2015 குரு பெயர்ச்சி பலன் : மிதுனம்,கடகம்

IMG_0615

அண்ணே வணக்கம்ணே !

மொதல்ல கொஞ்சம் உரத்த சிந்தனை . நாங்களும் ரோசிப்பம்ல?
கால மாற்றமும் -கிரக பலனும்னு ஒரு தொடர் ஆரம்பிச்சம்.அதுக்குள்ள குரு பெயர்ச்சி சீசன் ஆரம்பிச்சிருச்சு. ஊருடன் ஒத்துவாழ் போல அதுல வாய வச்சாச்சு. மேஷம்,ரிஷபம் ஓவர். இன்னம் 10 ராசிக்கு எழுதியாகனும். வீடியோ பதிவுன்னு அள்ளி விட்டம். வர்ர 15 ஆம் தேதிக்குள்ளயாச்சும் பதிவுகளை முடிச்சுட்டா இதை பேஸ் பண்ணிக்கிட்டு -இன்னம் பரிகாரம் அது இது சேர்த்து விலாவாரியா வீடியோ பதிவு பண்ணலாம்.

கட்டண சேவைக்கு கூட்டம் அம்முது. ஆனால் வண்டி ஓடமாட்டேங்குது . கிழவாடி ஆயிட்டா காலை நேரம் மட்டும் தான் மூளை சுறுசுறுப்பா இருக்குமாம். நாப்பத்தெட்டெல்லாம் ஒரு வயசா? லக்னம் தான் வேலை செய்யுதா? ஜன்ம குரு தான் ஆப்படிச்சாரா? அப்போ இந்த குரு அனுகூலம் போல. லேட்டஸ்ட் ட்ரான்ஸ்லேட்டர் “குரு” நாதன்.

ஊர் வேலைக்காக உதவாக்கரை பொம்பளய வேலைக்கு சேர்த்து ஐ நூறு வட்டம். அதுல ரூ.200 வேணம்னா ஒர்த்து . ஆக முன்னூறு வட்டம். குரு காரகம்.

ஜி.எம்.ஆன்லைன் சித்தூர் லைவ் இன் சைட்டுல வேற பத்தி எழுதனும். எம்.ஜி.ஆர் வேலை தான் ஆனால் பரவுதல் நடக்கும். வாரத்துக்கு ரெண்டுன்னு சொன்னம் . ஆரம்பம் ஜூலை 5 .இன்னைக்கு தேதி? ஏழுதான். ரெண்டு சாப்டர் போட்டாச்சு. அப்போ 12 ஆம் தேதிவரை யோசிக்க தேவையில்லை.

குரு பெயர்ச்சி ? எழுதியே ஆகனும்.கு.பட்சம் ரெண்டு ராசி . லேண்ட் என் க்ரோச் மென்ட் கேஸ்? மனு ட்ராஃப்ட் பண்ணியே ஆகனும். கட்டண சேவை ? நாளையிலருந்து ஜரூரா இறங்கிரனும். எங்கே தப்பு நடக்குது? வாஸ்து? தசா புக்தி ? 11/May/2015 => 17/Sep/2015 செவ் தசை சூரிய புக்தி . சுக்கிர புக்தியையே சமாளிச்சுட்டம்.

கோசாரம்? ஜன்ம குரு, அஞ்சுல சனிய விட ரெண்டுல குரு அஞ்சுல சனி பெட்டர் தானே? லேக் ஆஃப் ஃபிசிக்கல் எக்ஸர்சைஸ்? நோ சன் லைட்? என்னடா நடக்குது அங்கே? நான் என்ன அஞ்சு வட்டி யாவாரமா பார்க்கிறேன். கடுப்பாச்சு. இறங்கிருவன். ஞா இருக்கட்டும்.

ட்ரஷரீஸ் அண்ட் அக்கவுண்ட்ஸ் கேஸ்? டைவர்ஸ் கேஸ்? எல்லாமே பொசுக்குன்னு முடிஞ்சுரும்.ஆனால் ஸ்டார்ட்டிங் ட்ரபுள். அல்லது ஸ்விங்ல போகும் போது வெளிய இருந்து பிரச்சினை ? பார்ப்பம். மொதல்ல ரெண்டு ராசிக்கு குருப்பெயர்ச்சி பலன்.உடுங்க ஜூட்டு .

