌ ந‌ம்பிக்கை,சாஸ்திர‌ ந‌ம்பிக்கை,பெரிய‌வ‌ர்க‌ளை ம‌தித்த‌ல் போன்ற‌ குண‌ங்க‌ள் வ‌ள‌ரும்.

குரு கோல்ட்,ஃபைனான்ஸ்,பாலிடிக்ஸ்,ம‌ஞ்ச‌ள் நிற‌ பொருட்க‌ள்,உய‌ர் குல‌த்த‌வ‌ர், முக்கிய‌மாக‌ பிராம‌ண‌ர்க‌ள்,திட்ட‌மிடுத‌ல்,தொலை நோக்கு இவ‌ற்றுக்கெல்லாம் அதிப‌தி. இவ‌ர் ஸ்வ‌ர்ண்காரகர்(தங்கம்),கங்கணகாரகர் (மனைவி,திருமணம்),புத்திர‌,ப‌வுத்திர‌ கார‌க‌ர்(பேர‌ன் க‌ள்), என‌வே இந்த‌ விஷ‌ய‌ங்க‌ளில் எல்லாம் உங்க‌ளுக்கு ந‌ன்மை ஏற்ப‌டும்.
(பின்னொரு நாள் தொட‌ரும்)

"கிராஃபிக்" கதைகள்

இந்த கதைகள் 100 சதவீதம் கற்பனையே என்று சொல்ல மாட்டேன். ஆனால் சற்றே முன் பின்னாக நகர்த்தி சொன்னால் கற்பனை மாதிரி தான் இருக்கும். இந்த தொகுப்புக்கு கிராஃபிக் கதைகள் என்று பெயர் சூட்ட காரணம் ரவி. இவர் என் சின்ன அண்ணன் செல்வராஜின் நண்பர். ரவியின் அண்ணன் ப்ளாக் மேக்கர். ரவி கம்ப்யூட்டர் வந்த புதிதில் ஸ்க்ரீன் ப்ரிண்டிங்குக்கு மாறி கிராஃபிக் ஆர்ட்ஸ் என்ற பெயரில் கடை வைத்தார்.இதனால் ரவி பெயருடன் கிராஃபிக் ஒட்டிக் கொண்டது. ரவியால்,ரவிக்கு,ரவி நண்பர்களுக்கு நடந்த கதைகள் என்பதால் கிராஃபிக் கதைகள் என்று பெயர் சூட்டியுள்ளேன்.
முதல் கதை பரசுராமன் கதை:

ஹ்யூமன் பிஹேவியர்,ஹ்யூமன் ஸைக்காலஜி,டைம் ஃபேக்டர்,ஏஜ் ஃபேக்டர் இப்படி பல சித்தாந்தங்களை சில சம்பவங்களினூடே விவரிக்கப் போகிறேன்.சம்பவங்கள் ஒரு சாக்கு மட்டுமே என்ன நீங்க ரெடியா?

