தமிழ் புத்தாண்டு பலன்: மீனம்

இன்னைக்கு சென்சேஷன் முன்னாள் பா.ஜ.க தலைவர் பங்காரு லட்சுமணுக்கு 4 ஆண்டு சிறை.
( எங்களை மட்டும் ஈசியா உள்ளே தூக்கி போட்டுர்ராங்கய்யா -வாய்ஸ் ஆஃப் தலித்/தென் இந்தியர்கள் )

..புத்தாண்டு பலனை தொடரலாமா? இன்னைக்கு மீனராசி. மொதல்ல இவிக கேரக்டரை பார்த்துருவம்

இது இவரோட கடைசி பிறவி. இவருக்கும் பிறருக்கும் அடிப்படையிலயே வித்யாசம் உண்டு. நாமெல்லாம் பொருளீட்டி ,கருமங்களை கூட்டி, மேற்படி கருமங்களை ஒழிக்க பிறவிகளின் எண்ணிக்கையை அதிகரித்துக்கொள்வதில் குறியாய் இருப்போம்.ஆனால் இவர் ரிவர்ஸ் எஃபெக்ட் காரணமாக ஆரம்பகாலத்தில் நம்மை போலவே பொருளீட்டினாலும் உள் உணர்வு உந்த ஈட்டிய பொருளை விரயம் செய்து கருமம் தொலைத்து, பிறவியை தவிர்ப்பதிலேயே குறியாய் இருப்பார். பிரயாணங்கள்ள ஆர்வமிருக்கும் (அதுவும் டெஸ்டினேஷன் இல்லாத பயணம், நோக்கமில்லாத பயணம், ரிட்டர்ன் ஃபேருக்கு பணமில்லாத பிரயாணமாவும் இருக்கலாம்).இவிக பாதம் / நடை கொஞ்சம் விசித்திரமா இருக்கும். பிடி கொடுத்து பேச மாட்டாய்ங்க. எதுலயும் பட்டும் படாமயே இருப்பாய்ங்க(குடும்ப விஷயத்துல கூட)

சனி:

உங்களுக்கு லாப,விரயாதிபதியான இவர் இவர் 2012,மே 15 முதல் ஆகஸ்ட் 4 வரை உங்க ராசிக்கு 7 ஆமிடமான கன்னியில சஞ்சரிக்கிறாரு. பொதுவிதிப்படி மட்டுமில்லை சிறப்பு விதிப்பதியும் இது ரெம்ப ரெம்ப நல்லதில்லை.

விரயாதிபதியாக சனி 7 ல நின்னா காதல்,கல்யாணம்,திருமண வாழ்வுக்கெல்லாம் ஆப்பு. உங்களுக்கோ உங்க காதலி/மனைவிக்கோ கால்,ஆசனம்,நரம்பு தொடர்பான பிரச்சினை வரலாம்.ஏன் பிரிவு கூட ஏற்படலாம்.அவிகளால நஷ்டமும் ஏற்படலாம்.

அதே சமயம் லாபாதிபதியாக சனி 7 ல நிக்கிறதால தகுதியில்லாத பெண்/ஆணிடம் புதுசா காதல் ஏற்படறது -கண்ணாலமானவுகளுக்கு இரண்டாவது கல்யாணத்துக்கு வாய்ப்பு ஏற்படறது கூட நடக்கலாம். டேக் கேர் !

ஃப்ரெண்ட்,லவர்,பார்ட்னர்,வைஃப் வகையறாவில் கஷ்டம்,நஷ்டம்,மனக்கஷ்டம் வர்ரதுக்கு வாய்ப்பிருக்கு. பரிகாரம்: எதை செய்தாலும் சொந்த யோசனையில் தனியா செய்ங்க.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 8 ஆவது ராசியான துலாம்லயே சஞ்சரிக்கிறாரு. அஷ்டம சனின்னாலே இம்சை தான். அடிபடறது, வீண்பழி சுமக்கறது, அபராதம் கட்டறது,செயிலுக்கு போறது இப்படி பலப்பல எதிர்கொள்ளனும். இதுல இவர் லாபாதிபதியாவும் இருக்கிறதால அண்ணன்/அக்கா போன்றவர்களுக்கு /போன்றவர்களால் இம்சை ஏற்பட வாய்ப்பிருக்கு.

ஆனால் சனியே உங்களுக்கு விரயாதிபதிங்கறதால மைனஸ் ப்ளஸ் மைனஸ் பிகம்ஸ் ப்ளஸ் அதாங்க கெட்டவன் கெட்டால் கிட்டிடும் ராஜயோகம். டீட்டெய்லா சொன்னா செலவு படிப்படியா குறையும். பொருளாதாரம் சீர்ப்படும்.

இவரோட ராகு வந்து சேர்ந்தபிறவு உங்களுக்கு நாள்பட்ட/ எக்ஸ்பயர் ஆன ஃபுட் ஐட்டத்தாலயோ -தூக்கமின்மையாலயோ ஒரு தாட்டி வாந்தி வயிற்று போக்கு நடக்கலாம். அல்லது ஈசி மணி மேல கவர்ச்சியாலயோ -ஷேர் மார்க்கெட் இத்யாதியாலயோ பணம் பறிபோகலாம். பூச்சி பொட்டுகடிச்சு வைக்கலாம்.

குரு:
2012, மே 17வரை மேசத்துல சஞ்சரிக்கிறாரு. இவர் உங்களுக்கு லக்னாதிபதி மற்றும் ஜீவனாதிபதி. மேஷம் உங்களுக்கு 2 ஆமிடம். பொதுவிதிப்படி நல்லதே . இதனால் வருமான உயர்வு, பேச்சுக்கு மதிப்பு,வாக்கு வன்மை ,குடும்ப ஒற்றுமை போன்ற நற்பலனை எதிர்ப்பார்க்கலாம். பேச்சுக்கு முக்கியத்துவமுள்ள தொழில் அமையலாம். ஏற்கெனவே உள்ள தொழிலில் உங்கள் வாக்குவன்மையால் நல்ல முன்னேற்றம் காண்பீர்கள்.

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 3 ஆமிடம். பொதுவிதிப்படி நல்லதில்லை. இதனால் மனசுல இனம் புரியாத பீதி பயம் எற்படலாம். பயணங்களால் அலைச்சல் ஏற்படலாம். உ.பி/ர.ர க்களால் பிரச்சினை வரலாம்.

குரு 1-11 க்கு அதிபதியா இருக்கிறதால உங்களுக்கு மட்டுமில்லை அண்ணன்,அக்கா (ஆருனா இருந்தா ) ஆகியோருக்கும் அல்லல் அலைச்சல் ஏற்படலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம். உங்கள்+ அண்ணன்,அக்கா ஆகியோரின் போக்கு அதிர்ச்சி தருவதா இருக்கும். தோள் பகுதியில் அடிபடுத்தல் ,சுளுக்கு மாதிரியும் நடக்கலாம்.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இவை உங்களுக்கு 2- 8 ஆம் இடங்கள் என்பதால்

ரெண்டுங்கறது நீங்க சாப்பிடற சாப்பாட்டை காட்டுது. கேது,ராகுன்னா தெரியுமில்லே .விஷம். ஒன்னு நீங்க பட்டினி துயர் தாங்காம விஷம் சாப்பிட்டுரனும் அ நீங்க சாப்பிடற சாப்பாடு விஷமா இறங்கனும். அதான் தலையெழுத்து.
பெண் ஜாதகத்தில் இது மாங்கல்ய தோஷம் எனப்படுகிறது. கணவன் ஜாதகத்தில் ஆயுள் பங்கமிருந்தால் அவர் உயிரே கூட போகலாம் என்பது இதன் பொருள். ஆயுள் பலம் உள்ள கணவர் அமைந்தால் மரணத்துக்கு ஒப்பான வறுமை வாட்டுவதை அனுபவத்தில் பார்க்க முடிகிறது.
இவருக்கு பேச்சு,வாய், கண்கள் வகையில் சில பிரச்சினைகள் வரலாம்.ஒவ்வொரு விஷயத்துக்கும் எதிர்த்து பேசுதல் அ பதில் பேச்சே இல்லாது மனதில் வைத்து குமைதல் ஆகிய குணமிருக்கலாம். குடும்பத்திற்கு பண நஷ்டம், கடன் ஏற்படலாம். பிக் பாக்கெட் போகலாம், கொள்ளை போகலாம், எவருக்கேனும் கொடுத்து ஏமாறலாம் குடும்பத்தில் கலகம் ஏற்படலாம்.
பரிகாரம்:
இதர மதத்தவர், இதர மொழியினர்,புதிதாக அறிமுகமாவோரிடம் எச்சரிக்கை தேவை. லாட்டரி, சினிமா , சாராய தொழில்கள் கூடாது. ஏற்றுமதி இறக்குமதி தொழில் கூடாது. இருட்டில், இரவில் செய்யும் தொழில்/வேலை கூடாது.விஷ பூச்சிகள் உள்ள இடங்களில் தங்குதல் கூடாது. மெடிசின் எடுத்துக்கொள்ளும்போது ரொம்ப எச்சரிக்கை தேவை. ரியாக்ஷன் நடக்கலாம். ஃபுட் பாய்சன் நடக்கலாம். அன் வாரண்டட் மோஷன் , வாமிட்டிங்க் சென்ஸேஷன் கூட ஏற்படலாம். உடலில் இனம் புரியாத பலவீனம், வைத்தியர்களால் அறுதியிடமுடியாத பிரச்சினைகள் இருக்கலாம். கொடுக்கல் வாங்கலை தவிர்க்கவும். (வட்டிக்கு ஆசைப்பட்டு) கழுத்தில் ஒரு புறம் துர்கை மறுபுறம் கணபதி உள்ள டாலரை அணிந்து இவர்களை வழிபடவும்.பாம்பு வடிவ மோதிரம் அணியவும். வேப்பந்துளிர் சாப்பிடவும், அருகம்புல் ஜூஸ் குடிக்கவும்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 2+9 பாவங்களுக்கு அதிபதியா இருக்காரு பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது பணம் /உபி க்கள்/ர.ர க்கள் காரணமா அல்லல் அலைச்சல் ஏற்படும்.

இவர் 6 ல் வரும்போது உ.பி/ரரக்களுடன் முட்டல் மோதல் ஏற்படும்.அவிகளால கடன் ஏற்படலாம். உங்களுக்கும் மெடிக்கல் பில்/லாயர் பில் வரலாம். 10,11 ல வரும்போது மாச/வருட வருமானமும் உசரும் -சொத்து,சேமிப்பு,முதலீடு வகையறாவிலும் நன்மையே கிடைக்கும்.

இப்போ செவ் எந்தெந்த தேதியில எந்த ராசிக்கு வருவாரு.அது உங்க மீன ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 7 ஆமிடம் )

ஆகஸ்ட் 14 முதல் துலா: இது உங்களுக்கு 8 ஆமிடம்

செப் 28 முதல் விருச்சிகம்: இது உங்களுக்கு 9 ஆமிடம்

நவம்பர் 9 முதல் தனுசு:இது உங்களுக்கு 10 ஆமிடம்

டிசம்பர் 17 முதல் மகரம். இது உங்களுக்கு 11 ஆமிடம்

2013 , ஜனவரி 25 முதல் கும்பம்: இது உங்களுக்கு 12 ஆமிடம்

2013 , மார்ச் 4 முதல் மீனம் :இது உங்களுக்கு ஜன்ம ராசி

உஸ் ..அப்பாடா .. மேஷம் முதல் மீனம் வரையிலான 12 ராசியினருக்குமான புத்தாண்டு பலன் முற்றியது.

“அம்மா” உசுருக்கு ஆபத்து Vs ஸ்டாலின்-அழகிரி அலப்பறை

அண்ணே வணக்கம்ணே !
அம்மா உசுருக்கு ஆபத்துன்னு ஏற்கெனவே ஒரு பதிவை போட்டம்.அந்த காலகட்டத்துல தான் மோடி சொல்லி கார்டன் வந்த நர்ஸ் கார்டன் நிலவரத்தை பார்த்துட்டு அங்கன உள்ளவுக அம்மாவுக்கு ஆகாத ஐட்டத்தை எல்லாம் கொடுத்து “கொல்லப்பார்க்கிறாய்ங்க”ன்னு மோடிக்கு புகார் சொன்னதா சில பத்திரிக்கைகள்ள செய்தி வந்தது.

சசிகலா அண்ட் கோ மேற்படி நர்ஸையே வெளியேற்ற பார்த்ததாவும்-மோடி மூலமா நர்ஸோட பாடு அம்மா காதுக்கு போனதாவும் சசி அண்ட் கோ வெளியேற்றப்பட இதுவும் ஒரு காரணம்னும் அதே பத்திரிக்கைகள்ள செய்தி வந்தது.