மிதுனம்:
2015,ஜூலை ,14 ஆம் தேதி விடியல் 5.45 மணிக்கு குரு உங்க ராசிக்கு 2ஆமிடமான கடகத்தில் இருந்து மூன்றாமிடமான சிம்மத்துக்கு பெயர்ச்சி ஆகிறார்.

உங்களுக்கு குரு 7,10 பாவங்களுக்கு அதிபதி. இவர் 2 ல் இருந்தார். அங்கிருந்து விலகி 3க்கு வரார். இவர் 2ல் இருந்ததால் தொழில் உத்யோகம்,வியாபாரம் வகையிலயும் ,மனைவி,மனைவி வழி உறவுகள் வகையிலயும் ஓரளவாவது அனுகூலமான சூழல் இருந்திருக்கும்.

இப்போ அவர் 3 ஆமிடத்துக்கு வர்ராரு. இதனால தொழில் உத்யோகம்,வியாபாரம் வகையிலயும் ,மனைவி,மனைவி வழி உறவுகள் வகையிலயும் அல்லல் அலைச்சல் ஏற்படும். இதனால மனசுல ஒரு வித பயம்,திகில் வந்துரும்.திகில் பாண்டி கணக்கா ஆயிருவிங்க.

உங்க ராசி ராசிச் சக்கரத்துல 3 ஆவது ராசிங்கறதால பிறப்புலயே உங்களுக்கு உடன் பிறப்புகளோடு ஹேட் அண்ட் லவ் ரிலேஷன் இருக்கும். இப்போ குரு வேற இதே இடத்துக்கு வர்ரதால விலகிப்போன உ.பி,ர.ரக்கள் நெருங்கி வர அதனால கூட நான் சொன்ன பாதிப்புகள் வரலாம். மேலும் குரு பிரதிகூலமா போறதால வரக்கூடிய ஜெனரல் எஃபெக்ட்ஸ் கூட வரலாம்.

2015, ஆகஸ்ட் 10 முதல் செப் 9 வரை குரு சிம்மத்துலயே அஸ்தமிக்கிறார்.அஃதாவது குருவோட இம்பாக்ட் ஏறக்குறைய ஜீரோ ஆகி இங்கே சூரிய வேலை செய்ய ஆரம்பிச்சுருவாரு. இதனால மனசுல இருந்த பயம்,திகில் எல்லாம் மறைஞ்சு ஓரளவு தகிரியம் பிறக்கும். நீங்க பகல்ல பிறந்தவரா இருந்தா அப்பா,அப்பா வழி உறவுகள் வகையிலயும் உதவிகள் கிடைக்கலாம்.

அனைவருக்கும் மலை பிரதேசங்கள்,ரிமோட் வில்லேஜஸ்,நியூலி டெவலப்பிங் ஏரியாக்காரவிக உதவலாம். ஒன்றியம்,பஞ்சாயத்து தலைவர்கள் உறுப்பினர்கள் உதவி கிடைக்கலாம். இது ஜஸ்ட் ஒரு மாச பலன் தான்.ஆகவே சீக்கிரமே அறுவடை செய்ய ட்ரை பண்ணுங்க. பிறவு அடக்கி வாசிங்க.

2016 ஜனவரி 8 முதல் சிம்மத்துலயே வக்ரமாகிறார் (மார்ச் 15 வரை இதே நிலை -அடுத்த பஞ்சாங்கம் வந்தாதான் எதுவரை வக்ரம்னு சொல்ல முடியும்)
இதனால இந்த காலகட்டத்துல குருவோட லீலைகள் கொஞ்சம் குறையும். அதே சமயம் வயிறு/இதயம் தொடர்பான சிக்கல் முத்திப்போகவும் வாய்ப்பிருக்கு.மனைவி/பங்குதாரர்கள்/ வாடிக்கையாளர்கள்/ஊழியர்கள் போக்கு அதிர்ச்சியை தரும்.

கடகம்:

2015,ஜூலை ,14 ஆம் தேதி விடியல் 5.45 மணிக்கு குரு உங்க ஜன்ம ராசியான கடகத்துலருந்து 2ஆமிடமான சிம்மத்துக்கு பெயர்ச்சி ஆகிறார்.
உங்களுக்கு குரு6,9பாவங்களுக்கு அதிபதி. இவர் ஜன்மத்துலயே இருந்தார். அங்கிருந்து விலகி 2க்கு வரார்.