பரசுராமன்… தாய் கற்பிழந்தாள் என்று, தந்தையின் ஆணைக்கிணங்க தாயின் தலையை வெட்டி, தந்தையின் வரத்தால் அவளை உயிர்ப்பித்த பரசுராமன் அல்ல‌ .
சர்வர் கணவனுக்குப் பெற்று, சித்தூர் மார்க்கெட் கழிவு நீர் கால்வாய் கரையில் மக்காச்சோளம் விற்று வளர்த்த அம்மாவை காட்பாடி சித்தூர் பஸ் ஸ்டாண்டில் அடித்து வீழ்த்தியவன்.
சீட்டாட்டம்,குடி,அதற்கான பணத்துக்கு எதை வேண்டுமானாலும் விற்றல்,வைத்தல்,வேர்வை பிடிக்காது , இஸ்திரி கலையாது வாழ வேணும். இப்படியே உயிர் உடம்பு வளர்த்து, ஷுகர் வாங்கி, அவன் மாமன் பாஷையில் சொன்னால் ஆசனத்தில் சிகரட் சூடு வாங்கியவன் இந்த பரசுராமன்.
மனைவியும்,மகள்களும் ஊதுவத்தி செய்து சம்பாதித்து சாப்பிடுகின்றனர். பரசுவின் தாய்க்கு இரண்டு மகள்கள். ஒருவர் சாந்தி,மற்றவர் வஸந்தா. சாந்தியை காட்பாடியில் பஞ்சாயத்து துறை ஊழியரான‌ ராமலிங்கத்துக்கு கட்டி வைத்தார்.ராம லிங்கம் சம்பளம்,கிம்பளம் என்று விரைவிலேயே வசதியாகி விட்டார்.
பரசு கதையை மீண்டும் சொல்லத் தேவையில்லை.இருந்தும் இல்லாதது போலத்தான்.இந்நிலயில் பரசுவின் தாய்க்கு கேன்ஸர். ரா.லி வைத்தியம் பார்த்தார். பிணத்தை எடுத்துப் போட்டார். காரியம் செய்தார். சித்தூர் வீட்டை செலவு செய்து ரிப்பேர் பார்த்து வாடகைக்கு விட்டார்.
பரசுவின் தாய் ..பெயர் தஞ்சம்மாள். அந்த அம்மாள் தன்மானம் மிக்கவர் என்று கேள்வி. தம்பி காசில் கட்டை வேவதா என்று நினத்தாரோ? மகன் வைத்து வாழமாட்டான்,பேத்திகளை ரோட்டில் தான் விடுவான் என்று பயந்தாரோ?
பேத்திகளை குழந்தையில்லாத ரா.லி கரையேற்றிவிடுவார் என்று விரும்பினாரோ?சித்தூர் வீட்டை ரா.லிங்கத்தின் மனைவி (அதாவது தன் மகள்) பெயருக்கு உயில் எழுதிவைத்து செத்தார்.பரசு ரா.லி. கஸ்டடியில் செட்டிலாகிவிட்டான்.

ஆங்கிலத்தில் சொல்வது போல் ஒன் ஃபைன் மார்னிங்க தன் கால் புண்ணுக்கு கட்டுப் போட வேண்டும் என்று சொல்லி ரா.லி யிடம் பணம் வாங்கினான். நேராக தாலுக்காஃபீஸுக்கு போனான், பணம் கொடுத்தான். ரா.லி.யின் மேல் ஒரு புகார் எழுதி காட்பாடி காவல் நிலையத்தில் கொடுத்துவிட்டான் சித்தூர் வந்து விட்டான்.
வந்து கிராஃபிக் ரவியை சந்தித்தான்.கிராஃபிக் என்னை பரசுவுக்கு அறிமுகம் செய்தான்.

ப‌.ப‌ர‌சுராம‌ன்.