இப்பம் மறுபடி நாம அம்மா உசுருக்கு ஆபத்துன்னு சொல்றோம். அம்மாவோட ராசி சிம்மம். சிம்மத்துலயே செவ் இருக்காரு.4 ,7 ,8 ஆம் பாவங்களை பார்ப்பாரு. ராசிக்கு நாலாவது இடத்துல ஏற்கெனவே அங்கன ராகு இருக்காரு. ராகு மட்டும்னா செரி ( 4 ஆம் பாவம் =வீடு ,தன்னவர்கள் ; ராகு =திருடர்கள்) . அந்த ராகுவை செவ்வாயும் பார்த்தா எப்டி? செவ் =எதிரிகளாச்சே .

ஜன்ம லக்னம் மிதுனம். ஜாதகத்துல லக்னத்துக்கு ரெண்டுல செவ்வாய். அவரு 7 ஆம் பார்வையா எட்டை பார்க்கிறாரு. தற்சமயம் செவ் புக்தியே நடந்துக்கிட்டிருக்கு. கூட்டிக்க்ழிச்சு பார்த்தா மழை விட்டும் தூவானம் விடலைங்கற கதையா ரெண்டுலருந்து எட்டை பார்க்கிற செவ் தன் புக்தி காலத்துல ஏடா கூடமா எதையாவது செய்துருவாரோன்னு ஒரு ஹன்ச்.

தினகரன் நாளிதழ் சமீபத்துல வெளியிட்ட பொதுவான ஆண்டு பலன்ல ஏதோ ஸ்லோகம்லாம் சொல்லி ராஜாவுக்கு கெண்டம்னு போட்டிருந்ததாம். நாம பார்க்கலை.

இன்னைக்கு ஸ்டாலினும் -அழகிரியும் பண்ற அலப்பறைய பார்த்தா ஆஃப்டர் ஆல் எதிர்கட்சியா கூட இல்லாத கட்சியை கைக்குள்ள வச்சுக்க பண்றதா காணோம். என்னமோ நாளைக்கே மறுபடி ஆட்சி கைக்கு வருங்கறதை போன்ற எண்ணத்தோட இருக்காப்லதான் இருக்கு.

சசியம்மா திமுகவோட பேர சாரங்களையெல்லாம் பேசி முடிச்சுட்டு – ஆகவேண்டியதை பாருங்க சமயம் பார்த்து ஜாய்ன் பண்ணிக்கிறேன்னு சொல்லிட்டு ஒன்னும் தெரியாத பப்பா மாதிரி கார்டனுக்குள்ள வந்து
பதுங்கிட்டாப்லதான் தோனுது. (செவ்= சகோதர காரகன் ; சசி =உடன்பிறவா சகோதிரி )

பெங்களூர் சொத்துக்குவிப்பு வழக்கின் முடிவை எதிர்ப்பார்த்து இப்படி ஸ்டாலின்-அழகிரி அலப்பறை – சசியம்மா சரண்டர் நடந்திருந்தா ஓகே. அல்லது இனி எப்படியும் “எதையும்” கண்ல கூட பார்க்க முடியாது -சம்பாரிச்சதையாவது காப்பாத்திக்கிட்டா போதுங்கற எண்ணத்துல சசியம்மா இருந்து எதிரிகளோட கை கோர்த்திருந்தா? ( செவ்=எதிரிகள்)

செவ்வாய் என்றால் என்னென்னமோ வருது . ஆயுதங்கள் ,வெடிகுண்டு ,மின்சாரம் . புத்தி பேதலிச்சு போயி இப்படி ஏதாவது ஒரு “அபத்தமான” திட்டத்துல ஆருனா இறங்கிருவாய்ங்களோன்னும் பட்சி சொல்லுது.

எது எப்படியோ .. நம்ம கணிப்பெல்லாம் பொய்யா போயி அம்மா நீடூழி வாழ்ந்து இனியாச்சும் ஏட்டிக்கு போட்டி முறையை விட்டு நல்லாட்சி தந்தா நமக்கு சந்தோசம் தேன். இருந்தாலும் ஊதுற சங்கை ஊதி வைக்கிறோம்.

இப்பம் செவ்வாய்க்குரிய நட்சத்திரமே நாம போட்டிருக்கிற பதிவும் அவரை பற்றியதே. மூக்கு வேற ஞம ஞமங்குதா.. போடறதை சீக்கிரமே போட்டுரலாம்னு ஒரு பதைப்பு .சரிங்ணா நேத்தே மகர ராசிக்காரவுக ஏமாந்திருப்பாய்ங்க. இன்னிக்காச்சும் அவிகளுக்கான புத்தாண்டு பலனை தரலின்னா மருவாதியா இருக்காது.

புத்தாண்டு பலன் : மகரம்
மொதல்ல இவிக கேரக்டரை பார்ப்போம்.
கருமமே கண்ணாயினார் என்று கேள்விப்பட்டிருப்பீர்கள். தங்கள் விஷயத்தில் இது 100 சதம் உண்மை. என்ன வேலை செய்கிறோம். இதனால் யாருக்கு பலன் கிடைக்கும், இதனால் தனக்கென்ன லாபம் என்பதெல்லாம் உங்கள் மைண்டில் இருக்காது. சற்றே தாமசம், மந்தத்தனம் இருக்கலாமே தவிர உழைப்புக்கு அஞ்சும் கேள்வியே இல்லை. இது எந்த அளவுக்கு இருக்கும் என்றால் குளியல்,சாப்பாடு,சுத்தம் பற்றி கூட கண்டு கொள்ள மாட்டீர்கள்.அதே சமயம் ஏதோ ஒரு கலையில் ஆர்வம், திறமை இருக்கும். பேச்சு குறைவாகவே இருக்கும். கணவருடனான இவரது நெருக்கம் ஏற்ற இறக்கங்களுடன் இருக்கும். ஒற்றைத்தலைவலி,பல்,எலும்பு,முதுகெலும்பு தொடர்பான பிரச்சினைகள் இருக்கலாம். சாஸ்திர சம்பிரதாயங்களை தன்னிச்சையாக (பிரத்யேக ஆர்வமோ, பிடிப்போ இல்லாமலே) கன்டின்யூ பண்ணுவாய்ங்க.
சனி:

உங்களுக்கு ராசியாதிபதியான இவர் 2012,மே 15 முதல் ஆகஸ்ட் 4 வரை உங்க ராசிக்கு 9 ஆமிடமான கன்னியில சஞ்சரிக்கிறாரு. பொதுவிதிப்படி இது நல்லது தான்.ஆனால் ஏற்கெனவே கர்ம வீரரான நீங்க அதீதமான தொலை நோக்கோடு சேமிப்பு -முதலீடு -சொத்துன்னே இருந்துராதிங்க ரெம்ப நாளா போஸ்ட் போன் பண்ணிக்கிட்டிருந்த .தூர பிரயாணத்தை இன்னம் ஒன்னு ரெண்டு தாட்டி தள்ளிப்போட்டு கடேசியில புறப்பட்டு போய் கொஞ்சம் போல அவதிப்பட்டு வருவிக. எதிர்காலம் எவ்ள முக்கியமோ நிகழ் கால தேவைகளும் முக்கியம் தான் இதை மறந்துராதிங்க.

ஆனால் சனி தாமச கிரகம்ங்கறதால செய்தொழில்,வியாபாரத்துல பணம் கொஞ்சம் போல முடங்கும். உத்யோகத்துலயும் மந்தத்தன்மை இருக்கும்,மேலதிகாரிங்க தங்கள் பாராட்டை கூட தாமதமாத்தான் தெரிவிப்பாய்ங்க.
,
சனி உங்களுக்கு 2 க்கு அதிபதியா இருக்கிறதால உங்கள் வெகண்டை பேச்சு,அல்லது கல்லுளிமங்கத்தனம்,மவுன சாமியார் வேசம் கஞ்சத்தனம் உங்க அப்பா,அப்பாவழி சொத்து, உங்க முதலீடு சேமிப்பு ஆகிய விஷயங்களில் பிரதிகூலமான பலனுக்கு காரணமாயிரலாம். டேக் கேர்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்களுக்கு 10 ஆவது ராசியான துலாம்லயே சஞ்சரிக்கிறாரு. பொதுவிதிப்படி இது நல்லதுதான். தொழிலாளிகள் ஒத்துழைப்பாய்ங்க. இரும்பு பொருள் வந்து சேரும். நீங்க டெக்னிக்கல் லைன்ல/ லாயர்/ ஐரன் ஸ்டீல் மாதிரி ஃபீல்டுல இருந்தா ஓகே .ஒரு வேளை நீங்க வெள்ளையும் சொள்ளையுமா ஏசில வேலை பார்க்கிற பார்ட்டியா இருந்தா இது அந்த அளவ்க்கு ஒர்க் அவுட் ஆகாதுங்கோ. சட்டை நசுங்கறதோ -அழுக்கு படியறதோ -ஏசி ரிப்பேர் ஆறதோ நடந்தா அன்னைக்கு ஒரு டர்னிங் பாய்ண்டை எதிர்பார்க்கலாம்.

சனி உங்களுக்கு தன,வாக்கு குடும்ப பாவாதிபதியாவும் இருக்கிறதால செய் தொழில்ல உங்க பேச்சு, கஞ்சத்தனம், குடும்பத்தாரின் சோம்பல் இத்யாதி கூட முன்னேற்றத்துக்கு காரணமாகலாம்.

இவரோட ராகு வந்து சேர்ந்தபிறவு ஒரு தாட்டி வாந்தி வயிற்று போக்கு நடக்கலாம். அல்லது ஈசி மணி மேல கவர்ச்சியாலயோ -ஷேர் மார்க்கெட் இத்யாதியாலயோ பணம் பறிபோகலாம்.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 4 ஆமிடம். பொதுவிதிப்படி இது நல்லதில்லை. தாய்,வீடு,வாகனம்,கல்வி வகையறாவில் இம்சை ஏற்படலாம். சிறப்பு விதிகளின் படி இவர் 3 , 12 க்கு அதிபதிங்கறதால மேற்சொன்ன விஷயங்களில் வீண் விரயம் ஏற்படும். பிரிவு ஏற்படலாம். அபராதம் இத்யாதி கூட கட்டவேண்டி வரலாம். அல்லல் அலைச்சலும் ஏற்படும்.

2012, மே 17 முதல் செப்டம்பர் 5 வரை ரிசபத்துல சஞ்சரிப்பாரு இது உங்களுக்கு 5 ஆமிடம். பொதுவிதிப்படி ஓகே தான். இதனால மன அமைதி,நற்பெயர், வாரிசுகள் மேன்மையடைதல் இத்யாதி பலன் கிடைக்கனும்.

ஆனால் குரு 3-12 க்கு அதிபதியா இருக்கிறதால வேவரிங், ஓவர் திங்கிங், ரிஸ்க் எடுக்கிறதுல ஒரு த்ரில் ஏற்படும். நீங்க போடற ஸ்கெட்ச் எல்லாம் அடுத்தவுகளுக்கு லாபமா முடியும். குழந்தைகள் விஷயத்துல வீண் விரயம் ஏற்படலாம். நல்லதை செய்யப்போயி கெட்ட பேரும் வாங்குவிங்க.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம். சகோதரர்களின் போக்கு அதிர்ச்சி தருவதா இருக்கும். போகாத இடத்துக்கெல்லாம் போயி நிப்பிங்க.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 10-4 ஆம் இடங்கள் என்பதால் ராகு கேதுக்களால் பிரச்சினை இல்லை. உங்கள் இயல்புக்கு மாறாக செய்தொழில் உத்யோகம் வியாபாரத்துல கஷ்டப்பட்டு வேலை செய்யாம கதை செய்றது -புதுமைய புகுத்துறது நடக்கலாம். வீட்டில் -வீட்டினருடன் கழிக்கும் நேரம் குறையும். அந்த அளவுக்கு புதிய நண்பர்கள் கிடைப்பாய்ங்க. பிறமொழி பேசுவோர்,அன்னிய மதத்தினருடன் ஒட்டுறவு ஏற்படும். இதனாலும் நன்மையே கிடைக்கும்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
இவர் உங்களுக்கு 4+11 பாவங்களுக்கு அதிபதியா இருக்காரு பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது அல்லல் அலைச்சல் ,ட்ரான்ஸ்ஃபர் ,தாய்க்கு சுகவீனம் அ அவிகளோட முட்டல் மோதல் ஏற்படும் ,ஆறுக்கு வரும்போது இது இன்னம் கொஞ்சம் அதிகமாகலாம்.10,11 ல வரும்போது மட்டும் நன்மையே கிடைக்கும்.