ஜன்மத்துலருந்து விலகினதே ஒரு பெரிய திருப்பம். இதனால பொருளாதார நெருக்கடி ,ஊர் பஞ்சாயத்து ,வீண் பழி ,கொய்யால எல்லாத்தயும் விட்டுட்டு எங்கனா போயி நிம்மதியா இருந்திரலாமாங்கற கடுப்புல்லாம் மாறிரும். இதுவரை எஃபெக்ட் பண்ண அஜீர்ணம்,கியாஸ் ட்ரபுள் கூட கட்டுப்பாட்டுக்கு வந்துரும்ங்கோ !

இவரு ரெண்டுக்கு வர்ரதால அனுகூல தசாபுக்திகள் நடப்பவர்கள் கடன் வாங்கி சொத்து / நகை வாங்குவதும், பிரதி கூலமான தசாபுக்திகள் நடப்பவர்கள் கைக்கு வருவனா என்று கண்ணாமூச்சி காட்டிய சேமிப்பை /முதலீட்டை /சொத்தை /நகைகளை பெற்று விற்று/அடகு வைத்து கழுத்தை நெறித்த கடன் தீர்த்து நிம்மதி அடைவார்கள்.

இதில் ஏதோ ஒன்று கமுக்கமா நடந்து முடியும் வரை வெகண்டையா பேசறது ,விவகாரமா பேசறதுன்னு கசப்பை கொட்டுவிங்க. கண்,தொண்டை,வாய் பகுதியில் பாதிப்பு வரலாம். குடும்பத்துல கலகம் வரலாம் . மேலும் குரு அனு கூலமா வர்ரதால வரக்கூடிய பொதுவான பலன் கள் கூட கிட்டலாம்.
2015, ஆகஸ்ட் 10 முதல் செப் 9 வரை குரு சிம்மத்துலயே அஸ்தமிக்கிறார்.அஃதாவது குருவோட இம்பாக்ட் ஏறக்குறைய ஜீரோ ஆகி இங்கே சூரிய வேலை செய்ய ஆரம்பிச்சுருவாரு. இதனால சொந்த செல்வாக்குல -உங்க வாக்கு வன்மைய வச்சு பைசா சம்பாதிக்க வாய்ப்பு ஏற்படும்.

நீங்க பகல்ல பிறந்தவரா இருந்தா அப்பா,அப்பா வழி உறவுகள் வகையிலயும் உதவிகள் கிடைக்கலாம். அனைவருக்கும் மலை பிரதேசங்கள்,ரிமோட் வில்லேஜஸ்,நியூலி டெவலப்பிங் ஏரியாக்காரவிக உதவலாம். ஒன்றியம்,பஞ்சாயத்து தலைவர்கள் உறுப்பினர்கள் உதவி கிடைக்கலாம். முக்கியமா பைசா மேட்டர்ல இது ஒர்க் அவுட் ஆகும். இது ஜஸ்ட் ஒரு மாச பலன் தான்.ஆகவே இது நிரந்தரம்னு மயங்கிராம அடக்கி வாசிங்க.

2016 ஜனவரி 8 முதல் சிம்மத்துலயே வக்ரமாகிறார் (மார்ச் 15 வரை இதே நிலை -அடுத்த பஞ்சாங்கம் வந்தாதான் எதுவரை வக்ரம்னு சொல்ல முடியும்)
இதனால இந்த காலகட்டத்துல உங்கள் வருமானத்துல திடீர் மாற்றம்/ஏற்ற இறக்கம்லாம் ஏற்படும். கடனே வாங்க வேண்டாத நிலை வரலாம். இதே போல செட்டி வச்சு கெட்டது போல கெட்டது போதும் வந்ததை அனுபவிக்கலாம்ங்கற மனப்போக்கும் ஏற்படும். கண்,தொண்டை,வாய் , வயிறு/இதயம் தொடர்பான சிக்கல் முத்திப்போகவும் வாய்ப்பிருக்கு. மனைவி குழந்தைகள் போக்கு அதிர்ச்சி தரும்.