வேலூர்,28/10/2007.
விடுநர்
ப‌.பரசுராமன்,
எஃப்.51,ப்ரம்மானந்த மடம் தெரு,
4 ஆவது மெயின் ரோடு,
ஆர்.சி.புரம்,பெங்களூர் 21
பெருமதிப்பிற்குரிய வேலூர் மாவட்ட கலெக்டர் அவர்களுக்கு,
ஐயா! உடல் ஊனமுற்றவர்களுக்கு தமிழக அரசு பல்வேறு சலுகைகளை அளித்து வருகிறது. ஆனால் சர்க்கரை வியாதியால் கண் போய்,கால் போய் மூன்று வயது வந்த பெண்குழந்தைகளுடன் பசியும் பட்டினியுமாய் வாழும் என்னை ஒரு ஓய்வு பெற்ற அரசு அதிகாரி எல்லாவிதத்திலும் துன்புறுத்தி வருகிறார். இதற்கு சட்டப்படி நடவடிக்கை எடுக்க இயலாத ஏழ்மை நிலையில் நான் இருப்பதால் என் பிரச்சினையை தங்கள் பார்வைக்கு வைக்கிறேன்.
என் அப்பா ப‌ச்சைய‌ப்ப‌ன். என் அம்மா த‌ஞ்ச‌ம்மாள் . என் அப்பா த‌ன் சொந்த‌ முய‌ற்சியில் ஆந்திர‌ மாநில‌ம்,சித்தூரி ஒரு வீடு வாங்கி என் அம்மாவின் பெய‌ரில் ப‌திவு செய்தார். நான் மேற்சொன்ன‌ அர‌சு அதிகாரி என் அம்மாவுக்கு சொந்த‌ த‌ம்பி. பெய‌ர் ராம‌ லிங்க‌ம். இவ‌ர் ஆற்காடு வ‌ட்ட‌ம்,திமிரிய‌ருகில் உள்ள‌ விளாப்பாக்க‌த்தில் ப‌ஞ்சாய்த்து துறையில் நிர்வாக‌ அதிகாரியாக‌ வேலை பார்த்து ச‌மீப‌த்தில் ஓய்வு பெற்றார்.
த‌ற்போது காட்பாடி,நியூ திருவ‌ல‌ம் ரோட்டில், க‌த‌வு எண் 3 ல் வ‌சிக்கிறார். இவ‌ர் என் அம்மா த‌ஞ்ச‌ம்மாளிட‌ம் என்னை ப‌ற்றி இல்லாத‌தும் பொல்லாத‌தும் கூறி,அவ‌ர் கேன்ஸ‌ரால் அவ‌தி ப‌ட்டுக் கொண்டு எதையும் சிந்திக்க‌க்கூட‌ முடியாத‌ நிலையில் இருந்த‌ போது த‌ன் ம‌னைவியின் பெய‌ருக்கு உயில் எழுதுவித்து ப‌திவும் செய்து கொண்டார்.வெறும் மூன்று மாதங்களில் என் அம்மா இறந்துவிட்டார். அவர் சாவில் கூட பலருக்கும் சந்தேகம் இருக்கிறது.
இது குறித்து நானும்,உற‌வின‌ர்க‌ளும்,என் ந‌ண்ப‌ர்க‌ள் ந‌ல‌ம் விரும்பிக‌ளும் எவ்வள‌வோ எடுத்துச் சொல்லியும் த‌ன் த‌வ‌றை திருத்திக் கொள்ள‌வில்லை. இந்த‌ நிலையில் 2005 மே மாத‌த்தில் ராம‌லிங்க‌த்தின் மேல் எண்ண‌ற்ற‌ புகார்கள் அவரது உய‌ர‌திகாரிக‌ளுக்கு சென்ற‌தில் நான் தான் அந்த‌ புகார்க‌ளை அனுப்பினேன் என்று த‌வ‌றாக‌ எண்ணி ப‌ய‌ந்து மேற்ப‌டி சித்தூர் வீட்டின் மூல‌ ப‌த்திர‌த்தையும் , இருப‌து ரூபாய் ஸ்டாம்பு தாளில் ஒரு ஹ‌க்கு விடுத‌லை ப‌த்திர‌த்தையும் கொடுத்துவிட்டார்.(அதுவும் ஜிராக்ஸ் பிர‌தி).
நானும் வீட்டை கைய‌க‌ப் ப‌டுத்திக் கொண்டு சித்தூர் டவுன் ,ச‌ர்ச் பின்னால் டீக்க‌டை ந‌ட‌த்தும் முத்து என்ப‌வ‌ருக்கு வாட‌கைக்கு விட்டேன். அந்த வாடகையில் தான் எனக்கு ஜீவனம் நடக்கிறது. இந்நிலையில் ராமலிங்கம் காட்பாடியிலிருந்து குவாலீஸ் காரில் சித்தூருக்கு அடியாட்க‌ளுட‌ன் வ‌ந்து அந்த‌ வீட்டை தான் விற்று விட்ட‌தாக‌வும், குடியிருக்கும் முத்து 10 நாட்க‌ளில் காலி செய்ய‌வேண்டும் என்றும் மிர‌ட்டியிருக்கிறார்.
இது குறித்து போலீஸில் புகார் செய்வ‌து வீண் என்றும், ஏற்கென‌வே சித்தூர்,காட்பாடி காவ‌ல் நிலை‌ய‌ங்க‌ளுக்கு ல‌ஞ்ச‌ம் கொடுத்து வைத்திருப்ப‌தாக‌வும் மிர‌ட்டியிருக்கிறார்.
இதுகுறித்து தாங்க‌ள் உட‌ன‌டியாக‌ ந‌ட‌வ‌டிக்கையெடுக்கும்ப‌டி கேட்டுக் கொள்கிறேன்.
த‌ங்க‌ள் உண்மையுள்ள‌,
ப‌.ப‌ர‌சுராம‌ன்.