இப்போ செவ் எந்தெந்த தேதியில எந்த ராசிக்கு வருவாரு.அது துலா ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 9 ஆமிடம் ( அதுவரை எட்டுல சஞ்சரிப்பாரு – ரியல் எஸ்டேட் ,மின்சாரம்,ஆயுதங்கள்,போலீஸ் இத்யாதி மேட்டர்ல ரெம்ப உசாரா இருங்க. இல்லாட்டி ஆப்புதேன்)

ஆகஸ்ட் 14 முதல் துலா: இது உங்களுக்கு 10 ஆமிடம்

செப் 28 முதல் விருச்சிகம்: இது உங்களுக்கு 11 ஆமிடம்

நவம்பர் 9 முதல் தனுசு:இது உங்களுக்கு 12 ஆமிடம்

டிசம்பர் 17 முதல் மகரம். இது உங்களுக்கு ஜன்ம ராசி

2013 , ஜனவரி 25 முதல் கும்பம்: இது உங்களுக்கு 2 ஆமிடம்.

2013 , மார்ச் 4 முதல் மீனம் :இது உங்களுக்கு 3 ஆமிடம்

கொலைகாரன்களுக்கு கொடி பிடிக்கும் மீடியா

அண்ணே வணக்கம்ணே !
சூர்யா நடிச்சு வெளி வந்த ரத்த சரித்திரம் பார்த்தவுகளுக்கு விளக்கம் எதுவும் தேவைப்படாது. மத்தவுகளுக்காக சிறு விளக்கம்.

அனந்தப்பூர் மாவட்டம் தெ.தேசம் லீடர் பரிட்டால ரவீந்திரா. இவரை லோக்கல் ஆதிபத்யம்+ பழிவாங்கலுக்காவ ஒரு பார்ட்டி போட்டு தள்ளிருச்சு.உன்னை நான் வெட்ட என்னை நீ வெட்டன்னு நடந்த தொடர் சம்பவங்களில் ஒரு பாகமா சூரிங்கறவனை அந்தாளோட ஆளே ( பானு கிரண்) பின் சீட்ல இருந்து துப்பாக்கியால சுட்டு போட்டு தள்ளிட்டான்.

2011 ஜனவரி 3 ஆம் தேதி இந்த சம்பவம் நடந்த பிற்காடு ஆளு எஸ்கேப். நேத்திக்கு போலீஸ் புடிச்சிட்டாய்ங்க. இது தொடர்பா ப்ரஸ் மீட் நடக்குது.

மீடியாகாரவுக எல்லாம் ஆஜர். சிஐடி ஐஜி ப்ரஸ் மீட்ல வந்து உட்கார்ராரு. பேச ஆரம்பிக்கிறாரு.அப்பம் கொலை குற்றவாளியான பானுகிரணை ப்ரஸ் கான்ஃபிரன்ஸ் நடக்கிற அறைக்கு கூட்டி வராய்ங்க.

நம்ம மீடியா என்னா பண்ணுது.. 15 நாளா கார்ப்பரேஷன் குழாய்ல தண்ணி வராதப்ப வந்த தண்ணி லாரியை நோக்கி ஆணும்,பெண்ணுமா பிளாஸ்டிக் குடங்களோட பாயற மாதிரி வாசல் நோக்கி பாயுது.

எப்படியும் அவனை கான்ஃபிரன்ஸ் ஹால்ல ஆஜர் படுத்தப்போறாய்ங்க.ஆனால் இவிகளுக்கு அத்தனை துடிப்பு.

இதுவாச்சும் பரவால்லை. பானு கிரணை சிஐடி ஆஃபீஸ்ல வச்சு விஜாரிக்கிறாய்ங்க. அதை திருட்டுத்தனமா நீலப்படம் கணக்கா இருளோன்னு ஷூட் பண்ணி போட்டி போட்டுக்கிட்டு காட்டறாய்ங்க.

இந்த அழகுல பானு கிரண் போட்டு த்ள்ளினது ஏதோ தேசத்தலைவனைத்தாங்கற ரேஞ்சுல பானு போட்டுத்தள்ளின சூரியோட மனைவிகிட்டே பேட்டி வேற .அன்னைக்கு எத்தீனி சம்பவங்கள் நடந்திருந்தாலும் – எத்தனை நிருபர்கள் உசுரை கொடுத்து கவர் பண்ணி அனுப்பியிருந்தாலும் பெப்பே. எல்லா சானல்ஸ்லயும் இதே பீடை. இவனுவளை திருத்தவே முடியாதா? சரிங்ணா புத்தாண்டு பலன்ல இன்னைக்கு துலா ராசிக்கான பலனை பார்ப்போம்.

2012-13 தமிழ் புத்தாண்டு பலன் : துலாம்

மொதல்ல இவிக கேரக்டரை பார்ப்போம்.

பிறந்த ஊரில் இருந்தவரை குடத்திலிட்ட தீபம். அதை விட்ட பின் நல்ல முன்னேற்றம். வாழ் நாள் முழுவதும் பொருளாதாரம்ஆட்டை தூக்கி மாட்டில் போடுவதாகவே இருக்கும். தங்கள் வாழ்வில் ஃப்ரெண்ட்,லவர் ,பார்ட்னர்களின் இம்பாக்ட் அதிகம். நல்லதோ கெட்டதோ அவர்களாலேயே நடக்கும். எதிரி வீட்டில் பெண் எடுத்தல் அ பெண்ணெடுத்த வீட்டாரோடு விரோதம் ஏற்படுதலும் நடக்கலாம். சேமிப்பு முக்கியம். அதையும் விற்க முடியாதபடிக்கு பதிவு செய்வது நல்லது. கடைசி காலத்தில் அனைவராலும் திரஸ்கரிக்கப்பட்டு வாழவேண்டி வரும்.டேக் கேர்இளமையில் வறுமை வாட்டினாலும் மத்திம வயதில் நல்ல முன்னேற்றம் காண்பீர்கள் . என்றாலும் கடைசிகாலத்தில் ஏழ்மையை அனுபவிக்க வேண்டிவந்துவிடும். இதற்கு காரணம் அந்த வயதிலான தங்கள் பிடிவாதம், யாருடனும் ஒத்துப்போகாமையாகவே இருக்கும்.தங்கள் பேச்சின் மீது தங்கள் மனிதர்கள் நம்பிக்கை வைக்கமாட்டார்கள். இதற்கு தாங்களும் காரணம்தான். ஆட்டை தூக்கி மாட்டில் போடும் ரொட்டேஷன் கிங்க் தாங்கள். ஏறினா ரயில் இறங்கினா ஜெயில் என்பார்களே அதுமாதிரி. ( சித்தூர் பாஷைல சொன்னா உட்டாலக்கடி பட்டாபி) எனவே சில சமயம் கொடுத்த வாக்கை காப்பாற்றியிருக்கமாட்டீர்கள்.

சனி:

இவர் 2012,மே 15 முதல் ஆகஸ்ட் 4 வரை உங்க ராசிக்கு 12 ஆமிடமான கன்னியில சஞ்சரிக்கிறாரு. இதை விரய சனின்னு சொல்லுவம்.

இந்த சனி உங்களுக்கு 4- 5 க்கு அதிபதியா இருக்கிறதால தாய், வீடு, வாகனம்,கல்வி விஷயங்களில் வீண் விரயங்கள் ஏற்படலாம். மேலும் இருக்கிற பேரை காப்பாத்திக்கனுமேங்கற கவலை, மறதி, சின்ன சின்ன அவமானங்கள்,குழந்தைகள் தொடர்பான திடீர் செலவுகள் கவலை தரும்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி உங்க ராசியான துலாம்லயே சஞ்சரிக்கிறாரு. பொதுவிதிப்படி மந்த புத்தி, முகத்துல எண்ணெய் வடியறது, மலச்சிக்கல் முதல் பைல்ஸ் வரை வரலாம்.அகால போஜனம்,அகால நித்திரை போன்ற பலன்கள் நிகழலாம்..கால், நரம்பு ஆசனம் தொடர்பான நோய்களும் வாட்டலாம். மனக் கவலையில முடி உதிரும், வெள்ளை முடியே கூட வந்துரும்.

இவர் 3 ஐ பார்க்கிறதால சகோதர நஷ்டம், காது நோய் ,சிறு விபத்து நடக்கலாம்.7 ஐ பார்க்கிறாதால கண்ணாலமாகாதவுகளுக்கு திருமண முயற்சிலயும்/காதல் கத்திரிக்காய் பிசினஸ்லயும் அல்லல் அலைச்சல் ஏற்படலாம். கண்ணாலமாகியிருந்தா அக்மார்க் லோ கிளாஸ் பார்ட்டியோட காதல் கீதல் ஏறபடலாம். 10 ஐ பார்க்கிறதால அப்பப்போ தொழில் -உத்யோகத்து மேலயும் அக்கறை வந்து செயல்பட ஆரம்பிப்பிங்க ஒடனே ஆப்பு.

சனி இவிகளுக்கு சுகஸ்தானாதிபதிங்கறதால தாய்,வீடு,வாகனம் தொடர்பான கவலைகள் அமைதியை கெடுக்கும். டெக்னிக்கல் லைன்ல உள்ளவுகளுக்கு கடுமையான உழைப்புக்கு பின் நீடித்த பயன் ஏற்படலாம். தாய்க்கு ஆயுள் கூடும்.( ராகு வந்து சேரும் வரை) வீட்டு பராமரிப்புக்கு நேரம் ஒதுக்க முடியாது. ஒரு சிலர் பழைய வீட்டை வாங்கலாம். வாகன விஷயத்துலயும் செகண்ட் ஹேண்ட் ஆஃபர்ஸ் வ்ரும். சர்வீஸுக்கு ஆளிருந்தாலே தவிர தவிர்ப்பது நல்லது.

சனி இவிகளுக்கு பஞ்சமாதிபதிங்கறதால குழந்தை பிறப்பை எதிர்ப்பார்ப்பவர்களுக்கு நிராசை ஏற்படலாம். வாய்ப்பு உள்ளவர்கள் வாலன்டியரா கு.பி தள்ளி வைப்பது நல்லது. கிடைக்க வேண்டிய பெயர் புகழ்,அங்கீகாரம் தாமதமா கிடைக்கும். ஒரு சிலருக்கு மட்டும் உயில் மூலம் ஒரு ஆதாயம் கிடைக்கலாம் ஒருத்தரோட நஷ்டம் /ஏமாற்றம் இவிகளுக்கு எதிர்பாரா லாபமா முடியலாம்.குழந்தைகள் தொடர்பா மனசுக்கு கஷ்டம் தரக்கூடிய செலவுகளும் வரலாம். வெகு சிலர் பட்டம் பதவிக்காக பணம் காசு செலவழிச்சு ப்ராசஸ் லேட் ஆறதை பார்த்து டென்சன் ஆவாய்ங்க.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 7 ஆமிடம். பொதுவிதிப்படி இது நல்லதுதான். இல்லேங்கலை . ஃப்ரெண்ட்,லவர்,பார்ட்னர்,வைஃப் வகையறாவுல நன்மைகள் ஏற்படனும். ஆனால்
இவர் 3 க்கு அதிபதிங்கற வகையில உ.பி, ர.ரக்களின் ஒத்துழைப்பு கிடைக்கலாமே தவிர, இவரே ரோகாதிபதியாவும் இருக்கிறதால ஃப்ரெண்ட்,லவர்,பார்ட்னர்,வைஃப் வகையறாவுலயே கடன் ஏற்படலாம்,வழக்கு,வில்லங்கம்,விவகாரம் ஏற்படலாம். அல்லது அவிக நோய் வாய்ப்பட்லாம்,உங்க கிட்டே முட்டிக்கலாம்.

2012, மே 17 முதல் செப்டம்பர் 5 வரை ரிசபத்துல (இதை டெக்னிக்கலா அஷ்டம குருன்னு சொல்வாய்ங்க) சஞ்சரிப்பாரு. பொதுவிதிப்படி உ.பி,ர.ரக்கள் வகையில் விரோதம், வயிறு ,இதய கோளாறுகள்,மனைவி ,மக்கள் வழியில் பிரிவு ,அவதி ,விரயம் ஏற்படனும்.ஆனால் சிறப்பு விதிப்படி 6 க்குஅதிபதியான குரு 8ல் மறையறது நல்லதுதான். இதனால் சத்ரு ஜெயம்,ரோக நிவர்த்தி,ருண விமுக்தி,விவகார ஜெயம்,கடன் வசூல் போன்ற நன்மைகள் நடக்கனும். உ.பி/ர.ர ஒருவரின் நிலைமை, கவலைக்கிடம் தரலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

4/7 க்கு அதிபதியான குரு வக்ரமாறதால உ.பி/ர.ரவின் போக்கு அதிர்ச்சியை தரும். சின்னதுன்னு துவக்கின பயணம் பெருசாகலாம். ஒரு நாள் வேலைன்னு புறப்பட்டது 8 நாள் ஆகலாம். பத்து நாள் திரிஞ்சாகனும்னு நினைச்ச வேலை ஒரே நாள்ள பைசல் ஆகலாம்.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 1-7 ஆம் இடங்கள் என்பதால்

இது தங்களை ரகசியங்களுக்குள் புதைத்துவிடும். ஒரு காலத்துல அரசாங்க ரகசியங்கள் வெளி நாட்டுக்கு லீக் செய்யப்பட்டதாய் பரபரப்பு ஏற்பட்டது ஞா இருக்கலாம்.