வையத்தை ஆள்வது நம் எண்ணங்களே.

2008 ஏப்ரலில் வரும் உகாதிக்குள் உலகின் ஏழில் ஆறு பாகம் அழிந்துவிடவேண்டும் என்பது காலஞான சாரம்.
இன்று முதல் ..உலக மக்கள் ஒருமித்த முடிவுக்கு வந்து காலை 6 மணிக்கு விழித்து, மாலை 6 மணிக்கெல்லாம் தூங்கச் சென்று விட்டாலே பிரளயம் 5 வருடங்களுக்கு தள்ளிப்போய்விடும்.(முக்கியமாக நோ கேபிள் டிவி அண்ட் ஆல் தட்)
இதனால் 12 மணி நேர சுரண்டல் குறையும், விபத்துக்கள் குறையும், என் கவுண்டர்கள் குறையும், லாக்கப் மரணங்கள் குறையும், ஊழல் குறையும் புகை கக்கும் வாகனங்கள் வண்டிகள் ஓடாது,பொல்யூஷன் குறையும்,குடும்ப உறுப்பினர்களிடை உறவு பலப்படும். முக்கியமாக மனிதர்கள் மனங்களில் இன்னும் சில காலம் வாழலாம் என்ற எண்ணம் பலப்படும். இது ஒன்றே போதும் பிரளயத்தை தள்ளிப்போட‌
இன்று மனிதன் வாழும் வாழ்க்கை, இதை காட்டிலும் மரணமே மேல் என்ற எண்ணத்தை அவன் அடிமனதில் ஏற்படுத்தி வருகிறது. எண்ணம் போல் மனம், மனம் போல் வாழ்வு. மக்களின் எண்ணங்க‌ளுக்கு விபரீதமான‌ சக்தி உண்டு.
அதிலும் அல் குரானில் இறைவன் ” உங்களில் இருவர் எது கோரினாலும் உடனே நிறைவேறித் தருகிறோம் ” என்று கூறியதில் எத்தனையோ ஆழ்ந்த ரகசியங்கள் பொதிந்திருக்கின்றன.
குறிப்பு:ஒரு காலத்தில் இவ்வுலகை ஆண்டவன் ஆண்டவனாக இருக்கலாம். இப்பொழுது வையத்தை ஆள்வது நம் எண்ணங்களே.

ஓஷோ சொல்லுவார் ” ஒருவனுக்கு துன்பங்கள் நேரும்போது அவனில் கேள்விகள் எழுவதில்லை. இதமானவை நடக்கும்போது மட்டும் எண்ணற்ற கேள்விகள் எழுமாம்.

என் நிலைமயும் இப்படித்தானிருக்கிறது. என்னிடம் இல்லாதது பணம் மட்டும் தான். இந்த நாட்டையே, விட்டால் உலகத்தையே நிர்வகிக்கும் அதிர்ஷ்டம் மட்டுமல்ல,சக்தியும் எனக்குண்டு என்பது தான் ஆரம்பம் முதலே என் நம்பிக்கை.
ஜோதிடம்,ஆரூடமெல்லாம் இந்த நம்பிக்கையை உறுதிப்படுத்தியதால் தான்ஜோதிட உலக‌த்தில் தொடர்ந்தேன்.
நாளை நடப்பதை ஆரே அறிவார் என்று கைகளை பிசையாது ஒருவாறு குண்ட்ஸாகவேனும் அறியும் வாய்ப்பு, ஜாதகத்தில் அடிப்படை பலம்,தர்கம்,சம்பிரதாய‌மான கல்வி,இவற்றோடு அளவற்ற சக்தியை தரும் நம்பிக்கை,
எல்லாவற்றுக்கும் மேலாக ராம நாம ஜபம், அது தந்த சாக்தேயம் எல்லாமாக சேர்ந்து நாளைய என் கனவுகளுக்கு ஒரு அடித்தளம் அமைந்து வருகிறது.
இது இதமாகவே இருந்தாலும் ஓஷோ சொன்னது போல் இந்த இதமே எண்ணற்ற கேள்விகளை எழுப்பி வருகிறது.
இன்றைய நிலைப்படி பைப் லைனில் உள்ள ஆஃபர்ஸ் மட்டும் மெட்டீரியலைஸ் ஆனால் போதும் .. தாய் நாடு குறித்த என் கனவு நனவாகிறதோ இல்லையோ பிரபஞ்சத்தின் செவிகளுக்கு அஞ்சலாகிவிடும்.
இந்த பிறவிக்கு இது நடந்தாலே ய‌தேஷ்டம். பார்ப்போம்..
வெல்லுவது பிரபஞ்சத்தின் விதியோ ?அல்லது பிரபஞ்ச நலன் கருதி நான் செஇது வரும் சதியோ?