கண்டதையும் ரகசியம் என்று குறிப்பிட்டு தொலைத்ததால் – ரகசிய காப்பு இயலாத ஒன்றாய் போனதால் இது இப்படி நிகழ்ந்தது

தாங்கள் கண்டதுக்கும் ரகசியம் மெயின்டெய்ன் செய்பவராக மாறலாம். ரகசியம்னா “எல்லாத்துலயும்”

.ஏற்கெனவே ஜன்ம ராசியில் இருக்கும் சனியோட ராகு சேர்ரதால துலா சனிக்கு நான் சொன்ன தீய பலன்கள் வேகம் பிடிக்கலாம்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
துலா ராசிக்கு இவர் 2-7 க்கு அதிபதி பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது பணத்துக்கான அலைச்சல், வெத்து பேச்சு,சவால்கள், 6 க்கு வரும்போது கடன் தொல்லை, வாய்,கண்,தொண்டைக்கு பாதிப்பு ஏற்படலாம்.

அதே போல 3 ல் வரும்போது மனைவிக்கு/மனைவியால் அலைச்சல் திரிச்சல், 6க்கு வரும்போது அவிகளுக்கு நோய்/ அவிகளோட வாக்குவாதம், ஆகிய நெகட்டிவ் ரிசல்ட் வரலாம்.

அதே சமயம் 2ல் வரும்போது பூமி,சகோதரர் தொடர்பான பிரச்சினை முற்றி + தீர்ந்து கைக்கு காசு பணம் வரலாம். 7 ல் வரும்போது மனைவியுடன் ஊடலுக்கு பின்னான கூடல் இன்பம் தரலாம்.

இப்போ செவ் எந்தெந்த தேதியில எந்த ராசிக்கு வருவாரு.அது துலா ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 12 ஆமிடம்

ஆகஸ்ட் 14 முதல் துலா: இது உங்களுக்கு 1 ஆமிடம்

செப் 28 முதல் விருச்சிகம்: இது உங்களுக்கு 2 ஆமிடம்

நவம்பர் 9 முதல் தனுசு:இது உங்களுக்கு 3 ஆமிடம்

டிசம்பர் 17 முதல் மகரம். இது உங்களுக்கு 4 ஆமிடம்

2013 , ஜனவரி 25 முதல் கும்பம்: இது உங்களுக்கு 5 ஆமிடம்.

2013 , மார்ச் 4 முதல் மீனம் :இது உங்களுக்கு 6 ஆமிடம்

உணவும் உடலுறவும் – பாகம் 2

அண்ணே வணக்கம்ணே !
கில்மா இல்லாட்டி உலகமே கிடையாது. எவன் எதை செய்துக்கிட்டிருந்தாலும் அவனை அதுக்கு உந்தி தள்றது பலான நெனப்புத்தான். விளக்கமா சொன்னா கில்மா கிடைக்கலைங்கற ஏக்கத்துல+ கில்மா கிடைக்குங்கற நம்பிக்கையிலதான் அதுக்கான தயாரிப்பாத்தான் சனம் ஏதேதோ செய்துக்கிட்டிருக்கம்.

கில்மா எண்ணம் பிறக்கறதுல ரெண்டு விதம் இருக்கு. ஒன்னு ஒரு பூ மலர்ந்து மணம் வீசறாப்ல. இது ஒரு மன்சன் உடல் ரீதியா கில்மாவுக்கு ப்ரிப்பேர் ஆனபிற்காடு நடக்கும். ( இது டீன் ஏஜ் பார்ட்டிகளுக்கு மட்டுமல்ல – இடைவெளி – குறிப்பிட்ட கால பிரம்மச்சர்யத்துக்கு பிறகு கிழவாடிகளுக்கு கூட இது நடக்கக்கூடியதுதேன்).

மத்தபடி காலத்தின் கோலமா மண்டையில பிறக்கிற கில்மாவும் உண்டு ஆனால் இது சோனி. ஒரு எண்ணம் செயலாகறதுக்குள்ள அதன் தீவிரம் லட்சம் மடங்கு குறைஞ்சுருதாம். அட இந்த பதிவையே எடுத்துக்கங்களேன் நான் அடிக்க நினைச்சதுல 00.01% கூட பதிவுல வராது .நான் கியாரண்டி. அதே மாதிரி தான் கில்மாவும்.

மைண்ட்லருந்து பாடிக்கு ஃபைல் ட்ரான்ஸ்ஃபர் ஆறதுக்குள்ள ஃபைல் தேசலாயிருது. இதுக்கு இன்னாடா காரணம்னா மைண்டுக்கும் பாடிக்கும் டிஸ்டன்ஸ் சாஸ்தி. லைன் லாஸ் அதிகம். இயற்கையான கில்மா உணர்வு உடல் ரீதியானதுங்கறதால அதுக்கு ஏதும் ஏற்பாடு /முன்னேற்பாடெல்லாம் தேவையில்லை.

ஆனால் பழக்க தோஷத்துலயோ – பழைய ஞாபகத்துலயோ -ஸ்தூலமான தூண்டுதல்கள் காரணமாவோ பிறக்கும் கில்மா எண்ணம் செயலாகனும்னா இந்த பாடியை கொஞ்சம் போல கூர் தீட்டிக்கனும். செம்பு,பித்தளை,வெள்ளி,தங்கக்கம்பிகளின் ஊடே மின்சாரத்தை செலுத்தும்போது எப்படி கண்டக்டிவிட்டி வேறுபடுதோ பாடிக்கு பாடி கில்மா செயலாறதுல வித்யாசம் இருக்கு.

பாடியை கூர் தீட்டறது எப்படி? பாடியை ஒரு டூ வீலர்னு வச்சுக்குவம். தரமான பெட்ரோல் -சரியான அளவுல ஆயில் போடனும்ல. போடாட்டி என்னாகும்? ஸ்டார்ட்டிங் ட்ரபுள் ஒரு பக்கம். பிக்கப் இருக்காது புகையா கக்கும் . நடந்து வந்தே பிடிச்சுருவாய்ங்க.

வண்டிக்கு பெட்ரோல் மாதிரிதான் பாடிக்கு உணவு. கிக்கர் அடிச்சதும் ஒரு ஸ்பார்க் உருவாகுது பாருங்க அதான் கில்மா பற்றின தூண்டல். ஸ்பார்க் ஓகே. அங்கே ப்ளக்ல ஆயிலடிச்சு கருத்து கிடந்தா வண்டி ஸ்டார்ட் ஆகுமா ஆகாது.

எந்த காலத்துலயோ ஆத்திரம் அவசரத்துக்கு பீடா கடையில வித்த பெட்ரோலை போட்டிருப்பம்.அது சரியா பர்ன் ஆகாம புகையா கக்கி நாறியிருக்கும். மொதவேலையா என்ன பண்ணனும்? ப்ளக்கை கழட்டி துடைச்சு போடனும்.

அதாவது கடந்த காலத்திலான தவ்றான உணவுபழக்கங்களால் நாறிப்போன பாடியை க்ளீன் அண்ட் க்ரீன் பண்ணனும். அதே போல இனி எடுத்துக்கற உணவு பாடிக்கு எனர்ஜியை கொடுக்கிறதா இருக்கனும். அது செரிக்க அதிக சக்தி தேவைப்படக்கூடாது. அவுட் கோயிங்ல தகராறு வரக்கூடாது. அது தந்த சக்தி செலவழிக்கப்படனும். பாடி ஃபங்சனிங்கை பாதிக்காத அளவுல சேமிக்கப்படனும் இதான் பேசிக். இப்படி மஸ்தா மேட்டரு கீது வாத்யாரே .. இந்த புத்தாண்டு பலன் முடிஞ்சதும் இதான் .. இதுவேதான்.ப்ளீஸ் வெய்ட்.

2012-13 தமிழ் புத்தாண்டு பலன் : கன்னி

மொதல்ல இவிக கேரக்டரை பார்ப்போம்.
கன்னி குறித்து சொல்லவேண்டுமானால் மூன்றே வார்த்தைகள் தான் . கடன், நோய், விவகாரம். இது வாழ் நாள் முழுக்க தொடரும். ஒன்று லிட்டிகன்டாக இருப்பார்கள். அல்லது லிட்டிகன்ஸியால் பாதிக்கப்படுவார்கள். கெடுபலனை குறைக்க இவங்க அறையோட இன்டிரியர் டெக்கரேஷன் ஆஸ்பத்திரி, கோர்ட் போல் இருக்க வேண்டும். வாழ் நாள் முழுக்க எத்தனை தான் நல்ல நேரம் வந்தாலும் ஓரளவாவது நோய்,கடன்,சத்ரு தொல்லைகள் இருக்கும். இவர் பிறந்து வளர வளர இவர் உறவினர்/ இவர் வளரும் சூழலில் உள்ளவர்களில் ஒருவர் கடன் காரராகவும், ஒருவர் நோயாளியாகவும்,ஒருவர் கோர்ட் கேஸ் என்று அலைபவராகவும் மாறிவிடுவார். இவர் பெண்ணாயிருந்தால் புகுந்த வீட்டிலும் இதே நிலை ஏற்படும். கணிதம், ஜோதிடம்,மருத்துவ துறைகள்ள ஆர்வமிருக்கும்.பப்ளிக் ரிலெசன்ல புலிங்க.ஆனால் புலி தன் குட்டியை தானே தின்னுர்ராப்ல தன் செட்டுக்குள்ள இருக்கிறவகளையே லொள்ளு பண்ண ஆரம்பிச்சுருவாய்ங்க
சனி:

இவர் 2012,மே 15 முதல் ஆகஸ்ட் 4 வரை உங்க ராசியான கன்னியிலயே சஞ்சரிக்கிறாரு. இதை ஜன்ம சனின்னு சொல்லுவம். பொதுவிதிப்படி மந்த புத்தி, முகத்துல எண்ணெய் வடியறது, மலச்சிக்கல் முதல் பைல்ஸ் வரை வரலாம்.அகால போஜனம்,அகால நித்திரை இதெல்லாம் போனஸ்.. இவர் 3 ஐ பார்க்கிறதால சகோதர நஷ்டம், காது நோய் ,சிறு விபத்து நடக்கலாம்.

7 ஐ பார்க்கிறாதால கண்ணாலமாகாதவுகளுக்கு திருமண முயற்சிலயும்/காதல் கத்திரிக்காய் பிசினஸ்லயும் அல்லல் அலைச்சல் ஏற்படலாம். கண்ணாலமாகியிருந்தா அக்மார்க் லோ கிளாஸ் பார்ட்டியோட காதல் கீதல் ஏறபடலாம். 10 ஐ பார்க்கிறதால அப்பப்போ தொழில் -உத்யோகத்து மேலயும் அக்கறை வந்து செயல்பட ஆரம்பிப்பிங்க ஒடனே ஆப்பு. இதெல்லாம் பொதுவிதிப்படியான பலன்.

இந்த சனி உங்களுக்கு 5 -6 க்கு அதிபதியா இருக்கிறதால இருக்கிற பேரை காப்பாத்திக்கனுமேங்கற கவலை, மறதி, சின்ன சின்ன அவமானங்கள்,குழந்தைகள் தொடர்பான கவலைகள் வாட்டும். அதே போல கால், நரம்பு ஆசனம் தொடர்பான நோய்களும் வாட்டலாம். கடன்,வழக்கு விவகாரங்களுக்கு அதிக நேரத்தை ஒதுக்க வேண்டி வரும். இந்த கவலையில முடி உதிரும், வெள்ளை முடியே கூட வந்துரும்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி துலா ராசியில சஞ்சரிக்கிறாரு. இது இவிகளுக்கு 2 ஆமிடம்.இதனால் கொடுக்கல் வாங்கலில் தாமதம், நிஷ்டூர வாக்கு, வாக்கு வாதங்கள் ,குடும்ப கலகம், கண் நோய் இப்படி பாதிப்புகளை தரலாம். சிலருக்கு வாய்,தொண்டை தொடர்பான பிரச்சினையும் வரலாம்.

சனி இவிகளுக்கு சனி பஞ்சமாதிபதிங்கறதால சிலருக்கு மரணம் தொடர்பான ஆதாயம் கிடைக்கலாம் ஒருத்தரோட நஷ்டம் /ஏமாற்றம் இவிகளுக்கு எதிர்பாரா லாபமா முடியலாம்.குழந்தைகள் தொடர்பா மனசுக்கு கஷ்டம் தரக்கூடிய செலவுகளும் வரலாம். வெகு சிலர் பட்டம் பதவிக்காக பணம் காசு செலவழிச்சு ப்ராசஸ் லேட் ஆறதை பார்த்து பீதியில பேதியாவாய்ங்க.

இவர் ரோகாதிபதியாவும் இருக்கிறதால மெடிக்கல் பில், லாயர் ஃபீஸு, வட்டி,அபராதம்லாம் பிச்சு உதறும். மருத்துவ, நீதித்துறையில் உள்ளவர்கள் கொஞ்சம் போல சேஃப். பேச்சை மானிட்டர் பண்ணி பேசுங்க. வாக்கு கொடுக்காதிங்க. கொடுக்கல் வாங்கல்ல சாக்கிரதையா இருங்க.

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 8 ஆமிடம். . எட்டில் குரு வந்தால் கெட்டது குடிம்பாய்ங்க. தங்கம், காசு பணம் டீல் பண்ணும்போது சாக்கிரதை. ஜாய்ன்ட் ஷ்யூரிட்டில்லாம் போடாதிங்க. ஊர் பஞ்சாயத்துக்கு போகாதிங்க.போனா ஆப்புதாண்டி. செயிலுக்கு கூட போக வேண்டி வரலாம்.டேக் கேர்.

இவர் 4 க்கு அதிபதிங்கற வகையில தாய்,வீடு,வாகனம்,கல்வி வகையறால நோய்,பிரிவு, கடன்,நஷ்டம், தோல்வி ஏற்படலாம் .ஏழுக்கதிபதிங்கற வகையில ஃப்ரெண்ட்,லவர்,பார்ட்னர் ,வைஃப் வகையறால மனோ வேதனை, வீண் பழி , சிலர் மஹிளா ஸ்டேஷன்/ஃபேமிலி கோர்ட் வரை போறதும் நடக்கலாம்

2012, மே 17 முதல் செப்டம்பர் 5 வரை ரிசபத்துல (இதை டெக்னிக்கலா பாக்ய குருன்னு சொல்வாய்ங்க) சஞ்சரிப்பாரு. இதனால தாய்,மனைவி வகையறாவில அனுகூலம் ஏற்படலாம்.வண்டி வாகனம் வந்து சேரலாம். சிலர் வீடு கூட கட்டலாம் . சிலருக்கு ஒரு காலத்துல சேர்த்து வச்சிருந்ததோ – முதலீடு செய்திருந்ததோ கைக்கு வரும்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

4/7 க்கு அதிபதியான குரு வக்ரமாறதால உங்க தாய் -மனைவியின் போக்கு அதிர்ச்சியை தரும்.
( அம்மா-பொண்ணா இழைஞ்சிட்டு இருந்தவுக முட்டிக்கலாம் -எலியும் பூனையுமா இருந்தவுக ஓரணியில திரண்டு உங்களுக்கு ஆப்படிக்கலாம்)

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 2-8 ஆம் இடங்கள் என்பதால்

ரெண்டுங்கறது நீங்க சாப்பிடற சாப்பாட்டை காட்டுது. கேது,ராகுன்னா தெரியுமில்லே .விஷம். ஒன்னு நீங்க பட்டினி துயர் தாங்காம விஷம் சாப்பிட்டுரனும் அ நீங்க சாப்பிடற சாப்பாடு விஷமா இறங்கனும். அதான் தலையெழுத்து.
பெண் ஜாதகத்தில் இது மாங்கல்ய தோஷம் எனப்படுகிறது. கணவன் ஜாதகத்தில் ஆயுள் பங்கமிருந்தால் அவர் உயிரே கூட போகலாம் என்பது இதன் பொருள். ஆயுள் பலம் உள்ள கணவர் அமைந்தால் மரணத்துக்கு ஒப்பான வறுமை வாட்டுவதை அனுபவத்தில் பார்க்க முடிகிறது.
இவருக்கு பேச்சு,வாய், கண்கள் வகையில் சில பிரச்சினைகள் வரலாம்.ஒவ்வொரு விஷயத்துக்கும் எதிர்த்து பேசுதல் அ பதில் பேச்சே இல்லாது மனதில் வைத்து குமைதல் ஆகிய குணமிருக்கலாம். குடும்பத்திற்கு பண நஷ்டம், கடன் ஏற்படலாம். பிக் பாக்கெட் போகலாம், கொள்ளை போகலாம், எவருக்கேனும் கொடுத்து ஏமாறலாம் குடும்பத்தில் கலகம் ஏற்படலாம்.
.ஏற்கெனவே 2 ல் இருக்கும் சனியோட ராகு சேர்ரதால துலா சனிக்கு நான் சொன்ன தீய பலன்கள் வேகம் பிடிக்கலாம்.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
கன்யா ராசிக்கு இவர் 3-8 க்கு அதிபதி பொதுவிதிப்படி செவ் 3,6,10,11 ல இருந்தா நல்லது. ஆனா உங்களுக்கு மட்டும் 3 ல் வரும்போது சகோதரர்களுக்கும்/சகோதரர்களாலும் பிரச்சினை வரும். 10 ல வரும்போது செய்தொழில்ல போட்டி பொறாமை சாஸ்தியாயி கடுமையா உழைக்க வேண்டி வரும். சின்னதா விபத்து மாதிரி கூட நடக்கலாம். 11 ல வரும் போது மூத்த சகோதரர்களுக்கு/மூத்த சகோதர வர்கத்தால் ஆப்பு வரலாம். அதேசமயம் 6 , 12ல் வரும்போது நல்ல யோகத்தை எதிர்பார்க்கலாம்.

லக்னத்துல வரும்போது உடல் மனம் , ரெண்டுல வரும்போது பர்ஸ் , 4 ல் வரும்போது அம்மா , 5 ல வரும்போது குழந்தைகள் ,மன அமைதி, 7 ல் வரும்போது மனைவி , எட்டில் வரும்போது நீங்க, 9ல் வரும்போது அப்பா கடுமையா பாதிக்கப்பட வாய்ப்பிருக்கு.

இப்போ செவ் எந்தெந்த தேதியில எந்த ராசிக்கு வருவாரு.அது கன்னி ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 1 ஆமிடம்

ஆகஸ்ட் 14 முதல் துலா: இது உங்களுக்கு 2 ஆமிடம்

செப் 28 முதல் விருச்சிகம்: இது உங்களுக்கு 3 ஆமிடம்

நவம்பர் 9 முதல் தனுசு:இது உங்களுக்கு 4 ஆமிடம்

டிசம்பர் 17 முதல் மகரம். இது உங்களுக்கு 5 ஆமிடம்

2013 , ஜனவரி 25 முதல் கும்பம்: இது உங்களுக்கு 6 ஆமிடம்.

2013 , மார்ச் 4 முதல் மீனம் :இது உங்களுக்கு 7 ஆமிடம்

2012-13 தமிழ் புத்தாண்டு பலன் : கடகம்

அண்ணே வணக்கம்ணே!
கிரகங்கள் வக்ரமானா பழைய சம்பவங்கள் ரிப்பீட் ஆகும். டைம் மெஷின் பின் நோக்கி ஓடும்னு ஒரு பதிவுல சொல்லியிருந்தது ஞா இருக்கலாம். 1986 …மாடியறையில ரூம்பு. வெளிய விஸ்தாரமான இடம். ராத்திரியில கட்டிலை தூக்கி வெளிய போட்டுக்கிட்டு படிக்கிறதும் எழுதறதுமா இருந்த காலம் இப்பம் இந்த வீட்டுல மேற்படி வசதில்லாம் இருந்தாலும் இத்தீனி நாளு அதும் மேலல்லாம் போகல்ல. கடந்த 3 நாட்களா மொட்டை மாடியிலதான் தூக்கம் (?)
பாதி ராத்திரி வரை படிக்கிறது எழுதறது. கண்கள்,உடல் மட்டும் சோர்ந்து கிடக்க.. கண்ணை மூடிக்கிட்டுகிடக்கிறது . . பனி (?) பொழிய ஆரம்பிச்சு தலையணைல்லாம் நனைஞ்ச பிறவு இறங்கி வந்துரவேண்டியது. செருப்பணிய ஆரம்பிச்ச பிறவு மண்ணோடு உறவு போச்சு. கூரையின் கீழ் மக்கிக் கிடந்து வானோடும் உறவு உலுத்துப்போச்சு. அது புதுப்பிக்கப்பட இன்னம் எத்தனை காலம் ஆகுமோ பார்க்கலாம்.
இயற்கைக்கும் -இறைவனுக்கும் நெருக்கமான கிரகம் சந்திரன் – நெருக்கமான ராசி கடகம். இப்பம் புத்தாண்டு பலன் தொடர்ல கடகம்.
மொதல்ல இவிக கேரக்டரை பார்ப்போம்.
தங்கள் பிரச்சினைகளில் அதிகம் மானசிகமானவையாகவே இருக்கும். “என்னமோ தோணுச்சு செய்தேன் எனும் ரகம்”
முக்கியமாக அவ்வப்போது மூட் அவுட் ஆதல், எளிதில் எரிச்சல்,கோபம், தாய்வழியில் நட்டம், ஜல கண்டம், சீதள் நோய்கள், நுரையீரல், சிறு நீரகம் தொடர்பான பிரச்சினைகள் ஏற்படலாம். சஞ்சல ஸ்வபாவம், முடிவெடுக்க ஊசலாடும் நிலை ஆகியன மறைத்து சிக்கலில் மாட்டிவைக்கும். சில நேரங்களில் மித மிஞ்சிய தைரியம், சில நேரங்களில் இனம் புரியாத பயம் அலைக்கழிக்கும்.

செய் தொழிலில் ஸ்திரத்துவம் இராது. இடமாற்றம் ,சீட் மாற்றம் இருக்கும். இந்த வருடம் விட்டுரலாம்,அடுத்த வருடம் விட்டுரலாம் மாதிரியே இருக்கும். தொழில் ஆர்வமும் 15 நாள் ஓகோ, 15 நாள் அடச்சீ என்றாகிவிடும்.
மனப்போராட்டங்களால் வரும் நோய்கள் வரலாம். உ.ம் வீசிங்க்,(இழுப்பு) ,பி.பி.அல்சர், இத்யாதி
ஜாதகரின் உடல் திடீர் என்று புசுபுசுவென்று கொழுத்து திடீர் என்று ஒல்லியாகிவிடுவார்..இவருக்கு அடிக்கடி சளி பிடித்தல்,திடீர் என உடல் சூடு அதிகரித்தல், திடீர் என்று அதீத உற்சாகத்துடன் செயல்படுதல், திடீர்ன் என்று மந்தத்தன்மைக்கு ஆளாதல் ஆகிய குணங்கள் இருக்கும்.
ஜாதகர் சில நேரங்களில் கஞ்சனாகவும் ,சில நேரங்களில் வீண் செலவுகள் செய்பவராகவும் இருப்பார். அமாவாசைக்கு பிறகான 10 நாட்கள் சுப செலவுகள் செய்வார். பவுர்ணமிக்கு பிறகான 10 நாட்கள் வீண் விரயம் ஏற்படலாம் அல்லது மிச்சம் பிடிக்க பார்த்து அல்லல் அலைச்சலுக்கு ஆளாகலாம்.
சந்திரன்,ஆறு,கடல்,முகம் பார்க்கும் கண்ணாடி, தண்ணீர் இவற்றை நீங்கள் அறிவீர்கள் அல்லவா? இவற்றின் ப்ளஸ், மைனஸ் பாயிண்டுகள் ஜாதகரில் அப்படியே அமைந்திருக்கும். உம்: சந்திரனை போலவே இவரது கவர்ச்சி,உடல் நலம்,ஞா.சக்தி அனைத்து வளர்பிறையில் ஒரு விதமாக,தேய் பிறையில் ஒருவிதமாக இருக்கும்.
சனி:

இவர் 2012,மே 15 முதல் ஆகஸ்ட் 4 வரை கன்னியில் சஞ்சரிக்கிறாரு கன்னி இவிகளுக்கு 3 ஆமிடம். சனி 7, 8, பொதுவிதிப்படி சகோதர நஷ்டம், காது நோய் ,சிறு விபத்து நடக்கலாம்.

கண்ணாலமாகாதவுகளுக்கு திருமண முயற்சிலயும்/காதல் கத்திரிக்காய் பிசினஸ்லயும் அல்லல் அலைச்சல் ஏற்படலாம். கண்ணாலமாகியிருந்தா
பொஞ்சாதிக்கு அல்லல் அலைச்சல்.

அவிகளோட போறச்ச ஜாதகருக்கும் சின்னதா அடி ,கிடி கூட பட்டிருக்கலாம். அவிகளுக்கு பயணங்கள் அதிகம் செய்யவேண்டி வந்திருக்கலாம். இவிக உட்ன் பிறப்புகளுக்கு ஆப்பு. அவிகளோட நீயா நானா ரேஞ்சுலதேன் ரிலேஷன் இருக்கும்.