ஜாதி இரண்டொழிய வேறில்லை

ஆம். உலகத்தில் இரண்டே மதம் ,இரண்டே ஜாதிகள் தான் உள்ளன. அவ்வையார் காலத்தில் இட்டார் பெரியோர் ,இடாதோர் இழிகுலத்தோர் என்று சொல்லி முடித்து விட்டார்.
ஆனால் இன்று இடுபவரில் அதிக சதவீதம் ஹிட்டென் அஜெண்டாவுடன் தான் இடுகிறார்கள். இது வேறு கதை.
இன்று இருப்பது இரண்டே ஜாதி,இரண்டே மதம் . ஒன்று சுரண்டுவோர், இரண்டு சுரண்டப்படுவோர். எவனொருவன் ஜாதி,மதம் என்று மக்களை பிரிக்கிறானோ அவன் சுரண்டலை மக்கள் கண்ணிலிருந்து மறைக்கும் அகில உலக சதிக்கு துணை போகிறான் என்றே சொல்லலாம்.
உலக மகா சுரண்டல் நிறுவனம் அமெரிக்கா:
நான் புதிதாய் சொல்ல என்ன இருக்கிறது. நம் நாடு விவசாயத்தை சார்ந்து இருப்பது போல் அமெரிக்கா ஆயுத உற்பத்தி, கட்டுமானப் பணிகளை சார்ந்து இருக்கிற‌து. ஆயுத‌ விற்ப‌னை கூட‌ வேண்டும். அத‌ற்கு உல‌கில் யுத்த‌ நில‌வ‌ர‌ம் தொட‌ர‌ வேண்டும்.
சூடு குறைவ‌து போலிருந்தால் அன்று ஆப்கானிஸ்தான், நேற்று ஈராக், இன்று ஈரான் போன்று எதையோ ஒன்றை கிள‌ப்பி ஆயுத‌ம் விற்க‌ வேண்டும், விற்ற‌ ஆயுத‌ங்க‌ள்,குண்டுக‌ள் செல‌வ‌ழிய‌ வேண்டும், ஆர்ட‌ர் குவிய‌ வேண்டும்,யுத்த‌த்தால் நாச‌மான‌ நாட்டில் புன‌ர் நிர்மாண‌ ப‌ணிக‌ளுக்கான‌ காண்ட்ராக்டுக‌ள் கிடைக்க‌ வேண்டும்.
மேலும் யுத்த‌ம் என்ப‌து ஒரு டெமோ தான். வார் ரீல்(?) போட்டு விள‌ம்ப‌ர‌ம் செய்வ‌து போல் இவ‌ர்க‌ள் வார் ந‌ட‌த்தி த‌ம் உற்ப‌த்திக‌ளுக்கு விள‌ம்ப‌ர‌ம் தேடுகிறார்க‌ள்.
ப‌ன்னாட்டு க‌ம்பெனிக‌ள்,உள் நாட்டு க‌ம்பெனிக‌ள்,கோலா,க‌ல‌ர் டி.வி,ஜீன்ஸ்,செல் போன், எஃப்.எம் ரேடியோ, முத‌ல் மீடியா வ‌ரை எல்லாமே சுர‌ண்ட‌லைத்தான் செய்கின்ற‌ன‌.
ஒருகால‌த்தில் செய்தி,தொழில் நுட்ப‌ம் என்று நுண‌லாய் அர‌ற்றிய‌ எங்க‌ள் ச‌ந்திர‌பாபுவே ஏழை ஒரு நாளைக்கு 20 ரூ ச‌ம்பாதிப்ப‌து கூட‌ க‌ஷ்ட‌மாகிவிட்ட‌து என்று கூறுகிறார்.
ஏழ்மை எத்த‌னை கொடூர‌மான‌து என்ப‌து அதை அனுப‌விப்ப‌வ‌ர்க‌ளுக்குத்தான் தெரியும். இந்தியாவில் உள்ள‌ 99.99 ச‌த‌வீத‌ பிர‌ச்சினைக‌ளுக்கு கார‌ண‌ம் ஏழ்மைதான். ஏழ்மைக்கு கார‌ண‌ம் சுர‌ண்ட‌ல். சுர‌ண்ட‌லுக்கெதிராக‌ ம‌க்க‌ளை பொங்கி எழாது த‌டுக்கும் முய‌ற்சி தான் ஜாதி,ம‌த‌ வேறுபாடுக‌ளை வ‌ள‌ர்ப்ப‌து.
எங்கே உர‌க்க‌ ஒரு த‌ர‌ம் சொல்லுங்க‌ள்..இருப்ப‌து இர‌ண்டே ஜாதி,இர‌ண்டே ம‌த‌ம்.
சுர‌ண்டுவோர்,சுர‌ண்ட‌ப்ப‌டுவோர்.
ஜாதி என்றும் ம‌த‌ம் என்றும் ம‌க்க‌ளை பிரிக்க‌ப் பார்ப்ப‌வ‌ர்க‌ள் ச‌திகார‌ர்க‌ள். ச‌தி(ம‌னைவி) ச‌மேத‌மாய், பிள்ளை குட்டிக‌ளுட‌ன்,ப‌ந்து மித்திர‌ர்க‌ளுட‌ன் நாச‌மாகி வ‌ருவ‌து க‌ண் முன் ந‌ட‌ந்து கொண்டுதானிருக்கிற‌து.
கார‌ண‌ம்:
சுர‌ண்ட‌ப் ப‌ட்ட‌வ‌ன் அதை நினைத்து நினைத்து “ஹூம்” என்று பெருமூச்சு விடுகிறான். அது மூலாதார‌த்தில் உள்ள‌ குண்ட‌லியை எழுப்புகிற‌து. இத‌னால் அவ‌னுக்கு வாக்கு ப‌லித‌ம் ஏற்ப‌டுகிற‌து. ஹூம் என்ப‌து ச‌ண்டி பீஜ‌ம். ச‌ண்டி மாதா இந்த‌ சோதாக்க‌ளை ஒழித்துக் க‌ட்டுவ‌து ந‌ட‌ந்து கொண்டேதானிருக்கிற‌து.