தைர்யே சாஹசே லக்ஷ்மி கணக்கா தைரியம் அதிகரிச்சிருக்கும். அதனால அதனால லாபமா நஷ்டமாங்கறது நீங்க தைரியத்தை எக்சிபிட் பண்ண ஃபீல்டை பொருத்தது.

எச்சரிக்கை: தைரியம்னா ஓகே. அது குருட்டு தைரியமா ஆயிராத பார்த்துக்கங்க. பொஞ்சாதி ஹெல்த்தையும் பாருங்க.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி துலா ராசியில சஞ்சரிக்கிறாரு. இது இவிகளுக்கு 4 ஆமிடம் தாய்,தாய் வழி உறவினர்,பூமி,வீடு,வாகனம்,கல்வி, இதயம், தங்கள் பாசத்துக்குரியவர்கள் விஷயங்கள்ள பாதிப்பை தரும். சிலருக்கு வீடு மாற்றம் ,வாகனமாற்றம்,சீட் மாற்றம்,உத்யோக மாற்றம் கூட நடக்கலாம்

குரு:
2012, மே 17வரை மேசத்துல சஞ்சரிக்கிறாரு. இது உங்களுக்கு 10 ஆமிடம். பத்தில் குரு வந்தால் பதவி பறிபோகும்னு ஒரு விதி. பதவியில இல்லாதவுகளுக்கு ஒரு நற்செய்தி. பறிபோகறதுக்காச்சும் ஒரு பதவி இருந்தாகனும்ல. பறிபோகவாச்சும் வந்தாகனும்ல. வரட்டும் பார்த்துக்கலாம். ( ஏற்கெனவே வேலையில உள்ளவுக வேலை விஷயத்துல எம்.ஜி.ஆர் வேலைகள் வேண்டாம் – கறாரா இருங்க -இல்லாட்டி அவப்பேர் வரும் -பதவி ஃபணாலாயிரும் )

ரோகாதிபதிங்கற வகையில செய்தொழில் வியாபாரம், உத்யோகம் வகையறாவுல கடன் ஏற்படலாம், எதிரிகள் தொல்லை கொடுக்கலாம், கோர்ட்டு கேஸுன்னு கூட வரலாம். அதே சமயம் குருவுக்கு பாக்யாதிபத்யமும் இருக்கிறதால பொதுவிஷயங்களில் ( சேவை) ஆர்வம் ஏற்படும். கைப்பணத்தை செலவழிச்சு கூட எம்.ஜி.ஆர் வேலை செய்விங்க.

2012, மே 17 முதல் செப்டம்பர் 5 வரை ரிசபத்துல (இதை டெக்னிக்கலா லாப குருன்னு சொல்வாய்ங்க) சஞ்சரிப்பாரு. இவர் ரோகாதிபதிங்கற வகையில கடன், நோய், வழக்கு என்ட்ரி கொடுக்கும். சிங்கிளா வந்து டபுளாகும். அதே சமயம் உங்க சொத்து, சேமிப்பு,முதலீடெல்லாம் கூட டபுளாக வாய்ப்பிருக்கு.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

ரோகாதிபதியா இவர் வக்ரமாறது சிங்கிளா வந்து டபுளான சத்ரு ரோக ருண உபாதைகள் பாதியா குறையலாம். அப்பா மேட்டர்ல தான் அதிர்ச்சிகள் காத்திருக்கும். அல்லது தூரதேச தொடர்புகள் ரிவிட் அடிக்கலாம். அக்கடான்னு புண்ணிய க்ஷேத்திரங்களுக்கு போனா அங்கயும் ஆப்புதான். டேக் கேர்.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 4-10 ஆம் இடங்கள் என்பதால் பெருசா பிரச்சினை இருக்காது.(அடுத்த ஒன்னரை வருசத்துக்குங்கோ) பிற மொழி பேசறவுக பிற மதங்களை சேர்ந்தவுக,புதுசா அறிமுகமாகிறவுகளால நன்மை ஏற்படலாம் ..ஏற்கெனவே 4 ல் இருக்கும் சனியோட ராகு சேர்ரதால துலா சனிக்கு நான் சொன்ன தீய பலன்கள் வேகம் பிடிக்கலாம்.( சீட் சேஞ்ச் எட்செட்ரா)

செய்ற வேலையில புதுமைய புகுத்தறேன் -புரட்சி பண்றேன்னு சொதப்பிக்கிட்டிருப்பிங்க அல்லது எத்திக்ஸ் பத்தி லெக்சர் அடிப்பிங்க ரெண்டையும் .அடக்கி வாசிங்க.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால சின்னதா சில க்ளூஸ் தரேன்.

எச்சரிக்கை:
கடக ராசிக்கு இவர் 5-10 க்கு அதிபதி பொதுவிதிப்படி செவ் 3,6,10,11 ல இருந்தா நல்லது. ஆனா 6 ல் வரும்போது மட்டும் குழந்தைகளுக்கு நோய் தொல்லை, செய் தொழில் உத்யோகத்துல கடன்,விரோதம் அ வாக்குவாதங்களை ஏற்படுத்துவாரு. 3 க்கு வரும்போது குழந்தைகள் விஷயத்துல அல்லல் அலைச்சலை தருவாரு. அஞ்சுல ஆட்சி பெறும் போது கொஞ்சம் முன் கோபத்தை கொடுத்தாலும் தன் காரகத்வத்துல அதிர்ஷ்டத்தை கொடுப்பாரு. (பொஞ்சாதி கர்பமாயிருந்தா ரெம்ப சாக்கிரதையா இருக்கனும். மிஸ் கேரி கூட நடந்துரலாம் – பன்னிருகையனை நினைவில் நிறுத்துங்க)

இப்போ செவ் எந்தெந்த தேதியில எந்த ராசிக்கு வருவாரு.அது கடக ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 3 ஆமிடம்

ஆகஸ்ட் 14 முதல் துலா: இது உங்களுக்கு 4 ஆமிடம்

செப் 28 முதல் விருச்சிகம்: இது உங்களுக்கு 5 ஆமிடம்

நவம்பர் 9 முதல் தனுசு:இது உங்களுக்கு 6 ஆமிடம்

டிசம்பர் 17 முதல் மகரம். இது உங்களுக்கு 7 ஆமிடம்

2013 , ஜனவரி 25 முதல் கும்பம்: இது உங்களுக்கு 8 ஆமிடம்.

2013 , மார்ச் 4 முதல் மீனம் :இது உங்களுக்கு 9 ஆமிடம்

2012-13 தமிழ் புத்தாண்டு பலன் : மிதுனம்

அண்ணே வணக்கம்ணே!
ஆ.வில ராஜூ முருகன் போர் அடிக்கிறதை பத்தி எழுதியிருந்தாரு. மன்சன் நெல்லாவே எளுதறாரு.ஹார்ட் டச்சிங்கா கீது. இந்த மேரி மாஸ் மீடியால இந்த மேரி தொடர்கட்டுரை எளுதறதுக்கு ஒரு ஃபார்முலா இருக்கு போல. இதை சுஜாதா வெளி நாட்டு ஆங்கில பத்திரிக்கைகள்ளருந்து உருவி சக்ஸஸ்ஃபுல்லாக்க ராமகிருஷ்ணன் தொடர ராஜு முருகனும் கலக்கிக்கிட்டு இருக்காரு.ஆனால் சீக்கிரமே இந்த கேட்டகிரி கட்டுரைகள் போரடிச்சுரும் கியாரண்டி.
இந்த கேட்டகிரி கட்டுரைகள்ள அடி நாதமா இருக்கிறது “பழசை நினைச்சு ஏங்கறது -முக்கியமா இயற்கைய விட்டு விலகி வந்துட்ட சமுதாயத்துக்காவ புலம்பறது” சரி ராஜூ முருகன் கதைக்கு வருவம். கட்டுரையின் கடேசியில ஒரு முதிய தம்பதிகளை பத்தி சொல்றாரு. அந்த லைஃப் போரடிக்கவே அடிக்காதுங்கற மாதிரி முடிக்கிறாரு.
எனக்கென்னமோ கான்ட்ராடிக்சன் இல்லாத தம்பதியை கற்பனை பண்ணவே முடியலை.ஏதோ என் பொஞ்சாதி இந்த உலகத்தின் ஒட்டு மொத்த பிரதி நிதியா இருந்து கடுப்பேத்திக்கிட்டே இருந்ததால இம்மாம் மட்டுக்கும் ஸ்டெடியா கீறோம். அவளும் நம்ம ரேஞ்சுல இருந்திருந்தா என்னெல்லாம் ஆகியிருக்குமோ? ( நான் சொல்றது சோஷியல் லைஃப்) நினைச்சாலே பயம்மா கீது.
இப்படி கான்ட்ராடிக்சனோட வாழற சோடிக்கு ஒரு கட்டத்துல முட்டி மோதி போரடிச்சு “தத் இது இவ்ளதான்” னு தோனின பிறவு வரும் பாருங்க ஒரு அஜீஸ்மென்டு அதை வச்சு 40 வயசுக்கு மேல ஒரு பத்து இருவது வருசம் ஓட்டலாம்.
ஆனால் பல சோடிங்க சுடுகாடு போற வரை முட்டி மோதிக்கிட்டுத்தானே இருக்காய்ங்க. பலர் ஒப்புத்துக்கறதில்லை. நம்மை மாதிரி பார்ட்டிங்க போட்டு உடைச்சுர்ரம்.
அது சரீ..இ .. வாரத்துல மொத 3 நாள் நாட்டு நடப்பை தானே எழுதனும். இதென்ன பதிவு இப்டி போயிக்கினு கீது. அட.. புத்தாண்டுபலன் வேற எளுதனும்ல. என்ன இது லொள்ளு? நக்கீரன்ல மோடி அண்ணாத்தை எந்த ரேஞ்சுக்கு சுருட்டி இருக்காருன்னு சோலை அண்ணன் கிளிச்சிருக்காரு. ஆனால் அவாள் என்னமோ மோடியை கல்கி அவதாரமாவே எஸ்டாப்ளிஷ் பண்ண பார்க்கிறா. தில்லி மாநகராட்சியில ஜெயிச்சதுமே மத்தியிலயும் அடுத்த ஆட்சி நம்முதுதான்னு அலப்பறை பண்றாய்ங்க.
பா.ஜ.கன்னா மதவாத கட்சி -மைனாரிட்டி ஓட்டுக்கிடைக்காதுங்கற ஒரே ஒரு அப்ஜெக்சன் தான் இருந்தது. இப்பம் ஊழல் – நீலப்படம்னு ஏகப்பட்ட அப்ஜெக்சன். பா.ஜ.கவோட கை கோர்க்க அம்மாவே பின்வாங்கறாய்ங்கன்னா பார்த்துக்கங்க. நிலைமை எவ்ள மோசம்னு.
நீங்க கவலைபடாதிங்ணா ஆந்திராவுல ..நடக்கப்போற இடைத்தேர்தல்ல வயலார் ரவியில்லை -ராகுல் இல்லே -சோனியா அம்மாவே வந்து கேம்ப் அடிச்சாலும் ஜகன் 17+1 தொகுதிகள்ளயும் காங்கிரஸுக்கு ஆப்படிக்கிறது கியாரண்டி.
ஆனைக்கு அடி சறுக்கினா பூனையெல்லாம் கர்பமாக்கிரும்லா. மொதல்ல ராயலசீமா எம்பி எல்லாம் காங்கிரஸுக்கு கா விட்டுட்டு பதவிக்கு ராஜினாமா பண்ணிட்டு ஜெய் ஜகன்ம்பான்.(அவனுக்கு தேவை வெற்றி.அதை காங்கிரஸ் கொடுக்க முடியாது -ஜகன் தான் கொடுக்க முடியும்னா ஒடனே ஜம்ப்) கூடவே மூக்கர் தெலுங்கான இப்பமே வேணம்னு தன் எம்பிக்களை ராஜினாமா செய்யவச்சு காங். எம்பிக்களை சீண்டி விடுவாரு .அவிகளுக்கும் ராஜினாமா பண்றதை தவிர வேற வழி கிடையாது. (அவிகளை ஜெயிக்க வைக்கக்கூடிய ஒரே அம்சம் தெலுங்கானா தான்) ஆக மத்தியில இடைத்தேர்தல் ஷ்யூரா வரும்.
காங்கிரஸுக்கும் பெப்பே. பா.ஜ.கவுக்கு பெப்பே. 3 ஆவது அணிதான் ஆட்சியை பிடிக்கும் பார்த்துக்கங்க. உஸ் அப்பாடா நாட்டு நடப்பு ஓவர்.
இப்பம் புத்தாண்டு பலன். இன்னைக்கு மிதுனம்.
மொதல்ல இவிக கேரக்டரை பார்ப்போம்.
மிதுனம் என்ற வார்த்தை மைதுனம் என்ற பதத்தில் இருந்து வந்தது. மைதுனம் என்றால் கடைதல் என்பது நேரடி வார்த்தை .ஆனால் உடலுறவு என்ற அர்த்தத்தில் தான் இது புழங்குகிறது. மதனன், மன்மதன் இத்யாதி பதங்களுக்கெல்லாம் இதுதான் வேர்சொல். 1967 வருட வாக்கில் அச்சான பஞ்சாங்கம் எதையாவது எடுத்து பார்த்தால் மிதுன ராசிக்கான படமாக கட்டித்தழுவியபடியிருக்கும் தம்பதிகள் படம் தான் அச்சாகியிருக்கும். இப்போதெல்லாம் சாஸ்திரத்துக்கு ஒரு ஆண்,ஒரு பெண் படம் அச்சிடுகிறார்கள். தங்கள் வாழ்வில் செக்ஸ் என்பது மிக முக்கிய இடம் வகிக்கும். அதீத அனுபவங்களாலோ அனுபவங்களுக்கு ஏங்குவதாலோ மனம் செக்ஸையே சுற்றி சுற்றிவரும். அதே போல் உடன் பிறப்புகளின் எஃபெக்டும் அதிகம். அதிகமாக ட்ராவல் செய்வர். இரண்டு பெயர்,இரண்டு விலாசம் ,இரண்டு தொழில் இருக்கலாம். இவிக வாழ்க்கைல மரண சமானமான ஒரு துக்கமோ, நஷ்டமோ வந்தா உடனே ஒரு சொத்து வாங்கற அமைப்பு ஏற்படும். பட்டுனு ஒரு லிஃப்ட் கிடைக்கும். தூர தேசத்துலருந்து உதவி வரும்.
சனி:

இவர் 2012,மே 15 முதல் ஆகஸ்ட் 4 வரை கன்னியில் சஞ்சரிக்கிறாரு கன்னி இவிகளுக்கு 4 ஆமிடம். சனி 8, 9, க்கு அதிபதி. பொதுவிதிப்படி தாய்க்கு ஆயுள் நீடிப்பு, வீடு மாற்றம், சீட் மாற்றம், ஆள் காட்டிகளால லொள்ளு, வாகன வகையில நஷ்டம்,கல்வியில் தடைல்லாம் நடக்கனும் இல்லேங்கலை.

ஆனால் இவர் 8 க்கு அதிபதியா 4 ல் நின்று பொதுவிதிப்படி மேற்படி பிரச்சினைகளை கொடுத்தாலும் ஒன்பதுக்கும் அதிபதியா இருக்கிறதால வண்டி வாகன சேர்க்கை, தாய் வழி சொத்தில் அனுகூலம், தொழில் நுட்ப படிப்பில் முன்னேற்றம் இத்யாதி நற்பலனையும் தருவாரு.

ஆனால் இவர் இவிகளுக்கு 8,9 க்கு அதிபதிங்கறதால 4 ல் நின்று ஆரம்பத்துல அம்மாவுக்கு கெண்டம், அல்லது அவிகளோட ஒரு தற்காலிக பிரிவுன்னு தரலாம். வீடு, வாகனம் தொடர்பாக இமிசை வரலாம்.

அதே சமயம் ஒரு சொத்தை, முதலீட்டை,சேமிப்பை, அப்பாவோட உதவியால /அப்பாவழி சொத்தை வச்சு அ தூரதேச தொடர்புகளால கிடைச்ச லாபத்தை வச்சு வண்டி ,வாகனம்னு வாங்கவும் வாய்ப்பிருக்கு.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி துலா ராசியில சஞ்சரிக்கிறாரு. இது இவிகளுக்கு 5 ஆமிடம் நற்பெயருக்கு களங்கம், குழந்தைகள் தொடர்பான பிரச்சினை, அதிர்ஷ்ட குறைவு, நிராசை ஏற்படனும். அதே சமயம் ஜஸ்ட் குருட்டு அதிர்ஷ்டத்துல லாஜிக்கே இல்லாம ஒரு சொத்தே கூட கைக்கு வரலாமுங்கோ

குரு:
2012, மே 17வரை லாபஸ்தானத்துல சஞ்சரிக்கிறாரு. இவர் சப்தமாதிபதிங்கற வகையில ஒரு கோணத்துல இது நல்லது தான். மனைவியோட ஒத்துழைப்பு கிடைக்கும்.பொன் பொருள் கூட சேரலாம். ஆனால் ஒரு உயர்குல பெண்ணுடன் நட்பு (?) குடும்ப வாழ்க்கையில பிரச்சினைய உண்டுபண்ணலாம்.இவர் ஜீவனஸ்தானாதிபதியாவும் இருக்கிறதால ஓவர் டைம் , சைட் பிசினஸ்,பார்ட் டைம் ஜாப் மாதிரி கூடுதலா அமையவும் வாய்ப்பிருக்கு.

2012, மே 17 முதல் செப்டம்பர் 5 வரை ரிசபத்துல (இதை டெக்னிக்கலா விரய குருன்னு சொல்வாய்ங்க) சஞ்சரிப்பாரு. இதனால மனைவி ,மனைவி வழி உறவினர்களால செலவுகள் ஏற்படலாம். அவிகளுக்கும் உங்களுக்கும் இடையில் இடைவெளி அதிகரிக்கலாம். நீங்க விற்பனை துறையில் இருந்தாலன்றி செய் தொழில் வியாபாரம் உத்யோகத்துல பிடிப்பு,ஆர்வம் குறையும் போதிய அங்கீகாரம் கிடைக்காம போயிரலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

ஜீவனஸ்தானாதிபதியா இவர் வக்ரமாறது பிளைப்புக்கு நல்லது தான் “எங்கே கோட்டை விட்டோம்” னு. தீர ரோசிச்சு அனலைஸ் பண்ணலாம்.(பழசை எல்லாம் துருவவச்சிருவாய்ங்க) ஆனால் களத்ராதிபதிய இவர் வக்ரமாறதால உங்கள் வாழ்க்கை துணையின் செயல்பாடுகளை பார்த்து ஷாக் ஆயிருவிங்க. அவிக லைஃப்ல செய்யாத காரியத்தை எல்லாம் செய்ய ஆரம்பிச்சுருவாய்ங்க.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே http://anubavajothidam.com/rahu-kethu-2011/ அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 5-11 இடங்கள் என்பதால் மறதி – அதிர்ஷ்ட குறைவு – அவமானங்கள் குழந்தை விஷயத்துல பிரச்சினை இத்யாதி உண்டு. இவற்றால் விரக்தி, தேடல் அதிகரிச்சுரும். யோகிகளின் வாழ்க்கை வரலாறுகளை படிச்சு மனசை பக்குவப்படுத்திக்கனும். இல்லாட்டி மேற்சொன்ன தீயபலன்கள் வாழ்க்கையையே புரட்டிப்போடுரலாம்.

அடுத்த ஒன்னரை வருசத்துக்குங்கோ) பிற மொழி பேசறவுக பிற மதங்களை சேர்ந்தவுக,புதுசா அறிமுகமாகிறவுகளால பிரச்சினை வரலாம்.ஏற்கெனவே 5 ல் இருக்கும் சனியோட ராகு சேர்ரதால நான் சொன்ன தீய பலன்கள் வேகம் பிடிக்கலாம்.

ஆனால் அப்பாவோட (இருந்தா) பலம் குறையும், தொலை நோக்கோடு நீங்க எடுக்கிற முடிவுகளை செயல்படுத்தற விஷயத்துல ரகசிய எதிரிகள் சதி திட்டங்கள் தீட்டலாம். செய்தொழில் வியாபாரத்துலயும் ” நீக்கு போக்கா” செயல் படவேண்டி வரலாம். செவ்வாய் அனுகூலமா இருக்கிற காலத்துல ஓகே. செவ் ஆப்படிக்கிற நிலையில இருந்தா இந்த அஜீஸ்மென்ட்ஸால போலீஸ் வரை கூட கை கட்டி பதில் சொல்லவேண்டி வரலாம்.டேக் கேர்.

அஷ்டமாதிபதியாகவும் உள்ள சனியோட ராகு சேர்ர்ரதால ரகசிய ப்ளாக் மெயிலுக்குள்ளாகவும் வாய்ப்பிருக்கு. ஃபுட் பாய்சன், மெடிக்கல் ரியாக்சன் கூட நடக்கலாம். (எந்த அளவுக்குன்னா உங்க நெர்வஸ் சிஸ்டத்தையே பாதிச்சுர்ர அளவுக்கு)

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால திங்கள் கிழமை மேஷ ராசிக்கு செவ் சஞ்சாரத்தை வச்சும் சில விஷயங்களை சொல்லியிருந்தேன் . முக்கியமா மேஷ ராசிக்கு இவர் ராசி நாதனாவும் இருக்கிறதால இது மேஷராசிக்காரவுகளுக்கு ரெம்ப அவசியமானதுங்கற வகையில ஓகே.

எச்சரிக்கை:
ரிசபராசிக்கு செவ்வாயை வச்சு சொன்ன பலன்ல சின்ன தவறு நடந்து போச்சு அதை http://anubavajothidam.com/2012-13-rasipalan/ திருத்தியிருக்கேன். ஒரு தாட்டி பார்த்துருங்க சிரமத்துக்கு மன்னிக்கவும்.

மிதுன ராசிக்கு இவர் 6-11 க்கு அதிபதி பொதுவிதிப்படி செவ் 3,6,10,11 ல இருந்தா நல்லது. ஆனா 6 ல் வரும்போது மட்டும் சத்ரு ரோக ருண உபாதைகள் அதிகமாயிரும்.டேக் கேர்.

மத்தபடி செவ் எந்தெந்த தேதியில எந்த ராசிக்கு வருவாரு.அது மிதுன ராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு 4 ஆமிடம்

ஆகஸ்ட் 14 முதல் துலா: இது உங்களுக்கு 5 ஆமிடம்

செப் 28 முதல் விருச்சிகம்: இது உங்களுக்கு 6ஆமிடம்

நவம்பர் 9 முதல் தனுசு:இது உங்களுக்கு 7 ஆமிடம்

டிசம்பர் 17 முதல் மகரம். இது உங்களுக்கு 8 ஆமிடம்

2013 , ஜனவரி 25 முதல் கும்பம்: இது உங்களுக்கு 9 ஆமிடம்.

2013 , மார்ச் 4 முதல் மீனம் :இது உங்களுக்கு 10 ஆமிடம்

2012-13 புத்தாண்டு பலன் : ரிஷபம்

எச்சரிக்கை:
நமக்கு கோசார பலன் மேல அந்த அளவுக்கு நம்பிக்கை கடியாது. மேலும் கடந்த வருசம் மாஞ்சு மாஞ்சு எல்லா பெயர்ச்சிக்கும் பலன் எழுதியாச்சு. கொக்குக்கு ஒன்னே மதின்னு ஒரு கிரகத்தை பத்தி நோண்டி நுங்கெடுக்க சொன்னா ஆராய்ச்சிக்கெல்லாம் சான்ஸ் இருக்கும்.ஆண்டுபலன்லாம் கல்லை மூட்டையா கட்டிக்கிட்டு மாங்கா அடிச்ச மாதிரி தான்.

நம்முது கடகலக்னமாச்சா எதை செய்தாலும் நமக்கா ஸ்பார்க் ஆகி செய்தாதேன் த்ரில்லு. ஆரோ நாலு பேரு மெயில் பண்ணிட்டாய்ங்களேன்னு எழுத ஆரம்பிச்சது தப்பா போச்சு.இதுல வழக்கம் போல ஜா.ரா அண்ட் கோ பயத்துல நோ கமெண்ட்ஸ் வேற. அதனால தேன் ஆண்டுபலன் டல்லடிக்குது ( நமக்கே உறைக்குது)

நாளைக்கும் நோ கமெண்ட்ஸ்னா ஆண்டுபலனை ஊத்தி மூடிட்டு உணவும் உடலுறவும் சூப்பர் முக்காபுலாவுக்கு போயிருவம்.ஆமாம் சொல்ட்டன்.

மத்தபடி பாக் அதிபர் வந்து போனதை பத்தி தமிழக அரசியல்ல நெல்லாவே அலசியிருக்காய்ங்கப்பா. இதை நம்மாளுங்க ( சக பதிவர்கள்) சூட்டோட சூடா செய்திருக்கலாமே. ஜோதிடம் 360 புஸ்தவத்துக்கு விமர்சனம் எழுத சொல்லி கேட்டிருந்தேன். சிலர் ஹிந்து காரவுக மாதிரி எழுத்து பெரிசா இருந்திருக்கலாம் எட்ஸெட்ரான்னு முடிச்சுட்டாய்ங்க.

முக்கியமான பார்ட்டிங்க ரெண்டு பேர் கிட்டருந்து விமர்சனம் எதிர்ப்பார்க்கிறேன். கிடைச்சதும் போட்டுரலாம். இன்னொரு முக்கியமான மேட்டர் விமர்சனம் எழுத நினைக்கிறவுகளாகட்டும் -வாங்க நினைக்கிறவுக ஆகட்டும் சீக்கிரம் செய்துருங்க.ஏன்னா மிக குறைந்த பிரதிகளே இருக்கு. மறு அச்சு -மறுபதிப்புக்கெல்லாம் போற மாதிரி இல்லை. ( 2012 ,ஜூன்ல மகளுக்கு கண்ணாலம் வச்சிருக்கமில்லை)

எங்க கிளம்பிட்டிங்க? ஜோதிடம் 360 க்கு ஆர்டர் கொடுக்கவா? விமர்சனம் எழுதவா? சுபஸ்ய சீக்ரம் !
உடுங்க ஜூட்

மொதல்ல இவிக கேரக்டரை பார்ப்போம்.
இவிக குழந்தை மாதிரி .அல்ப்ப சந்தோஷி. எதிராளி கொஞ்சம் போல அக்கறையோட பேசினா போதும் மனசுல எதுவும் வச்சிக்காம உள்ளது உள்ளபடி தாராளமாக பேசி பேசி வம்பில் மாட்டிப்பாய்ங்க. ஆனா போக போக மித பாஷியாயிரவும் வாய்ப்புண்டு. (முக்கியமா பெண்கள்) கொடுத்த பேச்சை காப்பாத்தனும்னு துடிப்பார். இதையே பிறரிடமும் எதிர்பார்த்து ஏமாறுவார்.குடும்பத்துடன் அதீத இணைப்பு,பிணைப்பு இருக்கும். அனைவரையும் அணைத்தெடுத்து முன்னேற்ற நினைப்பாரு. . தவறுகளை கண்டிப்பார். இதனாலேயே குடும்பம்,உறவினர் மத்தியில் மிகப்பெரிய வில்லனாக பெயரெடுக்கலாம். மாற்றங்களை விரும்பாத ராசி இது. செக்கு மாடு மாதிரி ரொட்டீனுக்கு பழக்கப்பட்டவுக. பணம், பேச்சு, குடும்பம்னால் வெல்லம். ஆனால் இயற்கை குரூரமானது எந்த ஜாதகர் எதை தன் உயிருக்கு சமமாய் பாவிக்கிறாரோ அந்த விசயங்களிலேயே ஆப்பு வைக்கும். எனவே இந்த விசயங்களில் முடிந்தவரை தங்கள் மைண்ட் செட்டை மாற்றிக்கொள்வது நல்லது. இதனால் பொருளாதார விசயத்தில் சற்று வீக் ஆனாலும் குடும்ப உறவுகளில் அபிவிருத்தி உண்டு. பேச்சை குறைக்கவும், குடும்பத்தாருடனும் சற்று நீக்கு போக்காக நடப்பது நல்லது. அதிகம் அட்டாச் மெண்ட் வேண்டாம்

சனி:

இவர் 2012,மே 15 முதல் ஆகஸ்ட் 4 வரை கன்னியில் சஞ்சரிக்கிறாரு கன்னி இவிகளுக்கு 5 ஆமிடம். சனி 9, 10 க்கு அதிபதி. பொதுவிதிப்படி மறதி வாட்டனும், அவமானம் நடக்கனும்,மந்த புத்தி ஏற்படனும், குழந்தைக மேட்டர்ல பிரச்சினை வரனும். இல்லேங்கலை.

ஆனால் இவர் இவிகளுக்கு 9,10 க்கு அதிபதிங்கறதால செய்தொழில்,உத்யோகம்,வியாபாரத்துல திடீர் அதிர்ஷடம் கதவை தட்டலாம். கை விட்டுப்போன சொத்து மீள வரலாம். தூரதேசங்கள்ளருந்து உதவி கிடைக்கலாம். ஒரு காலத்து சேமிப்போ முதலீடோ இப்ப திரும்ப கிடைக்கலாம். லாஜிக்கே இல்லாம தொழில்,உத்யோகம்,வியாபாரம் அமையலாம். அதை நீங்க உங்க தகுதிக்கு குறைவானதா நினைச்சு குமுறலாம்.அது வேற விசயம்.

2012, ஆகஸ்ட் 4 முதல் அடுத்த தமிழ் புத்தாண்டு வரை சனி துலா ராசியில சஞ்சரிக்கிறாரு. இது இவிகளுக்கு 6 ஆமிடம். பொதுவிதிப்படி பொதுவிதிப்படி சத்ரு,ரோக,ருண உபாதைகளில் இருந்து ரிலீஃப் கிடைக்கனும் தான் இல்லேங்கலை. ஆனால் இவர் இவிகளுக்கு 9, 10 க்கு அதிபதிங்கறதால அப்பா ,அப்பாவழி உறவு, சொத்து,சேமிப்பு,தூர தேசத்து தொடர்புகள் மற்றும் செய்தொழில்,உத்யோகம்,
வியாபாரத்துல கடன் ஏற்படலாம் -இவிக உடல் நிலைபாதிக்கப்படலாம் ( முக்கியமா கால் ,நரம்பு,ஆசனம்) மேற்சொன்ன விஷயங்களில் பிரச்சினைகள் வர்ரதுக்கும் வாய்ப்பிருக்கு. ஒரு சிலர் கடன்பட்டு சொத்து வாங்குவாய்ங்க. சிலர் சொத்தை வித்து கடன் தீர்ப்பாய்ங்க. மிக மிக சிலர் சொத்தை வச்சு சொத்து வாங்குவாய்ங்க.

குரு:
2012, மே 17வரை விரயத்துல சஞ்சரிக்கிறாரு. இவர் அஷ்டமாதிபதிங்கற வகையில இது நல்லது தான். ஆயுள் கூடும். உங்களால ஃபேஸ்பண்ணவே முடியாத எதிரி தன் தலையில தானே மண்ணள்ளி போட்டுப்பாரு.

இவர் உங்களுக்கு லாபாதிபதியாவும் இருக்கிறதால நீங்க ரெம்ப எதிர்பார்த்த லாபம்/பலன் கிட்டாது போவதோடு நஷ்டமும் வரலாம்.

2012, மே 17 முதல் செப்டம்பர் 5 வரை ரிசபத்துல (இதை டெக்னிக்கலா ஜன்ம குருன்னு சொல்வாய்ங்க) சஞ்சரிப்பாரு. இதனால ரோசனை சாஸ்தியாயிரும். டைட் ஷெட்யூல் இருக்கும். வேளைக்கு சாப்பிட முடியாது. முகத்துல கவர்ச்சி குறையும், சிலருக்கு அடி பிடின்னு கண்ணாலம் நடக்கும். ஆனால் செப்டம்பர் 5 ஆம் தேதி குரு மாறி 2 ஆமிடத்துக்கு வர்ரவரை பொருளாதார ரீதியில நெருக்கடி இருக்கும். ஜாய்ண்ட் ஷ்யூரிட்டி போடாதிங்க.

குரு உங்களுக்கு 8/11 க்கு அதிபதிங்கறதால நெருங்கிய உறவுல ஒரு மரணம் நிகழும் ( அண்ணன் முறை உள்ளவுக/அல்லது பிள்ளை முறை வர்ரவுக ) வயிறு இதயம் பாதிக்கலாம். அதே நேரம் உங்கள்ள ப்ராஃபிட் மோட்டிவ் அதிகமாகும். எது எப்படி போனாலும் ரெண்டு கிராம் தங்கமாச்சும் வாங்கிருவிங்க. இது உங்க எல்டர் சிஸ்டர்/எல்டர் ப்ரதர் உதவியால கூட மெட்டீரியலைஸ் ஆகலாம்.

2012,செப்டம்பர் 5 முதல் 2013 ஜனவரி 30 வரை குரு வக்ரம்
கடந்த ரெண்டு பாரால சொன்ன நல்ல பலன் – தீயபலன் ரெண்டுமே தடைபடும். மேற்படி பாராக்கள்ள சொன்ன பலன்களுக்கு நேர் எதிரிடையான பலன் நடக்கலாம்.

அஷ்டாமதிபதியா இவர் வக்ரமாறது நல்லது.ஆயுள் கூடும். ஆனால் அதுக்கு மிந்தி மறைஞ்சிருந்த உடல் நல பிரச்சினை எல்லாம் வெளிப்படும்.

லாபாதிபதியா இவர் வக்ரமாறது நல்லதில்லை. உங்க மூத்த சகோதர/சகோதிரியின் செயல்பாடுகளை பார்த்து ஷாக் ஆயிருவிங்க.

ராகு கேது :
2012 டிசம்பர் 23 வரை ராகு கேது பெயர்ச்சி கிடையாது. அதனால ஏற்கெனவே 2011 க்கு எழுதின ராகு கேது பெயர்ச்சி பலனையே ஃபாலோ பண்ணிக்கலாம். இதுவரை படிக்காதவுக இங்கே அழுத்தி படிச்சுருங்க.

2012 டிசம்பர் 23 முதல் ராகு துலாத்திலும், கேது மேஷத்துலயும் என்டர் ஆறாய்ங்க. இது உங்களுக்கு 12-6 ஆம் இடங்கள் என்பதால் ராகு கேதுவால் பிரச்சினை இருக்காது. ( அடுத்த ஒன்னரை வருசத்துக்குங்கோ) பிற மொழி பேசறவுக பிற மதங்களை சேர்ந்தவுக,புதுசா அறிமுகமாகிறவுகளால நல்லது நடக்கும். ஏற்கெனவே 6 ல் இருக்கும் சனியோட ராகு சேர்ரதால சத்ரு ஜெயம்,ரோக நிவர்த்தி,ருண விமுக்தி போன்ற பலன்கள் வேகம் பிடிக்கலாம்.ஆனால் அப்பாவோட (இருந்தா) பலம் குறையும், தொலை நோக்கோடு நீங்க எடுக்கிற முடிவுகளை செயல்படுத்தற விஷயத்துல ரகசிய எதிரிகள் சதி திட்டங்கள் தீட்டலாம். செய்தொழில் வியாபாரத்துலயும் ” நீக்கு போக்கா” செயல் படவேண்டி வரலாம். செவ்வாய் அனுகூலமா இருக்கிற காலத்துல ஓகே. செவ் ஆப்படிக்கிற நிலையில இருந்தா இந்த அஜீஸ்மென்ட்ஸால போலீஸ் வரை கூட கை கட்டி பதில் சொல்லவேண்டி வரலாம்.டேக் கேர்.

இந்த மாதிரி சந்தர்ப்பத்துல விரயத்துல உள்ள கேது விரக்தியை கொடுப்பாரு.கோவில் குளம்,சாமி பூதம்னு கொஞ்சம் சுத்தல்ல விடுவாரு.

வழக்கமா ஆண்டு பலன்ல செவ்வாயை யாரும் சேர்த்துக்கறதில்லை. ஆனால் நம்ம அனுபவத்துல செவ் ரெம்பவே பவர் ஃபுல்லு. அதனால நேத்திக்கு மேஷ ராசிக்கு செவ் சஞ்சாரத்தை வச்சும் சில விஷயங்களை சொல்லியிருந்தேன் . முக்கியமா மேஷ ராசிக்கு இவர் ராசி நாதனாவும் இருக்கிறதால இது மேஷராசிக்காரவுகளுக்கு ரெம்ப அவசியமானதுங்கற வகையில ஓகே.

ரிஷபராசிக்கு இவர் களத்ராதிபதி + விரயாதிபதி. பொதுவிதிப்படி செவ் 3,6,10,11 ல இருந்தா நல்லது.

ஆனால் களத்ராதிபதியா இவர் 6 ல வர்ரது மட்டும் நல்லதில்லை .பொஞ்சாதியோட லொள்ளு தாங்க முடியாம போயிரும்ன்னு சொல்லி முடிச்சுர்ரன். .

மத்தபடி செவ் எந்தெந்த தேதியில எந்த ராசிக்கு வருவாரு.அது ரிஷபராசிக்கு எத்தனையாவது பாவங்கறதை மட்டும் சொல்லிர்ரன்.

செவ்வாய்:
2012 ,ஜூன் 21 முதல் கன்னி: இது உங்க ராசிக்கு அஞ்சாமிடம்

ஆகஸ்ட் 14 முதல் துலா: இது உங்களுக்கு 6 ஆமிடம்

செப் 28 முதல் விருச்சிகம்: இது உங்களுக்கு ஏழாமிடம்

நவம்பர் 9 முதல் தனுசு:இது உங்களுக்கு எட்டாமிடம்

டிசம்பர் 17 முதல் மகரம். இது உங்களுக்கு 9 ஆமிடம்

2013 , ஜனவரி 25 முதல் கும்பம்: இது உங்களுக்கு 10 ஆமிடம்.

2013 , மார்ச் 4 முதல் மீனம் :இது உங்களுக்கு 11 ஆமிடம்